Jeremías 7:23 - Bible in Tzeltal de Oxchuc y Tenejapa

²³ Te bila mandal la calbey, ja' te ya xch'uunbonic te jc'ope, melel jo'on te Dioson yu'unic ya xc'oone, soc ja'ic te lum cu'une. La calbey te tojuc ya yac' sbaic jich bit'il la jpas ta mandal, swenta yu'un lecuc me ya xc'otic ta loq'uel a.

Bible in Tzeltal Bachajón

²³ Pero la jcalbe te mandar ini: Ch'uhumbonic te jc'ope, hich Dioson awu'unic ya xc'ohon soc ha'ex pueblo cu'un ya xc'ohex. T'unahic bahel spisil te behetic te la jcalbeyexe, scuenta yu'un lec ya xc'ohex a, xchihon.

Jeremías 7:23 Referans Kwoze

Éxodo 15:26

Jich la yal: —Teme jun awo'tanic ya awaiybonic stojol te bila ya cal te jo'on Ajwalilon te Dioson awu'unique, soc teme ya apasic te bila lec co'tan yu'une, teme ya ach'uunic te mandaliletic cu'une, soc teme ya ac'otes ta pasel te bila ya yal te mandaliletic cu'une, ma'yuc bi ora ya xtal tulan chamel ta atojolic te bit'il la cac'bey te egipcioetique, melel jo'on te Ajwalilon te ya jlamantesbeyex achamelique —xi' te Cajwaltique.

Deuteronomio 5:33

Ja' me xat'unic te be la yac'beyex awilic Cajwaltic te Dios cu'untique, swenta yu'un jich me lec ya x'ainex a, soc jich me ya xnainex bayal ja'wil ta lumq'uinal te ya yac'beyex awu'uninique.

Jeremías 42:6

Chican teme ya jmulantic, o ma jmulantic, ya me jch'uunbeytic sc'op te Cajwaltic Diose te la jc'antic te ya ac'oponbotique, swenta yu'un jich me lec ya xc'ootic ta loq'uel —xiic ta yalel.

Hebreos 5:9

Jich mero lequil Jcoltaywanej c'ot, te sbajt'el q'uinal ay jcoleltic yu'un te jayebotic ya jch'uunbeytic te smandale.

Deuteronomio 6:3

Ja' yu'un, israeletic, pasaic me bael. Jich me lec ya x'ainex, soc jich me muc'ul lum ya xc'oex, ta lumq'uinal te banti ya x'oquin leche soc chab c'oem, jich nix te bit'il yaloj te Cajwaltic te Dios yu'un te antiguo jme'-jtatique, te ya x'ac'bot yu'uninique. Jich ay:

Deuteronomio 30:20

C'ux me x'awaiyic te Cajwaltic Dios, ch'uunbeyaic sc'op, soc junuc me awo'tanic ta stojol, melel tey ay a te acuxlejalique, soc te ya xcuxinex bayal ja'wil tey ta lumq'uinal, te Cajwaltic jc'axel la yalbey te antiguo jts'umbaltic Abraham, Isaac soc Jacob —xi' te Moisese.

Deuteronomio 13:4

Ja' nax xat'unic soc ja' nax x'awich'ic ta muc' stuquel te Cajwaltic te Dios cu'untique. Ch'uunaic spasel te mandaliletic yu'une, aiybeyaic te sc'ope, ch'uunaic. Jun me xawac' abaic soc te Cajwaltic, ac'a me swentainbeyex acuxlejalic.

Jeremías 11:4

Ja' te trato la jpas ta stojol te antiguo ame'-atatic c'alal la jloq'ues tel ta Egipto, ja' te nación te jich c'oem ta stojolic te bit'il horno yu'un te jten-taq'uine. La calbey: “Ch'uunbonic jc'op, pasaic spisil te bila mandal ya cal, ja'ex me lumex cu'un soc jo'on Dioson awu'unic.

Deuteronomio 5:29

¡Bayal me yutsil teme spisil ora jich ay te yo'tanique, te yacuc yich'onic ta muc' soc te yacuc spasic spisil ora te bila ya yal te mandaliletic cu'une, swenta yu'un bin nax me yo'tanic ya x'ainic soc yal-snich'nab ta spisil ora!

2 Corintios 10:5

Jich ya jlajinbeytic sc'oplal a te bila nopjibal yu'un te yantique, spisil jtoybaetic te ya scontroinic te bila ay ta na'el yu'un te Diose. Spisil nopjibal yu'un te ch'ich'-baq'uete, ya me cac'beytic xch'uunic te Cristoe.

