Jeremías 7:34 - Bible in Tzeltal de Oxchuc y Tenejapa

³⁴ Ya cac' ch'ayuc ta jc'axel te c'ayojetic yu'un q'uin soc sbujts-o'tanil, soc te c'ayojetic yu'un nujbinel, ta lumetic ta sq'uinal Judá soc ta calleetic ta Jerusalén. Spamal te lum ya xc'atp'uj jilel ta jochol taquin q'uinal —xi' te Cajwaltique.

Bible in Tzeltal Bachajón

³⁴ Ya cac' te ya xquehchaj ta pueblohetic yu'un Judá soc ta callehetic yu'un Jerusalén te sc'op yutsil q'uinal soc tse'el-o'tanil, te sc'op te mamalalil soc sc'op ihnamil, como jochol ya xc'oht te q'uinale, xchi te Jehová.

Jeremías 7:34 Referans Kwoze

Apocalipsis 18:23

Soc ma xchicnaj xan xojobil c'ajc' ta atojol, soc ma'yuc bi ora xch'inch'on nax q'uinal yu'un spasel q'uin swenta nujbinel ta atojol. Melel te jp'olmaletic awu'une, buen ich'bilic ta muc' ta neelal ta balumilal. Soc la alo'lay spisil nacionetic a ta swenta te j'ac'chameletic awu'une”, xi' te ch'ul abate.

Oseas 2:11

Ya me jlajinbey sc'oplal te sbujts' yo'tane; mero ma'yuc sbujts' yo'tan ya yaiy ta spasel te q'uinetic yu'une, jich bit'il te yach'il u, soc ta jujun sc'aalelal cux-o'tan, soc spisil te q'uinetic ya spase.

Ezequiel 26:13

Jich me ya cac'bey slajibal a te sc'op c'ayojetic awu'une; ma'yuquix bi ora ya xchicnajix sc'op te arpaetic awu'une.

Jeremías 25:10

Ya me jpas te ma ba ya cac' ta aiyel stojol c'ayojetic yu'un q'uin, soc sbujts-o'tanil, soc te c'ayojetic yu'un nujbinel, ni ma me xchicnaj sc'op te cha' yu'un juch'majel, ni ma ba xchicnajix xojobil te c'ajq'uetic tey a.

Jeremías 16:9

Melel jo'on Ajwalilon te Spisil ya xju' cu'un, te Dioson yu'un Israel, jamal ya cal: Ya cac'bey xlaj yo'tanic ta c'ayoj in lum to, ta spasel q'uin te bin nax yo'tanic yu'une, soc te c'ayojetic yu'un q'uin, soc sbujts-o'tanil soc te c'ayojetic yu'un jnujbinel. Ja' me ya xc'ot ta pasel te ayex ta q'uinal, soc ya me awilic.

Isaías 1:7

Te alumale jochol taquin q'uinal jilel, yaquix ta tilel ta c'ajq'uel te lumetic awu'unique. Ta mero asit-awelawic te ja'exe ya swe'elinbat acontroic te bitic ats'unojique. Spisil c'atp'ujix jilel ta jochol taquin q'uinal, jich bit'il lum Sodoma te c'alal la yich' jinele.

Levítico 26:33

Yan te ja'exe, ya me jpuquex bael ta yantic nacionetic, jloq'uesej me jpuñal a ya jnutsex bael. Te alum-aq'uinalic ya xc'atp'uj ta jochol q'uinal, jich nix te lumetic awu'unic ya xc'atp'ujic ta jinem ts'ajq'uetic.

Miqueas 7:13

Te q'uinal ya xc'atp'uj ta jochol taquin q'uinal ta scaj smul te yajwal, ta scaj te bila amen spasojique.

Jeremías 4:27

Te Cajwaltic jich ya yal: —Te lumq'uinale jochol ya xc'ot; ja'uc me to, ma ba ya jin ta jc'axel.

Isaías 3:26

Te lum ya me x'oc', bayal me ya smel yo'tan, soc jc'axel me ya xpijt' jilel ta jyalel.

