Jeremías 7:19 - Bible in Tzeltal de Oxchuc y Tenejapa

¹⁹ Ja'uc me to, c'ax to xan ya sbolc'optayonic a, soc ja' nix jich ya sbolc'optay sbaic a ta swenta xq'uexlalic. Jo'on Ajwalilon te jich ya cale.

Bible in Tzeltal Bachajón

¹⁹ ¿Ho'on bal te ya shachbonic quilimba? ¿Ma bal ha'uquic nix te ya yac' sbahic ta q'uexlal?

Jeremías 7:19 Referans Kwoze

1 Corintios 10:22

¿Yu'un bal ya jc'antic te ya cac'tic ilinuc yo'tan te Cajwaltique? ¿Yu'un bal ja' cajalotic yu'un a te Diose?

Jeremías 20:11

Yan te ja'at Cajwal, ajoinejon jich bit'il jtul guerra-winic te ma'yuc ta tsalele. Te mach'atic ya snutsonique, ya me xyalic, jich ma'yucon ta tsalel yu'unic. Ma'yuc bi ya xju' yu'un, ja' nax ya xjilic ta q'uexlal; peq'uel ya xjilic ta jyalel, ma xch'ay ta na'el sbajt'el q'uinal.

Jeremías 9:19

C'alal ta Sión ya xc'ot te yajc'anic yu'un te xc'uxule: —¡Ay, bit'il la jtatic a te jinele! Q'uexlaltic sba te woclajele. Ya nix quijq'uitaytic jilel a te jlumaltique, te naetic cu'untic jiniquix —xiic me.

Jeremías 2:19

Ja' nix amul atuquel te ya yac'at ta castigo, ta scaj te ma junuc awo'tane. Nopa awaiy soc ya me awilbey sbolil soc xch'aal, ja' te bit'il la awijq'uitayone, soc ma la awich'on ta muc', te jo'on Awajwalon, te Dioson awu'une. Jo'on Ajwalilon te Spisil ya xju' cu'un, jich ya cal.

Isaías 45:16

Spisilic te mach'atic ya spasic loc'ombaetic ya me xq'uexawic yu'un; peq'uel me ya xjilic soc ma'yuc sc'oplalic ya xc'otic.

Isaías 1:24

Jich yu'un te Cajwaltic te Spisil ya xju' yu'une, ja' te mach'a ay bayal yu'el ta lum Israel, ya yal: —Tiq'uix a. Jo'on ya cac'bey stoj te mach'atic ya scontroinone. Ya quich'bey spacol ta stojolic.

Isaías 1:20

Yan teme ja' nax ya awat'elinic spasel toybail, ma me ayuc xpoxil, ora me ya xlajex ta guerra —xi'. Ja' nix te Cajwaltic te la yal loq'uel ta ye.

Job 35:6

Teme ya ata amule, ma'yuc bila amen ya apasbey a te Diose; manchuc me mero bayal ya ale te amule, pero ma'yuc bi ya apasbey ta stojol.

Esdras 9:7

Nameyix soc c'alal ora ayotic ta mero tulan mulil. Ta scaj te bila amen la jpastique, soc nix te muc' ajwaliletic soc sacerdoteetic cu'untique, ta jpisiltic ochotic ta sc'ab muc' ajwaliletic ta yantic nacionetic. La quich'tic ejch'entesel, la quijq'uitay jlumaltic, elc'anot jbiluctic soc la quich'tic ilayel, soc jich nix ayotic c'alal ora in to.

Deuteronomio 32:16

La spasbeyic te bila amen ta sit te Diose, la sjachbeyic yilimba, melel la xch'uunic loc'ombaetic ilaybil sba.

Jeremías 2:17

Jich pasbotat yu'un te la awijq'uitayon te jo'one, jo'on Ajwalilon te Dioson awu'une, jo'on la jtojtesat ta be.

Jeremías 8:19

Te yawic ta woclajel te jlumale, ya xchicnaj ta bayuc ta spamal te q'uinale: —¿Ma bal tey ayuquix a te Cajwaltic ta Sión? ¿Ma bal tey ayuquix a te muc' ajwalil yu'une? —xi'. Te Cajwaltic la sjojc'o: —¿Bi yu'un la awac'onic ta q'uexlal te bit'il la ach'uunic te loc'ombaetique, te yantic diosetic te ma'yuc yutsilic ta jyalele? —xi'.

Jeremías 15:9

Te me'iletic bayal yalatac ya xcom q'uinal yaiyic, ma xyich'iquix ic'; ya xq'uexawic soc ya xpejc'ajic, te xojobil c'aal ya sujtp'ej ta ijc' q'uinal ta stojolic. Teme ay to mach'a cuxul ya xjilique ya me cac' milotuc yu'un te scontroique. Jo'on Ajwalilon, ya cal te jc'ope —xi'.

Jeremías 22:22

Ya stasot bael yu'un ic' c'oem spisil te jtsobwanejetic awu'une; te mach'atic smulanejate, ya x'ic'otic bael ta yan lum. Ya me xjilat ta q'uexlal soc peq'uel ya xc'oat ta scaj spisil te bila amen apasoje.

Jeremías 25:7

Ta ora yo'tic te Cajwaltic ya yal: “Te ja'exe ma x'ac'an awich'bonic ta muc' te jc'ope; ya awac' ilinuc co'tan yu'un te ach'uunejic lotil diosetic te ja'ex nix la apasique. Jich me ya xtal te bila amen ta atojolique”, xi'.

Jeremías 44:3

ta scaj te bila amen la spasique. La yac' ilinucon yu'un te la xch'uunic lotil diosetic soc la yac'beyic pom; te lotil diosetique, ni ja'ic, ni ja'ex, ni te antiguo ame'-atatique, ma'yuc ta awo'tanic ta neelal to.

Ezequiel 16:26

La apasulay mulil soc te jayeb apat-axujc', ja' la amulan te egipcio-winiquetic te muc' te sbaq'uetalique. Spisil ora la apas te mulile, jich la atoyesbon xan te quilimbae.

Jeremías 3:25

Ac'a me jpejc'an jbatic yu'un q'uexlal jiche, ac'a me spotsotic te jq'uexlaltique. Melel ja' to ta calaliltic soc asta c'alal ora yo'tic, te jo'otic soc te jme'-jtatic jtaoj jmultic ta stojol Cajwaltic te Dios cu'untique, soc ma ba jch'uunejbeytic sc'op —xiic ta yalel.