Deuteronomio 30:2

teme ya sujt'ex ta stojol, soc teme spisil awo'tanic ya ach'uunic soc spisil acuxlejalic, ja'ex soc te awal-anich'nabique, jich te bit'il ya jpasex ta mandal ta ora in to,

Jeremías 11:7

C'alal la jloq'ues tel ta Egipto te antiguo ame'-atatique, la jultesbey yo'tanic te ja' nax ac'a yich'bonic ta muc' te trato. Ja' to tel yo'tic abi, asta c'alal ora yacon ta sjultesbeyel yo'tanic.

Deuteronomio 30:8

Pero te ja'exe ya sujt'ex ta stojol Cajwaltic, ya me ach'uunic xan, soc ya me apasic bael ta spisil te mandaliletic te ya calbeyex yo'tic.

Romanos 16:26

Ja'uc me to, yac'ojix ta na'el stojol ta swenta te bila ts'ibubil jilel yu'un te j'alwanejetique. Yu'un jich smandal te Dios te stalel cuxul sbajt'el q'uinale. La yaq'uix ta na'el ta stojol spisil ants-winiquetic, swenta yu'un ya me yac' xch'uunjel yo'tanic ta stojol te Jesucristoe.

Deuteronomio 4:10

“Te bi c'aalil la atejc'an abaic ta stojol te Cajwaltic te Dios cu'untic ta wits Horeb, jich la yalbon: “Tsoba te lume, swenta yu'un ya me yaiybonic te jc'ope, soc ya me snopic te ya yich'onic ta muc' te jayeb c'aal ya xcuxinique, soc ya me yac'beyic snop te yal-snich'nabe, swenta yu'un ja' ni me jich ya spasic uuc”, xi'.

Jeremías 31:33

Ja' in to ja' te trato ya jpas soc Israel c'alal ya sta sc'aalelal: Ya jts'ibubey ta yo'tanic te jmandale, soc ya me cac'bey ta sjolic. Jo'on me Dioson yu'unic, soc ja'ic me lum cu'un. Jo'on Ajwalilon, jich ya cal.

Deuteronomio 11:27

Te bitic swenta bendición, ja' teme ya ach'uunbeyic te mandaliletic yu'un te Cajwaltique, ja' te ya calbeyex ta ora in to.

Deuteronomio 5:16

“Ich'a ta muc' te ame'-atate, jich me xach'uun spasel te bit'il la yalbat apas te Awajwal te Dios awu'une, swenta yu'un najt' me ya xcuxinat, soc jich me buen lec awo'tan ya x'ainat tey ta aq'uinal te ya yac'bat te Awajwal te Dios awu'une.

Éxodo 16:32

La yal te Moisese: —Ja' mandal yalojbotic Cajwaltic in to: “Nojesa ta maná cha'p'isuc te sp'isole. Q'uejaic ta swenta te patil alnich'anetic awu'unique, swenta yu'un ya me yilic te bila we'elil la awe'elinic ta jochol taquin q'uinal te c'alal la sloq'uesex tel ta Egipto te Diose”, xi' te Cajwaltic —xi'.

1 Samuel 15:22

La sjac' te Samuel: —Ja' buen lec yo'tan Cajwaltic yu'un teme ya yich' ch'uunel smandal; ma ja'uc bayal sc'oplal teme ya cac'beytic milbil smajt'an soc chic'bil smajt'ane. Ja' mero bayal sc'oplal te ya jch'uunbeytic smandal soc teme ya cac' ta co'tantic te bi ya yale; ma ja'uc bayal sc'oplal te ya cac'beytic milbil smajt'an soc smajt'anin xepuil chije.

Salmos 40:6

Te ja'at, ma ja'uc lec awo'tan yu'un milbil amajt'an, soc ma x'ac'an amajt'anin sit awalts'unubil, soc ma x'ac'an amajt'anin te scojt'ol ya yich' chiq'uel, ni ja'uc chic'bil majt'anil swenta stojol mulil. Ja'uc me to la ajambonix jchiquin.

Salmos 81:13

Te lajuc yaiybon jc'op te lum cu'une, te lajuc st'unbon te beetic cu'un te Israel,

Isaías 3:10

Bin nax yutsil te mach'a toj yac'oj sba, melel lec ya xc'ot ta loq'uel yu'un, soc ya me yaiybey yutsilal te sit yat'ele.

