Jeremías 8:15 - Bible in Tzeltal de Oxchuc y Tenejapa

¹⁵ Yacotic ta smaliyel te ya x'esmajotique; ja'uc me to, ma'yuc bila lec a jul ta jtojoltic. Yacotic smaliyel yutsil q'uinal caiytic ta jc'optic; ja'uc me to, ja' nax ay xiwel.

Bible in Tzeltal Bachajón

¹⁵ La jmahliytic lamal q'uinal, pero mayuc bin lec te tale, la jmahliytic yorahil poxtayel, pero ha nax ay tulan xiwel.

Jeremías 8:15 Referans Kwoze

Jeremías 14:19

Cajwal, ¿jc'axel bal la ach'oj bael ta spisil te Judá? ¿Lubat balix yu'un te lum Sión? ¿Bi yu'un la awejch'entesotic te ma'yuc ta poxtayele? La jmaliytic te ya x'esmajotique; ja'uc me to, ma'yuc bila lec la jtatic. La jmaliytic te ay yutsil q'uinal caiytic ta poxtayele; ja'uc me to, ja' nax ay xiwtesel.

1 Tesalonicenses 5:3

Yu'un te c'alal ay jich ya yalic te ants-winiquetique: “Lamal q'uinal, ma'yuc bi chican”, te xiic ta yalele, ja'uc me to, ajc' nax ora ya xtal lajel ta stojolic, jich te bit'il ajc' nax ora ya xjajch' swocol jtul ants yu'un te ya x'ayinix te yale. Jich ma xju' ya scoltay sbaic loq'uel tey a.

Miqueas 1:12

Mach'atic nainemic ta lum Marot ya sts'ot sbaic yu'un xc'uxul; yo'tanuc te lecuc q'uinal ya yaiyic. Melel te Cajwaltic la spas te ya xjul te bila amen ta bay sti'il sts'ajc'ul Jerusalén.

Jeremías 8:11

Ya la xpoxtaybonic ta sc'opic yejch'en te lum cu'un; ya yalic te lec ay ta spisile, manchuc me ma lecuc ta jc'axel.

Jeremías 4:10

Jich la cal te jo'one: —Ay, Cajwal, la me alo'lay ta c'op te yajwal Jerusalén. Melel jamal la awalbey te ya xlamaj q'uinal ta stojolique; ja'uc me to, nopolix ya xtaotic yu'un te cuchilloe —la cut.

Job 30:26

Te jo'one yacon ta smaliyel te bila t'ujbil ya xtal ta jtojol, pero ja' tal te bila ma t'ujbiluque; ja' yacon ta sna'el te saquil q'uinal, pero ja' tal ta jtojol te ijc' q'uinale.

Jeremías 6:25

Ma me xloq'uex bael ta aquiltic, ma me xbaex ta bebetic. Te controe chapal me; ay me muc' xiwel ta spisil ta bayuc —xiic.

Jeremías 12:12

Spisilic te ch'in witsetic te jocholixe, talic j'ixta-winiquetic tey a. Melel jo'on Ajwalilon, ay puñal cu'un te ya jin a te lum ta xcha'jejch'el, soc ma me ayuc lamal q'uinal yaiy ni jtuluc.

Ezequiel 7:25

Ya me x'u'uninot yu'un te xiwele. Ya me sleic te lamal q'uinal, pero ma me ba ya staic.