Jeremías 8:11 - Bible in Tzeltal de Oxchuc y Tenejapa

¹¹ Ya la xpoxtaybonic ta sc'opic yejch'en te lum cu'un; ya yalic te lec ay ta spisile, manchuc me ma lecuc ta jc'axel.

Bible in Tzeltal Bachajón

¹¹ Ta sba nax ya spoxtaybeyic yehchen te pueblo cu'un, hich ya yalic: Lamal q'uinal, lamal q'uinal, xchihic, c'alal mayuc lamal q'uinal.

Jeremías 8:11 Referans Kwoze

Jeremías 6:14

Ya xpoxtaybonic yejch'en ta sc'opic te lum cu'une; ya yalic te lec ayic ta spisil te c'alal ma lecuc ayique.

Lamentaciones 2:14

Te bila ac'bot yilic ta sc'opic te j'alwanejetic awu'une, ja' nax puro lo'laywanej la spasic a. Ma la yaq'uic chicnajuc te amule, te jichuque la ataic c'uxtayel. Tojol la yalbat te ay bila ac'bot yilic ta sc'opic; ja' nax la slo'layex a te la yac'beyex ach'uunique.

Miqueas 2:11

Teme ay mach'a ya sle ta yo'tan lot te jich ya yal: “Jo'on ya calbey sc'oplal vino soc tulan uch'balil”, teme xie, ja' me j'alwanej te ya smulanic te lum abi —xi' te Cajwaltique.

Ezequiel 13:22

Ja'ex, ta swenta alotic la awaq'uiquix ochuc xiwel ta yo'tanic te mach'atic lec yo'tanic, ja' te bila ma jc'an ya jpase. Pero te mach'atic amen yo'tanic, la awac'beyic xan yich' yip yo'tanic ta spasel te amen yat'el stuquelic, swenta yu'un jich ma ba ya cac'bey xcuxlejalic a.

1 Reyes 22:13

Te abat c'o yic' tel Micaías, jich la yalbey: —Spisilic te j'alwanejetic yacalic ta yalel te lec ya xc'ot te muc' ajwalile, ma'yuc mach'a ma jichuc ya yal. Ja' yu'un, wocoluc, jich ni me xc'opojat te bit'il yantic, yacuc me awal uuc te lec ya xc'ot te muc' ajwalile —xi'.

1 Reyes 22:6

Te muc' ajwalil yu'un Israel la stsob j'alwanejetic te jteb ma sta jbajc' ta jtule. La sjojc'obey ta spisilic: —¿Ya bal xju' ya cac'bey guerra te lum Ramot-ta-Galaad, o ma xju'? —xi'. La sjaq'uic: —Ac'beya guerra, te Cajwaltic ya me yac'bat ta ac'ab —xiic.

1 Tesalonicenses 5:3

Yu'un te c'alal ay jich ya yalic te ants-winiquetique: “Lamal q'uinal, ma'yuc bi chican”, te xiic ta yalele, ja'uc me to, ajc' nax ora ya xtal lajel ta stojolic, jich te bit'il ajc' nax ora ya xjajch' swocol jtul ants yu'un te ya x'ayinix te yale. Jich ma xju' ya scoltay sbaic loq'uel tey a.

Jeremías 8:15

Yacotic ta smaliyel te ya x'esmajotique; ja'uc me to, ma'yuc bila lec a jul ta jtojoltic. Yacotic smaliyel yutsil q'uinal caiytic ta jc'optic; ja'uc me to, ja' nax ay xiwel.

Jeremías 14:13

Te jo'one la sujt'esbey te sc'ope: —Ja'uc me to, Cajwal, te j'alwanejetic yacalic ta yalel ta stojol te lume te ma xtal guerra ni wi'nal. Ya yalic te ja'at ya awac'bey xlamaj q'uinal yaiyic bayal c'aal tey ta bay q'uinal to —la cut.

Jeremías 23:17

Te j'alwanejetic ya yalbey te mach'atic ya yilaybonic te jc'ope: “Spisil lec ya xc'oex ta loq'uel yu'un”, xiic. Soc ya yalbey te mach'atic tulan ya yac' sbaic bael ta q'uejel soc te yo'tanique: “Ma'yuc bila amen ya xtal ta atojolic”, xiic ta yalel —xi' te Cajwaltique.