Jeremías 7:26 - Bible in Tzeltal de Oxchuc y Tenejapa

²⁶ Ja'uc me to, ma la ach'uunbonic jc'op, ni la awich'bonic ta muc', amen la awac' aba soc awo'tanic, c'ax jich te bit'il la yac' sbaic te antiguo ame'-atatique —xi'.

Bible in Tzeltal Bachajón

²⁶ Pero ma ba la ya'iybonic jc'op, ma ba la yac' schiquinic, la stulanijtes yo'tanic, c'ax hich chopol c'ohtic a te bin ut'il te sme'statique.

Jeremías 7:26 Referans Kwoze

Jeremías 16:12

Te ja'exe c'ax to jich apasojic a te bit'il antiguo ame'-atatique; juju-jtul soc stulanil awo'tanic baex tey a ta bay la ac'anique, ni ma ba la ach'uunbonic te jc'ope.

2 Crónicas 30:8

Ma me tulanuc ya awac' abaic soc te awo'tanic, jich bit'il tulanaj yo'tanic te antiguo ame'-atatique. Toya ac'abic ta stojol Cajwaltic swenta yu'un ya x'ach'ub xan te trato, soc la'ic ta ch'ul templo yu'un, te xch'ultesej sbajt'el q'uinale. Ac'a abaic ta abatinel ta stojol te Cajwaltic Dios awu'unique, jich me ya xquejch'aj yilimba ta atojolic te ja'exe.

San Mateo 23:32

Jich yu'un lajinaic sju'tesel ta pasel te yat'el te namey q'uinal ame'-atatic te jajch'em ta spasel yu'unique.

Jeremías 19:15

—Te Cajwaltic te Spisil ya xju' yu'une, te Dios yu'un Israel, ya yalbeyex: “Ya jticunbey tel spisil castigo ta stojol te alumal soc spisil te lumetic nopol ayic te la calbeyix sc'oplale. Melel tulan yac'oj te yo'tanique yu'un ma la yich'bonic ta muc' te jc'ope”, xi' me te Cajwaltic —xi' te Jeremiase.

Jeremías 17:23

Ja'uc me to, ma la sc'an yich'bonic ta muc' te jc'ope. Tulan nax la yac' sbaic bael, ma la sc'an la xch'uunic, ni ma ba tojobic a.

Jeremías 7:24

Ja'uc me to, ma la xch'uunbonic, ni ma la yich'bonic ta muc'; q'uejel la yac' sbaic ta nitel bael yu'un te stoybail yo'tanique. Sc'oplal te sujt'ic tel ta jtojole; ja'uc me to, ja' la yac'bonic tel te spatique.

Romanos 2:5

Ja'uc me to, c'ax tulan te awo'tane, yu'un ma ba asujt'esej te awo'tane. Jich yac ta toyel xan castigo ta atojol te quechel ya sta sc'aalelal castigoe. Tey ya xchicnaj a te Dios ya yal ta jamal te stojil te chajbanel yu'une.

Hechos 7:51

“Ja'uc me to, te ja'exe ma x'ac'anic tojobtesel. Te awo'tanique soc te achiquinique pajal c'oemic soc te mach'a ma sna'beyic sba te Diose. Apasojic ta contro spisil ora te Ch'ul Espiritue. Te bila la spasic te antiguo tatiletic cu'untique, ja' nanix jich ya apasic te ja'exe.

San Mateo 21:38

“Yan te j'at'eletique, la yilic te ja' snich'an yajwal q'uinal te taleme, soc la sna'ic te ja' ya xjil ta swenta te q'uinale. Jich yu'un la yalbey sbaic: “Ja' lec jmiltic, yu'un jo'otic me ya xjil ta jwentatic te q'uinale”, xiic.

Daniel 9:6

Ma'yuc ta wenta c'ot cu'untic te abatetic awu'un, ja' te j'alwanejetic awu'une, ja'ic te c'opojic ta awenta ta stojolic te muc' ajwaliletic, te jwentainwanejetic, te antiguo jts'umbaltic, soc ta spisil te lum Israele.

Jeremías 44:16

—Ma xquich'tic ta muc' te c'op la awich'botic tel ta swenta te Cajwaltique.

Jeremías 34:14

Ta sjuquebal ja'wil ya yaq'uic ta libre te mach'auc hebreoil te xchonoj sba ta stojolique, teme la yac' sbaiquix ta abatinel c'alal ta waqueb ja'wile. Ja'uc me to, te antiguo ame'-atatic ma la yich'bonic ta muc', ni ma la sc'an xch'uunbonic.

Jeremías 29:19

Melel ma la yich'bonic ta muc' te sjultesjibal yo'tanic cu'un ta swenta te abatetic te j'alwanejetic cu'une, te la jticun bayal bueltae, ni ma la yaiybeyic stojol sc'op. Jo'on Ajwalilon, jich ya cal.

