Jeremías 7:5 - Bible in Tzeltal de Oxchuc y Tenejapa

⁵ “Teme ya alectesic te acuxlejalic soc te awat'elique, soc teme ya xtojob awo'tanic juju-jtul ta stojol te yantique,

Bible in Tzeltal Bachajón

⁵ Teme melel yac atojobtesic te behetic awu'unic soc te awa'telic, teme melel talel c'axel yac apasbe abahic te bin stojil,

Jeremías 7:5 Referans Kwoze

Jeremías 22:3

At'elinaic spasel jchajbanwanej soc te bila stojil li' ta q'uinal to, ac'aic ta libre te mach'a tenbilic ta uts'inel yu'un te j'uts'inwanejetique. Ma xapejc'anic ni ma xabolc'optayic te mach'atic jyanlumetic, te me'ba alaletic soc te me'ba antsetique. Ma xamilic te ants-winiquetic te ma'yuc smulique.

Jeremías 7:3

Jo'on te Spisil ya xju' cu'une, te Dioson awu'unic, jich ya calbeyex ja'ex te Israelexe: Lectesaic te acuxlejalic soc te awat'elique, jich me ya cac' ya xcuxinex bael ta bay in q'uinal to.

Isaías 1:19

Teme ya xc'ot ta awo'tanic xch'uunel te jmandale, ya me awe'elinic te bi slequil ya yac' te lumq'uinale.

Ezequiel 18:17

teme ma'yuc mach'a ya yac'bey swocol, teme ma sc'anbey sjol c'alal ya yac' ta majanel staq'uine; teme ya spas te bitic ya yal te mandaliletic cu'une; teme ja' nax me ya spas te bitic caloj mandal ta pasele, teme jich ya spas te winique, ma me ba ya xlaj ta swenta smul te state. Ya me xcuxin ta mero melel.

Ezequiel 18:8

Ja' te mach'a ma ba ya sc'anbey sjol te staq'uin te c'alal ya yac' ta majanele; ma'yuc mach'a ya yac'bey swocol. Mero stojil ya xchajban teme ay mach'a cheb yacalic ta stsacbel sbaique.

Isaías 16:3

Jich ya yalbeyic te Sión: —Chajbana abaic swenta yu'un ya xc'opojex cu'untic, puersa me ya xc'opojex cu'untic. Lich'a ta jtojoltic te awaxinale, manchuc me olil ay te c'aale, jichuc me c'oem te bit'il ajc'ubale. Ac'botic jcux co'tantic, melel tenbilotic loq'uel, ma xawac'otic ta c'abal te jo'otique, yacalotic ta anel ta jnac'bel jbatic.

Jueces 21:12

Te mach'atic ayic ta lum Jabes ja' nax taotic jbajc' (400) ta jtul ach'ixetic te ma'yuc bay tabilic ta winique. La yiq'uic tel ta campamento ta Silo te ay ta Canaán.

Jueces 5:1

Ja' yorail te jajch' ta c'ayoj te Débora soc te Barac te snich'an Abinoam. Jich la yalic ta c'ayoj:

Levítico 25:17

“Ma me ayuc mach'a ya slo'lay yan. Ac'aic me ta ilel te awich'ojonic ta muq'ue, melel jo'on Ajwalilon te Dioson awu'unique.

Jeremías 22:15

¿Ja' bal muc' ajwalil c'oemat yu'un ta ac'op, te bit'il joybilat ta cedro? Te atat la smulan lec cuxinel c'ax ta q'uinal; ja'uc me to, toj at'ej ta chajbanwanej, jich lec a c'ot ta loq'uel.

Jeremías 26:13

Tojtesa te awo'tanic soc te awat'elique, ch'uunbeyaic sc'op te Cajwaltic Diose, swenta jich ma sticunbeyex tel te woclajel te yalojbeyix sc'oplale.

Zacarías 7:7

¿Ma bal ja'uc nix jiche te c'opetic te la yal te Cajwaltic ta swenta te antiguo j'alwanejetic, te c'alal lamal q'uinal ta Jerusalén a, soc te nojel ta ants-winiquetic, soc ja' nix nojel a te yantic lumetic te ayic ta sjoyobal, soc jich nix te sq'uinal Néguev soc te peq'uel witstiquile?

Ezequiel 18:5

“Te winic toj yo'tane, ja' me te mach'a ya spas te bila stojile, soc te bila yich'oj swentaile.