Jeremías 8:16 - Bible in Tzeltal de Oxchuc y Tenejapa

¹⁶ Talix te jcontrotique, chicanix tel c'alal Dan te xjorlajan nax sni'ic te scaballoique. C'alal x'ilajanic, ya me xnijc' spisil te lumq'uinale. Ya me xtal sjinic te jlumaltic soc spisil te jc'ulejaltic, te lumetic soc te mach'atic nainemic tey a —xiic.

Bible in Tzeltal Bachajón

¹⁶ C'alal ta Dan chicnaj yic'al sni' scawuhic; c'alal x'ilajanic te scawuhic te ay yipic ya xnihc spisil te lumq'uinale. Tal sjinic te q'uinal soc spisil bintic ay tey a, te muc'ul pueblo soc te mach'atic nahinemic tey a, xchihic.

Jeremías 8:16 Referans Kwoze

Jueces 18:29

Te lume Lais sbiil ta neelal, Dan sbiil c'otix yu'unic. Ja' yich'jibal ta muc' te antiguo static te sbiil nixe, te snich'an Israel.

Jueces 5:22

“Ya xc'opoj yacanic te caballoetique. Tulan ya x'animajic ta beel.

1 Corintios 10:28

Yan teme ay mach'a la yalbeyexe: “Ja' in ti'bal to, ja' milbil smajt'an te loc'ombaetic”, teme xie, ta scaj te la yalbat ta jamal, ma me xati', swenta yu'un ma me xjin yo'tan yu'un. [Melel spisil te bitic ay ta balumilale, ja' yu'un te Cajwaltique.]

1 Corintios 10:26

Melel spisil te bitic ay ta balumilale, ja' yu'un stuquel te Cajwaltique.

Habacuc 3:10

Te witsetic ya xnijq'uic te c'alal ya yilate; ya xco tel ta ch'ulchan bayal ja'al. Te snabilal te mar ya x'awun, yu'un te ya stoyes moel yip te sbule.

Nahúm 3:2

Tulan ya xc'opoj te chicotee, xnilet nax me ta c'op te carretaetique. Xpumlajan ta animal te caballoetique, ya xwilic te carretaetique.

Jeremías 47:3

Ya yaiybeyic sc'op yacan te caballoetic yu'un te ya x'animajique, te stulanil sc'op te carretaetique, te sc'op sruedaile. Ma'yuc yip yo'tanic ya xbajt'ic yu'un te me'il-tatiletique; jich ya spijt'esic jilel te yal-snich'nabique.

Jeremías 10:25

Ac'a bael awilimba ta stojol te nacionetic te ma sna'bat abae, ta stojol te lumetic te ma ba ya sc'oponate. Melel la sbic' c'oem te lum yu'un Jacob, jc'axel la sjinic ta jyalel; mero ma'yuc yutsil la yijq'uitayic te lume —xi' te j'alwaneje.

Jeremías 6:23

Chapalic soc te st'imic soc slanzaic; c'ax amen yo'tanic, ma xc'uxtaywanic; te yawique, jich bit'il ya x'awun yip mar, soc cajajtic ta caballo ya xtalic. Chapaliquix ta swenta yac'beyel guerra te Sión —xi'.

Jeremías 4:24

La quil te witstiquile, yacalic ta nijq'uel; spisilic te ch'in witstiquile nijq'uic.

Salmos 24:1

Te Cajwaltic ja' yu'un ta spamal te balumilale, ta spisil te bitic ay soc ta spisil te bitic cuxajtique.

Jueces 20:1

Ta spisil te israeletic ta Dan c'alal ta Beerseba soc ta Galaad, la stsob sbaic ta Mizpa ta stojol te Cajwaltic, jun nax la yac' sbaic, jich c'otic te bit'il jtul nax winic.

Job 39:20

¿Ja'at bal ya awac' wiluc jichuc c'ulub, ja'at bal ta awenta te ya xjuch'iwan ta sni' te ya yac' xiwele?

Jeremías 3:24

Te loc'ombaetic te q'uexlaltic sbae, ja' la xch'aybotic te bi la staic te jme'-jtatic, ja' to c'alal alalotic to ae: ja' te chijetic soc wacaxetic, soc te yal-snich'nabique.

Jeremías 5:17

Ya me swe'elinbat te bila loq'uem ta c'ajel awu'une soc ya me swe'bat te awaje, soc ya me sbic'bat c'oem te anich'nab queremetic soc te ach'ixetique. Ya me sti'beyex te chijetic awu'unic, te awacaxic, te ts'usubiltic soc te higueraetic awu'une. Ta yat'ejibic yu'un guerra ya sjinic a te lumetic tulanic sts'ajc'ul te smuc'ulinej awo'tanique —xi' te Cajwaltique.

Jeremías 30:5

Te Cajwaltic la yal: —Chican awetic yu'un xiwel, nijq'uel soc ma'yuc bay lamal q'uinal.

Jeremías 30:16

Ja'uc me to, spisil te mach'a la sbic'at c'oeme, ya xbic'ot uuc; soc spisil acontrotac ya me xbajt'ic ta mosoil ta yan q'uinal. Ya me cac' ya yich' pojel te mach'atic la spojbat abiluque; soc ac'a yich'ic elc'anel te mach'atic la yelc'anate.

Jeremías 50:42

Chapal yat'ejibic, ja' te st'imic soc slanzaique; amen yo'tanic, ma'yuc xc'uxul yo'tanic. Te yawique, jich bit'il sc'op yip mar, soc cajajtic me ta caballo ya xtalic. Chapalic yu'un guerra ta stojol Babilonia.

Jeremías 51:29

Te lumq'uinal ya xnijc' soc ya syuc' sba, melel yac ta c'oel ta pasel te bila xchapoj te Cajwaltique, ja' te ya xc'atp'uj te Babilonia ta jochol q'uinal te xiweltic sbae.

Jeremías 4:7

Te león-choj loq'uix tel ta xch'en, te mach'a ya sjin te nacionetic yaquix tel ta beel; loq'uix tel ta slumal, swenta yu'un ya sjinbat te alumale, swenta yu'un jochol ya yijq'uitaybat jilel. Jc'axel ma'yuc stuul ya xjil te lumetic awu'une.