Jeremías 8:19 - Bible in Tzeltal de Oxchuc y Tenejapa

¹⁹ Te yawic ta woclajel te jlumale, ya xchicnaj ta bayuc ta spamal te q'uinale: —¿Ma bal tey ayuquix a te Cajwaltic ta Sión? ¿Ma bal tey ayuquix a te muc' ajwalil yu'une? —xi'. Te Cajwaltic la sjojc'o: —¿Bi yu'un la awac'onic ta q'uexlal te bit'il la ach'uunic te loc'ombaetique, te yantic diosetic te ma'yuc yutsilic ta jyalele? —xi'.

Bible in Tzeltal Bachajón

¹⁹ A'iya awa'iy te yaw te yantsil-nich'an te pueblo cu'un te ya xchicnaj tal ta namal q'uinal: ¿Ma bal ayuc ta Sión te Jehová? ¿Ma bal teyuc ay a te ajwalil yu'une? xchi. ¿Bin yu'un la shachbonic quilimba ta scuenta te pasbil loc'ombahetic yu'unic, te jyanlum diosetic te mayuc scuentahil? xchi te Jehová.

Jeremías 8:19 Referans Kwoze

Isaías 39:3

Jich yu'un bajt' te j'alwanej Isaías, ba yil te muc' ajwalil Ezequías, soc la sjojc'obey: —¿Banti talemic te winiquetique, soc bila la yalbat? —la yut. Te Ezequías la sjac': —Talemic ta c'ubul q'uinal ta yan lum, jajch'emic tel ta Babilonia —xi'.

Isaías 13:5

Talemic ta c'ubul, ja' to ta bay comen sti'il te ch'ulchan. Ja' te Cajwaltique, yich'oj spisil at'ejibaletic yu'un te yilimba, te ya xtal sjin spisil te q'uinale.

Apocalipsis 2:1

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Éfeso: Te mach'a sloch'oj ta swa'el sc'ab te juqueb eq'uetique soc te mach'a yac ta beel ta yolilal te jucch'ix xtuchtijib c'ajc' te pasbil ta oroe, jich la yal:

Abdías 1:17

Yan te wits Sión, ja' ch'ul wits ya xc'ot, ay me ya xba scoltay sbaic tey a. Te sts'umbalic Jacob ya xcha'yich'ic xan te slum-sq'uinalique.

Joel 2:32

Spisil te mach'atic ya yalbey wocol te Cajwaltic ya me xcol stuquelic. Ta wits Sión, ta Jerusalén, tey ya xjul a te colele, jich nix te bit'il yaloj te Cajwaltique. Te mach'atic stsaoj stuquel cuxulic me ya xjil stuquelic.

Jeremías 31:6

Melel ya me sta sc'aalelal te ya x'awunic te j'il-q'uinaletic, ta witstiquil yu'un Efraín, ya me x'awunic: “La'ic, ya xbootiquix ta Sión, ta stojol Cajwaltic te Dios cu'untique”, xiic me —xi' te Cajwaltique.

Jeremías 14:19

Cajwal, ¿jc'axel bal la ach'oj bael ta spisil te Judá? ¿Lubat balix yu'un te lum Sión? ¿Bi yu'un la awejch'entesotic te ma'yuc ta poxtayele? La jmaliytic te ya x'esmajotique; ja'uc me to, ma'yuc bila lec la jtatic. La jmaliytic te ay yutsil q'uinal caiytic ta poxtayele; ja'uc me to, ja' nax ay xiwtesel.

Isaías 52:1

Wic'a asit, ja'at Sión, wic'a asit, chajbana aba soc awip; ja'at ch'ul lum, Jerusalén, lapa ac'u' te mero c'ax jelawen yutsile. Melel te ants-winiquetic te ma pocbiluc yo'tanic, te ma'yuquic ta stojol te Diose, ma ba ya xcha'ochic xan bael ta awolil.

Isaías 33:22

Te slazoil te muc'ul barcoetic ma xju' ya x'ipajic ta tec'lej tey a te ste'el spac'ul; ma xju' ta lich'el te spac'ule. Ya me xju' jpojbeytic bayal sc'ulejalic te jcontrotactique, asta te ma'site ya to me xc'ot ta swenta, soc te mach'atic sicuben yacan, ya me yat'elinic spojel. Melel te Cajwaltic ja' mero juez cu'untic, ja' jpas-mandalil cu'untic soc muc' ajwalil cu'untic, ya me scoltayotic stuquel.

Isaías 12:6

Awunanic yu'un sbujts' awo'tanic, ja'ex te yajwalex Sión, melel te Ch'ul Dios yu'un Israel, ay ta awolilic te ja'exe soc spisil te smuc'ul yu'ele”, xaex me ta c'ayoj.

Isaías 1:4

¡Obol abaic ja'ex, lum te jmulawilexe, te nojel mulil ta awo'tanic; sts'umbalex te mach'a amen yat'elique, snich'nabex jmulawil! C'ubul ayexix ta stojol te Cajwaltique, la aq'uej abaic loq'uel ta stojol te Ch'ul Dios yu'un Israel, la awijq'uitayix ta awo'tanic.

