Jeremías 8:14 - Bible in Tzeltal de Oxchuc y Tenejapa

¹⁴ Te lum ya me yalic: —¿Bistuc ya x'ainotic li'to? Ya xbootic jpisiltic ta lumetic te tulanic sts'ajc'ule, repente ya smilotic ta jc'axel. Te Cajwaltic te Dios cu'untic ya yac'otic ta lajel; ya yac'botic cuch'tic ja' te capal soc veneno, melel yacotic ta spasel mulil ta stojol.

Bible in Tzeltal Bachajón

¹⁴ ¿Bin yu'un huculotic li'i? ¡Ac'a jtsohb jbahtic! ¡Ya x'ochotic bahel ta pueblohetic te joytaybilic ta sts'ahc, tey ya xlajotic a! Como te Jehová te Dios cu'untic ya yac'otic ta ch'ayel, soc la ya'botic cuch'tic ha' te ay svenenohil, como jtahoj jmultic ta stojol Jehová.

Jeremías 8:14 Referans Kwoze

Jeremías 23:15

Jich yu'un, te jo'on Ajwalilon te Spisil ya xju' cu'une, ya cal ta stojolic te mach'atic j'alwanejetique: Ya cac'bey swe'ic te bila bayal xch'aale; ya cac'bey ja' yuch'ic te yich'oj veneno. Melel te mach'atic j'alwanejetic ta Jerusalén pujq'uemix yu'unic te bila amen ta spamal te lumq'uinale —xi' te Cajwaltique.

Jeremías 9:15

Te jo'on Ajwalilon te Spisil ya xju' cu'une, te Dioson yu'un Israel, ja' swentail te ya cal: Ya cac'bey swe'ic te bila bayal xch'aale, ya cac'bey yuch'ic ja' te capal soc veneno.

Lamentaciones 3:19

Ya jna' te ayon ta mel-o'tan soc te jtuquel ayone, te ch'auben co'tan yu'un te woclajel ya caiye;

Jeremías 35:11

Ja'uc me to, c'alal och tel ta bay in lumq'uinal to te Nabucodonosor te muc' ajwalil yu'un Babilonia, la jnoptic te tey talotic ta anel ta Jerusalén yu'un te soldado-caldeoetic soc te yu'un siriaetique; jich yu'un nainemotic ta Jerusalén —xiic.

San Mateo 27:34

La yac'beyic yuch' vino te capbil soc te bila toyol xch'aale. La sts'ub yaiy jtebuc te Jesuse. Ma la sc'an la yuch'.

Salmos 69:21

La yac'bonic veneno ta jwe'el; soc te c'alal taquej co'tan, la yac'bonic cuch' vinagre.

2 Samuel 20:6

Ja' yu'un te David jich la yalbey te Abisai: —Te Seba c'axem jich ya yac' jwocoltic a te bit'il Absalón. Ja' yu'un ochuc ta awenta te soldadoetic cu'une, nutsa bael. Melel teme ya sta jpam lum te joybil ta ts'ajq'ue, tey ya scoltay sba ta jc'abtic a —xi'.

Deuteronomio 29:18

Ma me ayuc ants o winic ta awolilic ta chajbalchajp te yo'tic ya yijq'uitay ta yo'tan te Cajwaltic Dios cu'untic, ta scaj te ya xbajt' ta yich'el ta muc' te lotil diosetic yu'unic te nacionetique. Ma me ayuquex ni jtuluc te pajalex soc yisim ch'aal wamal te ay svenenoile.

Zacarías 2:13

Spisil ants-winiquetic, ch'abanic me ta stojol te Cajwaltique. Melel ya xtal ta jtojoltic te Cajwaltique, tey to ya xjach tel ta ch'ul awilal ta banti naineme.

Habacuc 2:20

Yan te Cajwaltic ay ta ch'ul templo yu'un. Ch'abanic ta stojol ta apisilic te ayex ta spamal balumilal.

Amós 6:10

Mero muc' me ta jyalel te xiwele, melel teme ay mach'a ya sjachbey sbaq'uetal yermano te ya sloq'uesbey bael ta snae, ya me yalbey te yan yermano te ay ta yutile: “¿Ay bal mach'a yantic ajoinej?” ya me yut. “Ma'yuc”, xi' me ta yalel te yane. Soc jich me ya yal te mach'a neel c'opoje: “Ch'aban, ma me x'atabey ta alel sbiil te Cajwaltique”, xi' me.

Jeremías 14:20

Cajwal, ya jna'tiquix te bila amen jpasojtique soc te smul te antiguo me'il-tatiletic cu'untique; jtaoj jmultic ta atojol te ja'ate.

Salmos 39:2

La jcom jba, ma ba c'opojon, jichuc uma'. Ni ja'uc loc' ta que te bila lec ta alele. Pero bebe toyel te xc'uxul la caiye;

Deuteronomio 32:32

Ja'ic stuquelic c'a'em ts'usubil c'oemic, sts'umbalic Sodoma soc Gomorra, ch'aal ts'usub ya sloq'ues, veneno ts'usub ya xchicnantes.

Levítico 10:3

Patil te Moisés jich la yalbey te Aarón: —Ja' ay ta yo'tan Cajwaltic te c'alal jich la yale: “Te mach'atic ya xnoptsajic ta jtojol, ya me cac'bey yilic te jo'on te Ch'ul Diosone; ta spisil te israeletic ya me cac'bey yilic te xojobil cutsilale”, te xie —la yut. Te Aarón, ma ba c'opoj yu'un.

Isaías 47:5

—Ch'aban nax me ta naclej, ja'at te ach'ix Caldeaate, nac'a aba ta ijc' q'uinal. Melel ma'yuc mach'a ya yalbat xan: “Ja' mero me'il yu'un te nacionetique”, ma xiuc xan ac'oplal.

Jeremías 3:25

Ac'a me jpejc'an jbatic yu'un q'uexlal jiche, ac'a me spotsotic te jq'uexlaltique. Melel ja' to ta calaliltic soc asta c'alal ora yo'tic, te jo'otic soc te jme'-jtatic jtaoj jmultic ta stojol Cajwaltic te Dios cu'untique, soc ma ba jch'uunejbeytic sc'op —xiic ta yalel.

Jeremías 14:7

La yal te lume: —Cajwal, manchuc teme ja' nix ya yalotic te jmultique, at'ejan ta swenta te bit'il ay ta ich'el ta muc' te abiile. Bayal buelta ma junuc co'tantic ta atojol, jtaoj jmultic ta atojol.

Jeremías 9:14

Tulan la yac' sbaic bael tey a te bay la sc'an yo'tanic, la xch'uunic te lotil diosetic, jich bit'il p'ijubtesotic jilel yu'un te sme'-statique.