Jeremías 13:11

Jich bit'il te mach'a tulan ya xchuc xch'ujt' ta xchujq'uil, jich ta co'tan spisil te lum Israel soc spisil lum Judá, jun nax c'oem ta jtojol. Ja' lum cu'un ta neelal, te sc'oplal la yac'onic ta na'el stojol, soc ya yalbonic wocol yu'un cutsilal te jichuque. Ja'uc me to, ma la xch'uunbonic c'op. Jo'on Ajwalilon, jich ya cal —xi'.

Jeremías 22:3

At'elinaic spasel jchajbanwanej soc te bila stojil li' ta q'uinal to, ac'aic ta libre te mach'a tenbilic ta uts'inel yu'un te j'uts'inwanejetique. Ma xapejc'anic ni ma xabolc'optayic te mach'atic jyanlumetic, te me'ba alaletic soc te me'ba antsetique. Ma xamilic te ants-winiquetic te ma'yuc smulique.

Jeremías 24:7

Ya cac'bey sna'ic q'uinal ta lec, swenta yu'un ya me sna'bonic jba te jo'on Ajwalilon. Ja'ic me te lum cu'un, soc jo'on me Dioson yu'unic; melel ya me sujt'es yo'tanic ta jtojol ta spisil yo'tanic.

Jeremías 38:20

Jeremías la sjac': —Ja'uc me to, muc' ajwalil, ma ba x'ochat ta sc'abic. Wocoluc, ch'uunbeya sc'op Cajwaltic te la calbatix awaiye. Jich me lec ya xc'oat ta loq'uel, jich me ya xcol acuxlejal.

Sofonías 3:2

Ma la ach'uunbey sc'op te Cajwaltique; ma la awich' ta muc' te tojtesel yu'une. Ma la smuc'ulin awo'tan; ma ba baat ta stojol te Dios awu'une.

Zacarías 6:15

Ya me xtal winiquetic ta c'ubul, yu'un ya xtal sjoin ta xcha'pasel xan te templo yu'un te Cajwaltique. Jich me ora ya ana'ic a te ja' la sticunon tel te Cajwaltic te Spisil ya xju' yu'une. Jich me ya xc'ot ta pasel teme ya awaiybeyic sc'op te Cajwaltic te Dios awu'unique, soc teme ya ach'uunique.

Zacarías 7:7

¿Ma bal ja'uc nix jiche te c'opetic te la yal te Cajwaltic ta swenta te antiguo j'alwanejetic, te c'alal lamal q'uinal ta Jerusalén a, soc te nojel ta ants-winiquetic, soc ja' nix nojel a te yantic lumetic te ayic ta sjoyobal, soc jich nix te sq'uinal Néguev soc te peq'uel witstiquile?

Deuteronomio 4:40

Ch'uunaic te sc'op soc te bitic ya yal te mandaliletic yu'une, ja' te yacon ta yalel ta atojolic ta ora in to. Teme jich ya apasique, bin nax me awo'tanic a te ja'ex soc te patil alnich'anetic awu'unique; soc bayal me ja'wil ya xcuxinex ta lumq'uinal te ya yac'beyex awu'uninic sbajt'el q'uinal te Cajwaltic te Dios cu'untique —xi' te Moisese.

Deuteronomio 13:5

Te j'alwanej o waichejele ya me yich' milel, melel ya yac'beyex atoy abaic ta stojol te Cajwaltic te Dios cu'untique, ja' te la scoltayotic loq'uel tel te c'alal ayotic ta c'abal ta mozoinel ta Egipto, soc te bit'il la sc'an te la yac'beyex awijq'uitayic te be yac'ojbeyex at'unic te Cajwaltic te Dios cu'untique. Jich me ya xlaj a te bitic amen ya xchicnaj ta awolilique.

Job 36:11

Teme ya yich'ic ta muq'ue, teme ya yac' sbaic ta stojole, bin nax me yo'tanic soc bayal me yutsil q'uinal ya yaiyic te jayeb xan c'aal ya xcuxinique.

Salmos 119:3

ja' te mach'atic ma'yuc bila amen ya spasic, yu'un ja' st'unojbeyic sbe te Cajwaltique.

Jeremías 22:21

La jc'oponat jo'on ta yorail te yacat ta esmajel a; ja'uc me to, ma la awaiybon stojol jc'op.

Jeremías 32:23

Ja'uc me to, c'alal ochic bael ta lumq'uinal te la yu'uninic, ma la xch'uunbat te ac'ope, ni ma la spasic te p'ijubtesel la awac'beye, ni ma la spasic jtebuc te amandal la awalbeye. Jich yu'un la aticunbey tel ta stojolic te bila amene.