Jeremías 8:12 - Bible in Tzeltal de Oxchuc y Tenejapa

¹² Ya me sc'an ya xq'uexawex yu'un te yacalex ta spasel te bila ma sts'ijq'uix cu'une; ja'uc me to, ma'yuc q'uexlal ta yo'tanic, maniwan ya sna'ic te bila a te q'uexlale. Jich yu'un te c'alal ya cac'bey castigo, ya me sc'ojch'in yacan, ya me xyalic jich bit'il te yantique. Jo'on Ajwalilon te ya cale”, uta me —xi' te Cajwaltique.

Bible in Tzeltal Bachajón

¹² ¿Q'uexawic bal yu'un te bin ihlaybil te spasojique? Ma'uc, jc'axel ma xq'uexawic; ma sna'ic bin a te q'uexlale. Ha yu'un ya xyahlic ta yohlil te mach'atic ya xyahlique; ya me xyahlic te c'alal ya ca'be castigo, xchi te Jehová.

Jeremías 8:12 Referans Kwoze

Jeremías 3:3

Ja' swentail te comenix ja'al ta yorail invierno soc ta yorail primavera. Jich awelaw te bit'il jmulawil antse; ya sc'an yacuc xq'uexawat yu'un.

Jeremías 6:15

Ya me sc'an ya xq'uexawic yu'un te bit'il jich ya spasic te ma sts'ijq'uix cu'une. Ja'uc me to, ma'yuquix q'uexlal ya yaiyic yu'un, ni ma niwan sna'ic te bila a te q'uexlale. Ja' yu'un, te c'alal ya cac'bey castigo, ya sc'ojch'in sbaic soc ya me xyalic jich bit'il te yantique. Jo'on Ajwalilon te jich ya cale —xi' te Cajwaltique.

Isaías 3:9

Ja' nix ya xchicnaj ta yelawic te smulique; ma xju' ya smuquic. Ja' pajalic soc te lum Sodoma, ya xchicnaj smulic ta stojol spisil balumilal. ¡Obol me sbaic, melel stuquelic nix te ya xchajban castigo ta stojolique!

Salmos 52:7

“Ila awilic te mach'a ma la sle canantayel yu'un te Diose, ja' te mach'a yich'oj ta muc' te bayal sc'ulejale, soc ja' la smulan spasel te bila amen ta pasele”, xiic.

Sofonías 3:5

Ja'uc me to, te Cajwaltic ay ta alumalic; ja' ya spas stuquel te bila leque, ma ja'uc te bila amene. Ta jujun sab ma xch'ay ta yo'tan ya yac' chicnajuc te stojil yat'ele. Yan te mach'a amene, ma sna'bey sba te q'uexlale.

Salmos 52:1

¿Bistuc ya atoy aba soc te abolile, ja'at te bayal awipe? Te xc'uxul yo'tan Dios, stalel ay.

Deuteronomio 32:35

yu'un ya xtuun te c'alal ya jsujt'esbey spacole, te ya cac'bey te bila lebil yu'unique; ja' te c'alal ya xc'ot yorail te ya x'ochic ta c'abale. ¡Nopolix yorail te ya yich'ic lajinel, nopolix yorail te ya xlajique!’, xi' te Cajwaltique.

Filipenses 3:19

Te c'alal ya xlajique, ch'ayel me ya xbajt'ic. Melel ja' dios yu'unic te sbaal xch'ujt'ique, soc ja' yutsilal ya yaiyic te bila swenta q'uexlale, soc ja' baem ta yo'tanic te bitic swenta nax te balumilale.

Oseas 5:9

Jo'on ya cal ta yolilal te sts'umbal Israel te bila ya xc'ot ta pasel ta mero melel: Efraín jinbil me ya xjil ta sc'aalelal castigo.

Isaías 24:2

Pajal me ya xc'ot ta swenta te sacerdote soc te lume, jich ya xc'ot ta swenta te abat soc te yajwale, jich ya xc'ot ta swenta te criada soc te ants te yajwalineje, jich nix ta stojol te mach'a ya yaiy manbajel soc te mach'a ya yaiy chonbajele, jich nix ta stojol te mach'a ay bila ya yac' ta majanel soc te mach'a ya yich' ta majanele, jich nix ta stojol te mach'a ay sbet soc te mach'a ya yac' ta betanele.

Jeremías 6:21

Jich yu'un te Cajwaltic jich ya yal: —Te lume ya cac'bey sc'ojch'in yacan, soc ya cac' xyalic. Tatiletic soc nich'aniletic, spat-xujq'uic soc te mach'a jun yo'tanic sbaic soque, pajal me ya xlajic —xi' te Cajwaltique.

Jeremías 10:15

Ma'yuc sc'oplal stuquel, swenta tse'luyel ayic; ta yorail chajbanel yu'un Cajwaltic ya me sjin.

Jeremías 44:10

Asta ora yo'tic ma'yuc bay yanajem te awo'tanique, ni ma'yuc xiwel ya awaiyic, ni ma'yuc bay apasojic te p'ijubtesel soc mandaliletic te la cac'bey te antiguo ame'-atatique.

Ezequiel 23:18

Ja' yu'un jc'axel och ta spasel mulil ta comonsitil, asta la st'anan sba ta jc'axel. Asta la quilay yu'un te jo'one, jich nix te bit'il la quilay te xwixe.

Génesis 19:34

Ta yan c'aalil, te wixil la yalbey te yijts'ine: —La join ta wayel ajc'ubey te jtatique. Ya me cac'tic xyacub xan ta ajc'ubal yo'tic. Ja'at me ya x'ochatix bael te ya ajoin ta wayele, swenta yu'un ay jts'umbaltic yu'un jtatic jchebaltic ya xc'ootic —xi'.

Jeremías 14:15

Ja'uc me to, te jo'on Ajwalilon, ya calbey sc'oplal te j'alwanejetic te ya xjelawic ta c'op te ya stabonic ta alel jbiil, te ma'yuc jticunej te ya yalic te ma xtal guerra soc te ma xtal wi'nal li' ta lum to. Jich yu'un ya me xlajic ta guerra soc wi'nal.

Jeremías 23:12

Jich yu'un, te sbe ijc'uben me, soc biluben me; ya me cac' te ya scotp'inic, jich me ya xyalic. C'alal ya quich'bey ta wenta yat'elic, ya me cac' tel tulan woclajel ta stojolic. Jo'on Ajwalilon, jich ya cal.