Jeremías 7:18 - Bible in Tzeltal de Oxchuc y Tenejapa

¹⁸ Te nich'aniletic ya stsobic tel si', te tatiletic ya stsumic c'ajc', te antsetic ya yaiyic juch'majel ta swenta spasel waj te ya xba yac'beyic te lotil dios te Antsil Ajwalil yu'un Ch'ulchan te xi' sbiil yu'unique. Ya sbolc'optayonic a te ya yac'beyic vino te lotil diosetique.

Bible in Tzeltal Bachajón

¹⁸ Te al-nich'anetic ya stsobic tal si', te tatiletic ya stsunic c'ahc', te antsetic ya swots'ic harina yu'un spasbeyel tut panetic te ajwalil-ants yu'un ch'ulchan; soc ya ya'beyic malbil mahtaniletic yantic diosetic, yu'un ya shachbonic quilimba a.

Jeremías 7:18 Referans Kwoze

Jeremías 19:13

Te nanatic ta Jerusalén, te muc'ul naetic yu'un te muc' ajwaliletic ta Judá soc te sba nanatic te bay la yac'beyic pom te c'aal, u, eq'uetic ta ch'ulchan, soc te bay la smalbeyic majt'anil vino te lotil diosetique, ilaybil me ya xc'ot spisilic, jich bit'il Tófet’, xi' te Cajwaltique”, uta me —xi'.

1 Corintios 10:22

¿Yu'un bal ya jc'antic te ya cac'tic ilinuc yo'tan te Cajwaltique? ¿Yu'un bal ja' cajalotic yu'un a te Diose?

1 Reyes 14:9

Yan te ja'at, mero amen la awac' aba, ma'yuc jich la spasic te yantic neel c'axique. Ja'at mero amen awat'el, jich la awac' ilinucon. Melel la apas yantic diosetic awu'un, loc'ombaetic te pasbilic ta ultesbil taq'uin, jich ma'yuc jc'oplal c'oon awu'un.

Jeremías 32:29

Te caldeoetic yacalic ta yaq'uel guerra te lume, ya me x'ochic tel ta jyalel li'to, soc ya me yac'beyic jilel sc'aal. Ya me xchiq'uic te nanatic, yu'un la sbolc'optayonic a te la xchic'beyic pom ta sba nanatic te Baal, soc la yac'beyic vino tey a te lotil diosetique.

Jeremías 25:7

Ta ora yo'tic te Cajwaltic ya yal: “Te ja'exe ma x'ac'an awich'bonic ta muc' te jc'ope; ya awac' ilinuc co'tan yu'un te ach'uunejic lotil diosetic te ja'ex nix la apasique. Jich me ya xtal te bila amen ta atojolique”, xi'.

Jeremías 11:17

“Jo'on te Ajwalilon te Spisil ya xju' cu'une, te la jts'un te Israel soc Judae, la calix mandal te ya xc'ot ta stojolic te bila amene ta scaj te smulique. Melel la sta smulic ta jtojol te la yac'beyic smajt'an pom te Baal —xi'.

Isaías 3:8

Ta smelelil ya xjin te Jerusalén, soc te Judá ya xjin jilel. Melel tey yaquic ta yalel soc ta spasel te bitic ya scontroinic a te Cajwaltique, ja' te bitic ya sbolc'optayic a te smuc'ul yat'ele.

1 Reyes 16:2

Jich la yal: —Albeya te Baasa: “Jo'on la jtamat jajch'el ta ts'ubil lum, la cac'at ta jwentainwanej yu'un Israel, ja' te lum cu'une. Pero, ja' nix jich la apas te bit'il la spas te Jeroboam: la awac'beyix sle smul te Israel, ja' te lum cu'une. La awaq'uix ilinucon yu'un te muliletic la apasixe.

Deuteronomio 32:21

La yac'bonic bolobuc co'tan ta stojolic, ta scaj te la sdiosinic te bila ma diosuque, la yaq'uic ilinucon ta stojolic yu'un te loc'ombaetic yu'unique. Ja' yu'un ya me jachbey yo'tanic ta swenta jyanlumetic, ja' te mach'atic ma lumuque, ya me cac' ilinuc yo'tanic ta swenta jpam lum te ma'yuc bila ya xc'ot ta yo'tanique.

Deuteronomio 32:16

La spasbeyic te bila amen ta sit te Diose, la sjachbeyic yilimba, melel la xch'uunic loc'ombaetic ilaybil sba.

Deuteronomio 4:19

Te c'alal ya awilic te ch'ulchan, te c'aal, u, eq'uetic, ja' spisil te bitic ayic ta toyole, ma me xamulanic xch'uunel, melel ja' me te Cajwaltic te Dios cu'untic te la spas te bitic ayic ta toyole, ja' yu'un te lumetic te ayic ta swolol te balumilale.

