Jeremías 7:8 - Bible in Tzeltal de Oxchuc y Tenejapa

⁸ Te ja'ex ya awich'ic ta muc' te lo'layel c'op te ma xtuun ta jyalele.

Bible in Tzeltal Bachajón

⁸ Pero ha ya smuc'ulin awo'tanic te lotil c'op te ma xtuhune.

Jeremías 7:8 Referans Kwoze

Isaías 28:15

Ya awalic te ja'exe: —Jpasojtiquix trato soc te lajele, soc te muquenale, swenta yu'un te c'alal ya xtal te bol jinwaneje, ma ba ya staotic. Jleojtiquix anjibal ta swenta lotetic, ya xc'opoj cu'untic te lo'laywaneje —te xaex yaiyele.

Jeremías 23:32

Ya me cal ta jamal te ya jcontroin te j'alwanejetic to te ya xcholic slotil waichique; ta swenta te lotetic soc c'opetic te ya spasic te ya sjowtesbonic te lum cu'une. Ma'yuc bay jc'oponej, ni ma'yuc bay jticunej, ni ma'yuc bay calojbey mandal jtebuc, jich ma xju' yu'unic scoltayel te lume. Jo'on Ajwalilon, jich ya cal.

Jeremías 23:26

¿Bi to ora ya xcomic ta yalulayel lotil c'opetic te j'alwanejetic, te stuquel ya snop ta sjolique?

Jeremías 8:10

Jich yu'un, te yinamic ya me cac' ta sc'ab yan winiquetic, soc yan yajwalic ya xc'ot te sq'uinalique. Melel ta spisilic, muc'-biq'uit, ja' nax baem yo'tanic ganar ta lo'laywanej; jich nix te j'alwanejetic soc te sacerdoteetic, spisilic ya yaiyic lo'laywanej.

Jeremías 7:4

Ma me x'awich'ic ta wenta te mach'atic ya xlo'laywanic ta c'op te jich ya yalic: ‘Ilawil te templo yu'un te Cajwaltic. Li' ay to te templo yu'un te Cajwaltic, li' ay to te templo’, te xiic ta yalele.

Jeremías 5:31

Te bila ya yalbey sc'oplal te j'alwanejetic ta sc'opique, lotil; te sacerdoteetic ja' ya yaq'uic ta pasel te bila ya smulanique. ¡Te lum cu'une jich nix ya sc'anic! Ja'uc me to, “¿bi ya apasic ja'ex c'alal ya xc'ot te slajibal c'aale?” uta me —xi' te Cajwaltique.

Jeremías 4:10

Jich la cal te jo'one: —Ay, Cajwal, la me alo'lay ta c'op te yajwal Jerusalén. Melel jamal la awalbey te ya xlamaj q'uinal ta stojolique; ja'uc me to, nopolix ya xtaotic yu'un te cuchilloe —la cut.

Isaías 30:10

Ya yalbeyic ta stojol te mach'atic ay bila ya yilique: —Ma me ayuc bila ya awilic-ya yutic. Soc ya yalbeyic ta stojol j'alwanejetic: —Ma me ayuc ya awalbotic te bila smelelil te ac'bilex ana'ic stojole. C'oponawotic ta lequil c'op, ma me x'apojbotic te bila ay ta co'tantic.

Isaías 59:4

Te mach'a ya sc'an parte, ma'yuc jtuluc te toj nax ya xc'opoje, ma'yuc mach'a toj yo'tan ya xbajt' ta chajbanel. Ja'uc me to, ja' muc'uben yo'tan yu'un te lot soc te jowil c'opetique; ja' muc'ubenix xch'ujt' yu'un te bila ma lecuque, ya me x'ayin yu'un te mulile.

Jeremías 28:15

Jich yu'un te Jeremías ba yalbey te Hananías: —Aiya awaiy stojol, Hananías. Te Cajwaltique ma ba sticunejat, tojol nax ya awac'bey smuc'ul yo'tan te lume.

Jeremías 13:25

Jich me ya xc'ot ta awenta, Israel, jich ya sc'an te ya jpasbate. Jo'on Ajwalilon, jich ya cal. Melel la ach'ayon ta awo'tan, ja' ba awac' smuc'ulin awo'tan te lotil diosetic awu'une.