Jeremías 33:10

Te Cajwaltic ya yal: —Te ja'ex ya awalic te jocholix jilel ta jyalel in q'uinal to, te ma'yuc ants-winiquetic ni chambalametic ta ac'opique; te calleetic ta Jerusalén soc te lumetic yu'un Judá te jojch'ajiquix ta jyalele, te ni ma'yuc bi ya x'ain tey a, ni ants-winiquetic, ni chambalametic cuxulic tey ae, te xaexe. Lec ay, ya me awaiy xan stojol

Isaías 6:11

La calbey te jo'one: —¿Jayeb me c'aal ya xjalaj, Cajwal? —la cut. La sjac'bon te jc'ope: —Ja' to me te c'alal ya yich'ic jinel te lumetic, te xujt' ma'yuc yajwal ya xjile; ja' to chican ma'yuc jtuluc yajwal ya xjil te nanatic, soc jochol ya xjil te sq'uinalique.

Salmos 78:63

Te queremetique lajic ta chiq'uel, ma'yuc c'ayoj swenta nujbinel ta stojol te ach'ixetique.

Jeremías 22:6

Melel te Cajwaltic ja' ya yalbey sc'oplal te palacio yu'un muc' ajwalil ta Judá: —Te ja'ate jich c'oemat ta co'tan te bit'il sq'uinal Galaad, jichat te bit'il ba wits ta Líbano; ja'uc me to, jamal ya cal te ya jc'atp'unat ta jochol taquin q'uinal, ja' te q'uinal te ma'yuc yajwale.

Jeremías 27:17

Ma me x'awich'beyic ta muc' te sc'opique. Ac'a abaic ta sc'ab te muc' ajwalil yu'un Babilonia, jich me ya xcuxinex. ¿Bi ya xtuun awu'unic a te ya xc'atp'uj ta jinem ts'ajq'uetic te lume?

Jeremías 44:6

Jich yu'un, te quilimba til jajch'el jichuc c'ajc' ta lumetic ta Judá soc ta calleetic ta Jerusalén. Jinic jilel, jojch'ajic ta jc'axel asta c'alal ora yo'tic.

Lamentaciones 5:14

Ma'yuquix mamaletic nacalic ta chajbanwanej ta yochibal te lume; ma'yuc bay ya xchicnajix c'ayojetic yu'un te queremetique.

Job 3:7

Ayuc bit'il ma'yuc bi chicnaj a te ajc'ubale, te ma'yuc mach'a ya x'awun yu'un yutsil q'uinal yaiye.

Jeremías 4:26

La quil soc la jta ta ilel te yaxal q'uinale, c'atp'ujem ta jochol taquin q'uinal, soc spisil te lumetic jinemiquix. Te yilimba Cajwaltic te xiweltic nax sba jich me c'ot ta loq'uel yu'un spisil.

Jeremías 33:11

c'ayojetic yu'un q'uin, soc sbujts-o'tanil, soc te c'ayojetic yu'un nujbinel, soc ya me xchicnaj ta alel: “Albeyaic wocol te Cajwaltic te Spisil ya xju' yu'une, melel te Cajwaltic lec yo'tan stuquel, te xc'uxul yo'tan stalel ay sbajt'el q'uinal”, xiic me. Yu'un ya me yich'ic tel majt'anil ta templo yu'un yalel wocol. Melel ya cac'bey xan yutsilal in lumq'uinal to, swenta yu'un jich ya xcha'c'ot xan te bit'il ay ta xjajch'ibale. Jo'on Ajwalilon, jich ya cal —xi'.

Ezequiel 7:11

Te uts'inele chicnajemix, soc esmajemix yu'un te bila amene. Pero ma me ayuc bila ya xju' yu'un spasel soc te sc'ulejale, soc te bayal awetic yu'une. Ma'yuquix bila ay sc'oplal tey a.

Oseas 2:13

Ya me cac'bey castigo yu'un te jayeb c'aal c'axix te la xchic'bey pom te yajcananique, c'alal la xch'al sba ta ch'ocowiletic soc ualiletic swenta yu'un ya yantay te mach'atic ya xmulanot yu'une, te c'alal la xch'ayon ta yo'tane. Jo'on Ajwalilon, tulan ya cal.