Jeremías 7:32 - Bible in Tzeltal de Oxchuc y Tenejapa

³² Ja' yu'un te jo'on te Ajwalilon, jich me ya cal: Ya me sta sc'aalelal te ma ba ya x'albot Tófet te lugare, ni Xatal yu'un Ben-hinom; ja'uc me to, Xatal yu'un Miltomba, xi' me te sbiile. Ta Tófet tey me ya yich' muquel a te animaetic, yu'un ma'yuc yan yawil.

Bible in Tzeltal Bachajón

³² Ha yu'un ya me sta sc'ahc'alel, xchi te Jehová, te ma ba ya xhalbot sbihil Tofet o te sjuclej yu'un Ben-hinom; ha spamlej yu'un Miltamba ya xc'oht te sbihile. Ya me yich'ic muquel ta Tofet, yu'un mayuc yan lugar.

Jeremías 7:32 Referans Kwoze

Jeremías 19:11

soc albeya: “Te Cajwaltic te Spisil ya xju' yu'une jich ya yal: ‘Ya me jwuy in jpam lum to soc te yajwale, jich bit'il mach'a ya swuy sq'uib te pasbil ta ajch'ale, te ma xju'ix ya xcha'pas xane. Te ants-winiquetic ya me smuquic te animaetic ta Tófet, yu'un ma xwejt'ix yawil ta bay ya yich'ic muquele.

Jeremías 19:6

Jich yu'un ya me xc'ot sc'aalelal te ma xju'ix ta alel Tofet, ni Xatal yu'un Ben-hinom; ja'uc me to, Xatal yu'un Milaw xi' me sbiil. Jo'on Ajwalilon, jich ya cal.

2 Reyes 23:10

Te Josías la sjinbey sc'oplal uuc te chic'jibal te ay ta spamlej yu'un Ben-hinom, swenta yu'un jich ma'yuquix mach'atic ya xchic' squerem-nich'an soc yantsil-nich'an swenta milbil smajt'an a te Moloc.

Jeremías 19:13

Te nanatic ta Jerusalén, te muc'ul naetic yu'un te muc' ajwaliletic ta Judá soc te sba nanatic te bay la yac'beyic pom te c'aal, u, eq'uetic ta ch'ulchan, soc te bay la smalbeyic majt'anil vino te lotil diosetique, ilaybil me ya xc'ot spisilic, jich bit'il Tófet’, xi' te Cajwaltique”, uta me —xi'.

Jeremías 7:31

Ta bay xatal yu'un Ben-hinom la spasbeyic scajtijib majt'anil ta Tófet swenta yu'un ya xchiq'uic tey a te alalqueremetic ach'ixetic yu'unique, te ma'yuc bay calojbey mandal ta pasel, ma'yuc bay talem ta co'tan ni jtebuc.

Levítico 26:30

Jo'on me ya jlajinbeyex te toyol ch'uunjibaletic stuquelique, ya me jxet'beyex ta olil te scajtijib ta chiq'uel majt'anil pom awu'unique. Ya me jbusanbeyex abaq'uetalic te ma ba cuxulix ta sba te loc'ombaetic awu'unique. Ya me cac'beyex awilic te ilaybilex cu'une.

Jeremías 19:2

Loc'an ta ora ta Xatal q'uinal yu'un Ben-hinom te ay ta stojol te yochibal lum te Xejt'ecal Oxom sbiile. Tulan xawal tey a te c'op ya calbate.

Jeremías 31:40

Spisil te xatlejal te bay ya yich' muquel te animaetic soc te bay ya yich' ch'ojel bael te c'ajc'al tane, soc spisil te q'uinal ay ta sba beja' yu'un te Cedrón, ja' to ta bay la spas tel buelta, ta Yochibal Caballoetic, ta stojol sloq'uib c'aal, ac'bilon cu'unin. Soc spisil ma ba ya yich' xan tijel, ni jinel —xi' te Cajwaltique.

Ezequiel 6:4

Ya me jwuy te scajtijib ta chiq'uel smajt'an awu'unic, te banti ya awac'beyic milbil smajt'an soc te banti ya achic'beyic spome. Soc ya me cac' te ya xlajic ta milel te mach'atic nainemic ta atojol, ya me cac' xlajic ta stojol te loc'ombaetic cuybil ta Dios yu'unique.