Jeremías 7:21 - Bible in Tzeltal de Oxchuc y Tenejapa

²¹ Te Cajwaltic te Spisil ya xju' yu'une, te Dios yu'un Israel, jich ya yalbey te lum yu'une: —Ac'aic spisil te majt'aniletic chic'bil ta scojt'ol, soc te yantic milbil majt'aniletic te jayeb ya sc'an awo'tanique, soc ti'aic me te sti'balule.

Bible in Tzeltal Bachajón

²¹ Hich yaloj te Jehová te scuentahinej spisil, te Dios yu'un Israel: Ac'ahic te scohtol chic'bil mahtaniletic soc te milbil mahtaniletic, soc we'beyahic te sbaq'uetale.

Jeremías 7:21 Referans Kwoze

Oseas 8:13

Ja'ic ya smulanic te milbil majt'aniletique, ya smilic soc ya sti'beyic sti'balul; ja'uc me to, jo'on Ajwalilon, ma lecuc co'tan yu'unic. Ya me jna'bey te smulic te la spasique, soc ya me cac'bey castigo yu'un, ya cac' sujt'el ta Egipto.

Jeremías 6:20

Te ja'exe, ¿bistuc ya awich'bonic tel pom ta Sabá, soc te te'etic te bujts'anic yic' ta bay c'ubul lumq'uinaletic? Te jo'one ma lecuc co'tan yu'un te scojt'ol chic'bil majt'anil awu'une, ni yantic milbil majt'anil awu'un —xi' te Cajwaltique.

Isaías 43:23

Ma la awac'bon chic'bil jmajt'an chijetic; ma la awich'on ta muc' soc milbil majt'anil. Ma ba lubat cu'un te la jc'anbat majt'anil; soc ma la cuts'inat yu'un sujbelat ta sc'anel pom.

Jeremías 14:12

Manchuc teme bayal ya spas ayuno yu'un, ma ba ya quich'bey ta wenta te ya sc'anbonic coltayele. Manchuc me bayal chic'bil majt'anil ta scojt'ol soc te ya yac'bonic majt'anil harina ya yich'bonic tel, ma ba ya jtsacbey sc'op yu'un. Ya me jin ta guerra, ta wi'nal soc te chamel ya xmilawane —xi' te Cajwaltique.

Ezequiel 33:25

Ja' yu'un jich xawalbeyic: “Jich ya yal te Cajwaltique: ‘Te ja'exe ya ati'ic ti'bal soc xch'ich'el, soc ya ach'uunic loc'ombaetic cuybilic ta Dios, soc ya awaiyic milaw. Jich ayex, pero acuyojic te ya awu'uninic te lumq'uinale.

Deuteronomio 12:27

Ta sba te scajtijib ta chiq'uel majt'anil yu'un te Cajwaltic te Dios cu'untique, ya me awaq'uic te majt'anil te scojt'ol ya yich' chiq'uele. Te xch'ich'el te chambalam ya awaq'uique, ya me amalic ta scajtijib majt'anil yu'un te Cajwaltic te Dios cu'untique, te sbaq'uetale ya xju' ya ati'beyic stuquel.

Salmos 50:8

Ma ba ya jtijat ta c'op yu'un te milbil soc chic'bil jmajt'an spisil ora ya awac'bone.