Jeremías 7:15 - Bible in Tzeltal de Oxchuc y Tenejapa

¹⁵ Ya jch'ojex loq'uel ta jtojol te ja'exe, jich bit'il la jch'oj loq'uel te awermanotac, ja' te sts'umbal Efraín”, xaat me ta stojolic —xi' te Cajwaltic.

Bible in Tzeltal Bachajón

¹⁵ Ya jch'ojticlanex loq'uel ta jtojol, hich te bin ut'il la jch'ojticlan loq'uel te awermanotac, spisil te sts'umbal Efraín.

Jeremías 7:15 Referans Kwoze

Jeremías 15:1

Te Cajwaltic la yalbon: —Manchuc me ya xtal stejc'an sbaic ta jtojol li'to te Moisés soc Samuel, te jo'one ma ja'uc ya jna'bey yo'bolil sba yu'un a te lume. Albeya, ac'a loc'uc bael ta jtojol, ac'a bajt'uquic.

Oseas 13:16

Te lum Samaria ya me xc'ot ta swenta castigo ta scaj te la stoy sba ta stojol te Dios yu'une. Ya me xlajic ta puñal. Te alaletic yu'un ya me xt'om sbiquilic ta majel ta lum; soc te antsetic te yic'ojic alal ta xch'ujt', muc' me ya xjambot xch'ujt'ic ta puñal.

Jeremías 52:3

Jich yu'un te Cajwaltic ilin yu'un te Jerusalén soc Judá, la xch'oj loq'uel ta stojol. Patil te Sedequías jelaw ta stojol te muc' ajwalil ta Babilonia.

2 Reyes 17:23

Ja' slajibal c'ot te loq'uesotic ta stojol yu'un te Cajwaltic te Israele, chucul ic'otic bael ta Asiria, jich nix te bit'il yaloj ta swenta te j'alwanejetic te abatetic yu'une. C'alal ora tey ayic a.

Oseas 12:1

“Te Efraín puro ic' ya yipan, spisil c'aal ya st'un bael te ic' te ya xtal ta stojol sloq'uib c'aal. Ya xtoy bael te lotetic soc te uts'inwanej yu'unique. Ya spas trato soc Asiria soc ya sticun majt'anil aceite ta Egipto —xi' te Diose.

Oseas 9:9

Jc'axel la sboltes sbaic ta jyalel, jich bit'il ta yorail sc'aalelal Gabaa. Te Cajwaltic ya sna'bey sbolil, soc ya yac'bey castigo yu'un te smulique.

Oseas 9:3

Efraín ya sujt' bael ta Egipto, soc ta Asiria ya me swe'elin we'elil te ilaybile. Ma me xju' ya x'ainic xan ta bay slum-sq'uinal te Cajwaltique.

Oseas 1:4

Te Oseas jich albot yu'un te Cajwaltique: —Jezreel me sbiil xawac'bey te alale, melel nopolix ya cac'bey castigo te sts'umbal te muc' ajwalil Jehú ta scaj te milaw la spas ta Jezreel. Ya me jlajinbey sc'oplal te nación Israel.

Jeremías 23:39

ya me jachex jichuc ijc'atsil, te ja'exe soc te muc'ul lum la cac'beyex soc te antiguo ame'-atatique, c'ubul to me ya jch'ojex bael ta jtojol.

Jeremías 3:8

Soc la yil te la quijq'uitay jba jilel soc te toyba Israel, och ta jun te la quijq'uitay jba soque, ja' yu'un te mulwej la spase. Ja'uc me to, te Judá te yijts'in Israel, ma junuc yo'tan, ma ba xiw yo'tan yu'un. Ja' nix jich bajt', ba yat'elin spasel te mulweje.

2 Crónicas 15:9

Ta patil la stsob spisil te yajwal Judá soc te Benjamín soc nix te mach'atic q'uejel talemique, ja' te ay talemic ta Efraín, Manasés soc ta Simeón, melel bayal c'axemic tel israeletic ta stojol Asa, yu'un la yilic te sjoinejic te Cajwaltic Dios yu'une.

2 Reyes 24:20

Ja' yu'un te Cajwaltic ilin ta stojol Jerusalén soc ilin ta stojol te Judá, jc'axel la xch'oj loq'uel ta stojol. Patil te Sedequías la stoy sba ta stojol te muc' ajwalil yu'un Babilonia.

Números 1:32

Te mach'atic sts'umbal José, loc' cha'winic ta jmil soc jo'winic xcha'bajc' (40,500) sts'umbal Efraín; soc te sts'umbal Manasés loc' lajchayeb xcha'winic ta jmil soc lajunwinic (32,200).

Salmos 51:11

Ma me xapijt'eson soc ma me xach'ayon ta awo'tan; ma me xapojbon loq'uel te ch'ul espíritu awu'une.

Isaías 7:16

Te c'alal ma to sna' tsajtayel te bay lec soc te bay ma lecuque, ya me xjojch'aj jilel te sq'uinalic te cheb muc' ajwaliletic te ya yac'bat xiwele.

Jeremías 9:19

C'alal ta Sión ya xc'ot te yajc'anic yu'un te xc'uxule: —¡Ay, bit'il la jtatic a te jinele! Q'uexlaltic sba te woclajele. Ya nix quijq'uitaytic jilel a te jlumaltique, te naetic cu'untic jiniquix —xiic me.

Ezequiel 23:31

Ja' nix la at'unbey sbe te awixe. Ja' yu'un ja' nix ya cac'bat awuch' c'oem te bila la cac'bey yuch' te awixe.

Oseas 7:13

“Obol nax sbaic te la sq'uej sbaic bael ta jtojole. Ya xtaotic yu'un te jinele, melel la stoy sbaic loq'uel ta jtojol. Ya jc'an ya jcoltay te jichuque; ja'uc me to, ya spasonic ta lot, ya scontroinonic.

Oseas 9:13

Yacon ta yilel te snich'nab Efraín te tsacbiliquix yu'un jnutsojeletic yilele. Ya sloq'ues bael, ya xba yac' ta miljibal —xi' te Cajwaltique.

Jonás 2:4

Jich c'oemon la caiy te bit'il jc'axel loq'uesbilon ta atojole; soc jich la jcuy te ma'yuc bi ora ya quilix te ch'ul templo awu'une.

Jeremías 23:33

“Jeremías, teme ay jtul yajwal te lume, jtul j'alwanej, o jtul sacerdote te ya sjojc'obate: “¿Bila a te c'op mero al awentainej yu'un te Cajwaltique?” teme ya yutate, albeya: “Te Cajwaltic ya yal te alex jichuc ijc'atsil te ja'exe, te jich ya xch'ojex bael”, ya me awut.

Ezequiel 33:25

Ja' yu'un jich xawalbeyic: “Jich ya yal te Cajwaltique: ‘Te ja'exe ya ati'ic ti'bal soc xch'ich'el, soc ya ach'uunic loc'ombaetic cuybilic ta Dios, soc ya awaiyic milaw. Jich ayex, pero acuyojic te ya awu'uninic te lumq'uinale.