Ezequiel 20:28

Te c'alal la cac' ochel ta lumq'uinal te la cal ta jamal te ya cac'beye, yacalic to nax ta yilel a te toyol tselelique soc te muc'ul te' te bayal yabenale, tey la yaq'uic a te milbil majt'anil yu'unic, te mero ilaybil cu'une. Tey la yaq'uic bitic bujts'an yic', soc tey la smalic a te majt'anil vino yu'unique.

Jeremías 44:25

Te Cajwaltic te Spisil ya xju' yu'une, te Dios yu'un Israel, ya yal: “Te ja'ex antsetic ya awalic loq'uel ta aweic, soc ya ac'otesic ta pasel. Ja'ex awalojic ta jamal te ya awac'beyic pom soc majt'anil vino te Antsil Ajwalil yu'un Ch'ulchan, te ya ac'otesic ta pasel ta jyalel te bila awalojique. Jichuc, c'otesaic ta pasel te ac'opique, soc pasaic te bila awalojique.

Isaías 65:11

Yan te ja'ex ya awijq'uitayon ta awo'tan, jo'on te Awajwalone, soc ya xch'ay ta awo'tanic te ch'ul wits cu'une. Ya awac'beyic we'elil soc trago te Gad soc Mení, te diosetic yu'un te c'ulejalile.

Isaías 65:3

Ja' te lum te la slabanon ta mero jsit, spisil ora la yaq'uic ilinucon. La yac'beyic milbil majt'anil te lotil diosetic ta bay awalts'unubil, soc la xchic'beyic pom ta scajtijib te spasojbeyic ta ladrillo.

Isaías 57:6

“Israel, ja' ya smulan awo'tan xch'uunel te ch'ulbil tonetic yu'un beja', melel tey nix ayix awawil a te ja'ate. Ja'ic te la amalbeyix majt'anil vino ta stojolic, soc la awac'beyix smajt'anin harina. Ta spisil, ¿yu'un bal ya acuy te lec co'tan yu'une?

Salmos 16:4

Ya me x'esmaj swocolic te mach'atic ya xbajt'ic ta stojol yantic diosetic; yacalic ta yalbeyel bayal wocol. Mero ma xcac' jba ta smalel xch'ich'el te milbil majt'anil yu'unique. Ma me xcal loq'uel ta que te sbiilique.

Jeremías 7:17

¿Yu'un bal ma x'awil te bi ya spasic ta lumetic ta Judá soc ta calleetic ta Jerusalén?

Jeremías 17:2

Te anich'nabe ya sna'ic te scajtijib majt'aniletic yu'un awajcananique, soc te sloc'ombaetic Asera awu'unique ta yet'al pimil c'ab te'etic soc ta sba te witstiquile,

Lamentaciones 5:13

Te winiquetic tulanic ta leque la yaq'uic ta juch'majel; te queremetic laj yipic yu'un yalal si'.

Ezequiel 8:17

Te Cajwaltic la yalbon: —¿La bal awil? Ma tic'uc ya yaiy a te lum Judá te bitic yacalic ta spasel te ilaybil sbae, la to snojesic xan ta bitic amen a te lumq'uinale. Tal yac'bonic xan yich' yip quilimba, te ya yaq'uic te ya xjul stuil ta jni'e.

Ezequiel 16:26

La apasulay mulil soc te jayeb apat-axujc', ja' la amulan te egipcio-winiquetic te muc' te sbaq'uetalique. Spisil ora la apas te mulile, jich la atoyesbon xan te quilimbae.

Jeremías 1:16

Ja' te castigo ya jticun ta stojol jmulawiletic te la yijq'uitayon ta yo'tanique, te la xchic'beyic pom soc la xch'uunic te lotil diosetic yu'un jyanlumetic te ja'ic nix la spasique.

Jeremías 44:4

La jticun bayal buelta te j'alwanejetic te abatetic cu'une, yu'un ya yalbeyex te manchuc ya apasic te bitic c'ax amen te ya quilaye.

Ezequiel 8:16

Jich la yic'on bael ta yamac'ul ta yelaw te templo yu'un Cajwaltique. Ta yochibal te ch'ul templo, ta yolil te yochibal soc te scajtijib ta chiq'uel majt'anile, ay jo'eb xcha'winic (25) winiquetic te swalac'patiyejic te ch'ul templo. Tinajtic bael ta stojol ta banti ya xloc' tel c'aal, yac'ojbey sta lum te sti'baique, yacalic ta xch'uunel te c'aale.