Jeremías 26:5

teme mero ma x'awich'ic ta muc' te sjultesjibal awo'tanic yu'un te j'alwanejetic te abatetic cu'une, te bayal buelta la jticun tel, te la ac'axintaybeyic te sc'ope,

Jeremías 25:7

Ta ora yo'tic te Cajwaltic ya yal: “Te ja'exe ma x'ac'an awich'bonic ta muc' te jc'ope; ya awac' ilinuc co'tan yu'un te ach'uunejic lotil diosetic te ja'ex nix la apasique. Jich me ya xtal te bila amen ta atojolique”, xi'.

Jeremías 25:3

—C'alal to ta yoxlajunebal ja'wil yat'el ta ajwalil a te Josías te snich'an Amón ta Judá asta ora yo'tic, ja' te ayix oxeb xcha'winic ja'wil, te Cajwaltic la sc'oponon. Ta jujun buelta la calbeyex awaiyic te ja'ex ta jujun buelta; ja'uc me to, ma la awich'bonic ta muc'.

Jeremías 11:8

Ma ba la yich'bonic ta muc' jc'op, ni ma la xch'uunbonic, tulan la yac' sbaic te bit'il amen te yo'tanique. Ma la sc'an xch'uunbon te mandaliletic calojbeye, jich la cac' taluc castigoetic te yalojbey sc'oplal te tratoe”, uta me —xi'.

Jeremías 6:17

Te Cajwaltic la spuc j'il-q'uinaletic, soc jich la yalbey te lum yu'une: —Aiya me awaiyic ta lec te c'alal ya xchicnaj ta aiyel señaile —xi'. Ja'uc me to, te lume jich la yal: —Ma jc'antic quich'tic ta muc' —xiic.

Isaías 48:4

Melel jna'oj stojol te mero tulan te awo'tanique, te jich tulanex bit'il hierro, ma xju'ex ta puxel jichuc bronce.

Proverbios 29:1

Te mach'a tulan ya yac' sba te c'alal ya yich' comel, ora nax me ya yich' jinel, soc ma me ayuc xpoxil yu'un.

Nehemías 9:29

La atac'uy, la awalbey te yacuc spasic xan te bila ya yal te mandaliletic awu'une. Pero la yich' sbaic ta muc' stuquelic, ma ba la yich'ic ta wenta te mandaliletic awu'une. La xc'axintaybat te bitic la awal ta stojolique, te ya yac'bey xcuxlejal te mach'atic ya spasique. Ma ba la yich'ic ta muc', mero tulan la yac' sbaic, ma'yuc sc'oplal c'ot ta yo'tanic.

2 Crónicas 33:10

Te Cajwaltic la sc'opon te Manasés soc te lum yu'une, pero ma la yich'bey ta muc'.

2 Reyes 17:14

Pero ma ba la yich'ic ta muc', mero tulan la yac' sbaic, jich nix te bit'il anima sme'-static te ma ba la yac' smuc'ul yo'tanic ta stojol te Cajwaltic te Dios yu'unique.

Isaías 5:4

¿Ay to bal bila pasel ya sc'an xan ta bay te ts'usubiltic cu'une? ¿Ay bal bi ma jpasojuc? La jmaliy te chi'uc la yac' sit te ts'usubetique, ¿bi yu'un te paj la yaq'uic te site?

Jeremías 5:3

Cajwal, te bila ya alebey te ants-winiquetic, ja' te jun yo'tanic ta atojole. Te castigo la awac'bey, ma ba c'ux la yaiyic; la awac'bey tulan swocolic, pero ma teyuc la snopic a. Tulan ta jyalel te yo'tanique, c'ax to jich te bit'il ton; ma la sc'an sujt'ic bael ta bay lequil be.

Jeremías 6:10

La cal te jo'one: —¿Mach'a me ya yaiybon jc'op, teme ya jc'opon, soc teme ya calbey yaiy in c'op to? Cajwal, smacoj xchiquinic, ma xju' ya yaiyic stojol; ya slabanic te ac'ope, ma'yuc yutsil yo'tanic yu'un.

Jeremías 35:15

Spisil ora la jticunbeyex ta atojolic spisil j'alwanejetic te abatetic cu'une, swenta yu'un ya yalbeyex te yacuc awijq'uitayic te amen awo'tanic soc te amen at'eliletique. Soc te manchuc ya xbaex ta stojol te lotil diosetique, te ma xaquejan abaic ta stojole, te jich ya xju' xcuxinex bael ta bay lumq'uinal te cac'ojbeyex soc te antiguo ame'-atatique. Ja'uc me to, te ja'exe ma la awich'ic ta muc', ni ma la ach'uunic.

Jeremías 35:17

Jich yu'un te jo'on Ajwalilon te Spisil ya xju' cu'une, te Dioson yu'un Israel, ya cal: Ya me cac' te ya xjul ta stojolic Judá soc te mach'atic yajwal Jerusalén, ta spisil te woclajel te calojbey sc'oplale. Melel calojbeyex, ja'uc me to, te ja'exe ma'yuc bay awich'ojbonic ta muc'; la jc'oponexix, ja'uc me to, ma'yuc bay la ajac'bonic jc'op”, uta me —xi' me te Cajwaltique.