Salmos 149:2

Bayaluc me sbujts' q'uinal x'awaiyic, israeletic, ja'ex lum Sión, melel ja' jpaswanej awu'unic te Diose, soc ja' Muc' Ajwalil awu'unic.

Salmos 146:10

Ja'at lum Sión, te Cajwaltic ja' me muc' ajwalil sbajt'el q'uinal; te Dios awu'un ya me xmandalaj ta stojol cajalcaj bael te alnich'anetic awu'une. ¡Bin nax yutsil te Cajwaltique!

Salmos 135:21

Bayaluc me yutsil sc'oplal ta Sión te Cajwaltic te nainem ta Jerusalén. ¡Bin nax yutsil te Cajwaltique!

Jeremías 9:16

Ya jpuc bael ta nacionetic te ma yilojuque, soc te ma yilojuc te sme'-statique; ya me cac' te ya yich'ic nutsel ta puñal, asta ma'yuc ya xjil jtuluc —xi' te Cajwaltique.

Hechos 14:15

—Winiquetic, ¿bistuc te jich ya apasique? Melel te jo'otique winicotic uuc jich te bit'ilexe. Ja' tal calbeyex te ya awijq'uitayic ta pasel te bila xujt' ma'yuc stuule soc te ya asujt'es awo'tanic ta stojol te cuxul Dios te ja' la spas te ch'ulchane te balumilale te mare soc spisil te bitic ay tey a.

Salmos 31:6

Ya quilay te mach'atic ya xch'uunic lotil diosetic te ma xtuunique. Ja' smuc'ulinej co'tan te Cajwale.

Jeremías 2:5

Te Cajwaltic jich ya yalbeyex: —¿Bila ma lecuc la atabonic ta stojol te antiguo ame'-atatique, te q'uejel baex soc te awo'tanique? Ja' baex ta stojol te bitic cuybilic ta Dios te ma'yuc yutsile; jich nix ma'yuc awutsilic c'oex ta loq'uel yu'un.

Jeremías 7:19

Ja'uc me to, c'ax to xan ya sbolc'optayonic a, soc ja' nix jich ya sbolc'optay sbaic a ta swenta xq'uexlalic. Jo'on Ajwalilon te jich ya cale.

Jeremías 8:20

C'axix te yorail verano, lajix ta loq'uel sit te awalts'unubile, ma'yuc bay chicnaj tel jcoltayeltic a.

Jeremías 10:15

Ma'yuc sc'oplal stuquel, swenta tse'luyel ayic; ta yorail chajbanel yu'un Cajwaltic ya me sjin.

Jeremías 14:9

¿Bi yu'un jichat te bit'il jtul winic te jajch'ix xiwel ta yo'tane? ¿Bi yu'un jichat te bit'il jtul soldado te ma xju' yu'un coltaywaneje? Ja'uc me to, Cajwal, ayat ta coliltic; spisilic ya sna'ic te jo'otic lumotic awu'une. Ma me xapijt'esotic —xiic.

Jeremías 27:10

Te bila ya yalique, lotil me. Ja' nax ya yac'beyex ataic a te ya jyantesbeyex alumalique, soc te ya jpuquex bael te ya xlajexe.

Jeremías 32:30

Xjajch'ibal nix tel a, te lum Israel soc te lum Judá spasojic nix tel a te bila ma smulan co'tane; te israeletic ma ba yijq'uitayej ta sbolc'optaybelonic ta swenta te yajcananic te ja'ic nix spasoj stuquelique. Jo'on Ajwalilon, jich ya cal.

Ezequiel 48:35

Te joyob ts'ajq'ue ay me balunmil metro snajt'il ta spisil. Te sbiil te lum jich me ya xc'ot bael: “Li' ay te Cajwaltique”, xi' te sbiile —xi' te Cajwaltique.

Miqueas 4:9

Ta ora yo'tic, ¿bi yu'un jich ya x'awunat, jich bit'il ya x'awun ants yu'un xc'uxul te alajele? ¿Yu'un bal ma'yuc muc' ajwalil awu'un te ja'ate? ¿Yu'un bal chameniquix te jconsejeroetic awu'une?

Deuteronomio 31:17

Pero ya me xtil jajch'el ta stojolic te sc'ajc'al co'tane, jich me ya jch'ayic jilel, jc'axel ma me ayuc sc'oplalic ta co'tan ya xc'otic. Mero bayal me te swocolic soc te bitic ma lecuc ya xc'ot ta stojolic, ja' swentail te jich me ya yalic: “¿Ma bal ja'uc yacotic ta wocol yu'un te ma ba sjoinejotiquix te Dios cu'untique?” xiic me.

Salmos 137:1

Nacalotic ta sti'il muc'ja'etic ta Babilonia a, yacalotic ta oq'uel yu'un sna'el te Sión.

Sofonías 3:15

Te bit'il chapal ac'oplal te ya awich' castigo, la slajinbeyix sc'oplal te Cajwaltic, soc la stenix bael te acontrotaque. Te Cajwaltic, te Muc' Ajwalil yu'un Israel, ay me ta awolilic; ma'yuc bila amen ya axi'ic.