Jeremías 8:22 - Bible in Tzeltal de Oxchuc y Tenejapa

²² ¿Ma bal ayuc jtebuc poxil ta Galaad? ¿Ma bal ayuc mach'a ya xpoxtaywan tey a? ¿Bi yu'un ma xcol te jlumale?

Bible in Tzeltal Bachajón

²² ¿Ma bal ayuc bálsamo-te' ta Galaad? ¿Ma bal ayuc jpoxtaywanej tey a? ¿Bin yu'un hiche te ma ba lecub te jlumale?

Jeremías 8:22 Referans Kwoze

Jeremías 46:11

“Yajwal Egipto, baanic ta Galaad ta sleel poxiletic. Manchuc me jayebuc poxiletic ya atuuntesic, ma nix bay ya xtuun awu'un a, melel ma'yuc poxil awu'un te ja'ate.

Génesis 37:25

La snajc'an sbaic, ochic ta we'el. Yacalic ta we'el a, la stoy sitic, la yilic yacalic ta talel ismaeletic jajch'emic tel ta Galaad. Smacojic ta beel scamelloic te xcuchojic te bila bujts'an yic' soc bálsamo soc mirra, te ya xba xchonic ta Egipto.

Jeremías 51:8

Ja'uc me to, ora nax a yal te Babilonia, wuyultic nax a c'ot. ¡Ochanic ta yoq'uetayel! Ich'beyaic tel xpoxil yu'un te yejch'ene, ya quiltic teme ya xcole —xi' te Cajwaltique.

San Lucas 8:43

Ay jtul ants tey a te ay ta chamele. Ayix lajchayeb ja'wil te ma xmajc' te xchamele. [Spisil la slajinix staq'uin ta swenta jpoxtaywanejetic,] ja'uc me to, xujt' ma'yuc banti col yu'un.

Génesis 43:11

La sjac' te statique: —Lec ay jiche, ic'aic bael. Soc ich'beyaic bael jtebuc smajt'anin te bila ay ta jq'uinaltique, ya me xc'o awac'beyic te ajwalile, ja' te bálsamo, chab, soc te bila bujts'an yic', mirra, soc sit te', nuez soc almendra.

Jeremías 9:1

Te ja'uc sloq'uibja' te jsite, te jichuque, tulan ya x'oquin te ya'lel jsit, ta swenta yoc'tayel c'aal ajc'ubal te animaetic yu'un te jlumale.

Jeremías 14:19

Cajwal, ¿jc'axel bal la ach'oj bael ta spisil te Judá? ¿Lubat balix yu'un te lum Sión? ¿Bi yu'un la awejch'entesotic te ma'yuc ta poxtayele? La jmaliytic te ya x'esmajotique; ja'uc me to, ma'yuc bila lec la jtatic. La jmaliytic te ay yutsil q'uinal caiytic ta poxtayele; ja'uc me to, ja' nax ay xiwtesel.

Lamentaciones 2:13

Jerusalén te t'ujbilate, ¿bila ya xju' ya jpajat soc? ¿Bila ya xju' ya jmuc'tesbat awo'tan a, ja'at Sión te ma bolobenucat soc awutsilal ta neelale? Muc' ta jyalel te ajinel, jich bit'il smuc'ul mar; ¿mach'a ya xju' yu'un ya slamantesbat q'uinal awaiy?

Números 32:1

Te sts'umbal Rubén soc Gad ay bayal ta jyalel te chambalametic yu'unique. C'alal la yilic te lumq'uinal yu'un te Jazer soc te Galaad te mero lec yu'un yawil te chambalametic,

Jeremías 6:7

Ta Jerusalén tey ya xloc' tel a te bila amene, jich bit'il jun pozo te ya xloc' tel a te ja'e. Ma'yuc bila yan te ay ta aiyel stojol tey a, ja' nax uts'inel soc elec'; ma'yuc yan bila ya quil, ja' nax chamel soc ejch'en.

Jeremías 9:11

“Te Jerusalén, ya jc'atp'un ta jbus nax tontiquil; xch'en ja'mal ts'i'etic ya xc'ot. Ya jc'atp'un ta jochol taquin q'uinal te lumetic ta sq'uinal Judá; soc ma me ayuc yajwal ya xjil ta jyalel —xi' te Cajwaltique.

Jeremías 22:6

Melel te Cajwaltic ja' ya yalbey sc'oplal te palacio yu'un muc' ajwalil ta Judá: —Te ja'ate jich c'oemat ta co'tan te bit'il sq'uinal Galaad, jichat te bit'il ba wits ta Líbano; ja'uc me to, jamal ya cal te ya jc'atp'unat ta jochol taquin q'uinal, ja' te q'uinal te ma'yuc yajwale.

Ezequiel 27:17

Ja' nix jich la awaiy manbajel chonbajel soc Judá soc nix Israel. Te bila la awac'beye, la stojbat ta trigo yu'un Minit, soc pastel, chab, aceite yu'un sit olivo soc bálsamo.