Ezequiel 20:30

“Jich xawalbey te lum Israele: “Jich ya yal te Cajwaltique: ‘¿Bi yu'un ya ac'an ya aboltes abaic jich te bit'il antiguo ame'-atatique? ¿Bi yu'un ma junuc awo'tanic ta jtojol, bistuc te ya xbajt' awo'tanic ta xch'uunel te loc'ombaetic ilaybil sbae?

Zacarías 7:11

Pero te ants-winiquetic ma ba la sc'an xch'uunic. La swalac'patiyic te Diose, jich la spas sbaic te bit'il ma x'och c'op ta xchiquinique.

Malaquías 3:7

Ja'uc me to, jowejemex, ma ja'uc at'unojic te mandaliletic cu'un. Jichex te bit'il jowejic te antiguo ame'-atatique, jich ma x'ac'an ach'uunonic ta ora to. Jo'on te Ajwalilon te Spisil ya xju' cu'une ya calbeyex: Sujt'anic tel ta jtojol, jich ya sujt'on tel ta atojolic te ja'exe. Ja'uc me to, ya awalic: “¿Bi ya sc'an ya jpastic te ya sujt'otic bael ta atojol ya awale?” xaex.

Deuteronomio 8:20

Jich te bit'il ya slajin Cajwaltic te nacionetic ya ataic ta banti ya xc'axexe, ja' ni me jich ya awich'ic lajinel, teme ma ba ya ach'uunic te Cajwaltic te Dios cu'untique.

1 Reyes 14:9

Yan te ja'at, mero amen la awac' aba, ma'yuc jich la spasic te yantic neel c'axique. Ja'at mero amen awat'el, jich la awac' ilinucon. Melel la apas yantic diosetic awu'un, loc'ombaetic te pasbilic ta ultesbil taq'uin, jich ma'yuc jc'oplal c'oon awu'un.

1 Reyes 14:22

Pero te yat'el Roboam, ma lecuc ta sit Cajwaltic. C'ax jich ilin yu'un a te bit'il ilin yu'un smulic te antiguo sme'-state.

2 Reyes 17:15

Ja' la xch'aybeyic te mandaliletic yu'un Cajwaltic, soc te c'op xchapoj soc te antiguo sme'-statique, soc te smandal albotic yu'une. La st'unic diosetic te ma'yuc sc'oplale, ja' nix jich ma'yuc swentail bajt'ic yu'un. Ja' la st'unbeyic stalel te nacionetic ayic ta spat-xujq'uic, manchuc me ja' te bi combilic ta spasel yu'un te Cajwaltique.

2 Crónicas 33:23

Ja'uc me to, ma la spejc'an sba ta stojol Cajwaltic, jich bit'il la spas te state, ja' nax bajt' ta yo'tan stsobel te mulile.

Jeremías 3:13

Ja' nax te yacuc ana' te amule, soc te la acontroin yu'un atoybail te Awajwal te Dios awu'une; te animajat ta sleel te mach'atic la ac'opon aba soc ta bay yet'al spisil te'etic te pim sc'abique, soc ma la ac'an la ach'uun te bila la cale. Jo'on Ajwalilon te jich ya cale”, uta me —xi' te Cajwaltique.

Jeremías 9:13

Te Cajwaltic la sjac': —Spisil jich a c'ot ta pasel, melel te israeletic la yijq'uitayic te p'ijubtesel la cac'beye, ma la yich'bonic ta muc' soc ma la sc'otesic ta pasel.

Jeremías 22:21

La jc'oponat jo'on ta yorail te yacat ta esmajel a; ja'uc me to, ma la awaiybon stojol jc'op.

Jeremías 32:23

Ja'uc me to, c'alal ochic bael ta lumq'uinal te la yu'uninic, ma la xch'uunbat te ac'ope, ni ma la spasic te p'ijubtesel la awac'beye, ni ma la spasic jtebuc te amandal la awalbeye. Jich yu'un la aticunbey tel ta stojolic te bila amene.

Ezequiel 12:2

—Te ja'at winic, nainemat ta yolil te lum tulan yo'tanique. Ay sitic yu'un ya yilic q'uinal sc'oplal a, pero ma ba ya yilic q'uinal. Ay xchiquinic yu'un ya yaiyic c'op sc'oplal a, pero ma ba ya yaiyic c'op. Melel ja'ic te lum te tulan yo'tanique.

Ezequiel 12:3

Ja' yu'un, chajbana abiluc, jich yilel te bit'il ya xbaatix, yu'un ya x'ic'otat bael ta mosoile. Ta c'aaleltic me ya apas, jich me ya yilic spisilic. Ya me xloc'at jajch'el ta ana, ya me xbaat ta yan q'uinal. Jich wan ya sna'ic te ja'ic te lum te tulan yo'tanique.

Oseas 11:7

Te lum cu'un c'ubul ayic ta jtojol, tulan yo'tanic. Ya yawtayic te mach'a ay ta ch'ulchan ta sc'opique; ja'uc me to, ma'yuc mach'a ya xcoltayot yu'un.