Jeremías 7:7 - Bible in Tzeltal de Oxchuc y Tenejapa

⁷ jo'on ya cac' xcuxinex bael li' ta lumq'uinal to te cac'ojbey ta swenta sbajt'el q'uinal te antiguo ame'-atatique.

Bible in Tzeltal Bachajón

⁷ ya cac' te ya xnahinex ta q'uinal ini, te q'uinal te la jca'be scuenta sbahtel q'uinal te ame'atatique.

Jeremías 7:7 Referans Kwoze

Deuteronomio 4:40

Ch'uunaic te sc'op soc te bitic ya yal te mandaliletic yu'une, ja' te yacon ta yalel ta atojolic ta ora in to. Teme jich ya apasique, bin nax me awo'tanic a te ja'ex soc te patil alnich'anetic awu'unique; soc bayal me ja'wil ya xcuxinex ta lumq'uinal te ya yac'beyex awu'uninic sbajt'el q'uinal te Cajwaltic te Dios cu'untique —xi' te Moisese.

Jeremías 25:5

Ja'ic la yalbeyex awaiyic: “Ijq'uitaya jilel te amen-o'tanil soc te amen at'eliletic awu'une; yu'un jich me ya xju' ya x'ainex ta lumq'uinal te la yac'beyex awu'unin sbajt'el q'uinal te Cajwaltic te ja'ex soc te ame'-atatique.

Jeremías 3:18

“Te c'alal ya xc'ot sc'aalelal, te Judá jun ya xc'ot soc Israel; pajal me ya sujt'ic tel ta slumalic ta bay norte, ja' te q'uinal te la cac'bey yu'unin te antiguo ame'-atatic te ja'exe.

2 Crónicas 33:8

Ma ba jloq'ues xan ta q'uinal te israeletic ta bay la cac' te antiguo sme'-statique, teme ya xch'uunbonic spisil te jmandal caloj soc spisil te p'ijubtesele, te mandaliletic soc te bila chapalic cu'un te cac'ojbeyix ta swenta Moisés”, te xie.

Éxodo 22:22

“Ma me xawuts'inic te me'ba antsetic soc te me'ba alaletique.

Jeremías 4:1

Te Cajwaltic jich ya yalbat: —Teme ya ac'an sujt'at tel, Israel, ja' me ya sujt'at tel ta jtojol. Teme ya aloq'ues bael te loc'ombaetic awu'un te ilaybile soc te ma q'uejeluc ya awac' aba ta jtojole,

Jeremías 35:15

Spisil ora la jticunbeyex ta atojolic spisil j'alwanejetic te abatetic cu'une, swenta yu'un ya yalbeyex te yacuc awijq'uitayic te amen awo'tanic soc te amen at'eliletique. Soc te manchuc ya xbaex ta stojol te lotil diosetique, te ma xaquejan abaic ta stojole, te jich ya xju' xcuxinex bael ta bay lumq'uinal te cac'ojbeyex soc te antiguo ame'-atatique. Ja'uc me to, te ja'exe ma la awich'ic ta muc', ni ma la ach'uunic.

Sofonías 3:7

La jnop ta co'tan: “Jich me ya xi'on te Jerusalén; ya me yich' ta muc' te tojtesel ya cac'beye”, yoon ta co'tan. Jich ma ba ya yich' jinel te banti nainem te ya cac'bey castigoe. Ja'uc me to, la yaq'uic puersa ta spasel spisil ta jchajp bitic amen.

Isaías 1:19

Teme ya xc'ot ta awo'tanic xch'uunel te jmandale, ya me awe'elinic te bi slequil ya yac' te lumq'uinale.

Jeremías 26:13

Tojtesa te awo'tanic soc te awat'elique, ch'uunbeyaic sc'op te Cajwaltic Diose, swenta jich ma sticunbeyex tel te woclajel te yalojbeyix sc'oplale.