Jeremías 7:10 - Bible in Tzeltal de Oxchuc y Tenejapa

¹⁰ Ja'uc me to, ta patil ya xtalex li' ta bay templo to, te ac'bilon ta jwenta, ya xtal atejc'an abaic ta jtojol. Yu'un ya acuyic te lec ayex ta ac'opic a, te jich nix ya apasulayic bael in bitic to te ma sts'ijq'uix cu'une.

Bible in Tzeltal Bachajón

¹⁰ ¿yu'un bal ya xtal atehc'an abahiquix ta jtojol li' ta jna ini te yich'beyejon te jbihile, te hich yac awalic: Libre ayotic, xchihex, yu'un yac apasulanic xan bahel spisil te bintic ilobtic sbahe?

Jeremías 7:10 Referans Kwoze

Jeremías 32:34

La sboltesbonic sc'oplal te templo te ch'ultesbil cu'une, la yaq'uic tey a te yajcananic te c'ax amen ta jsite.

Ezequiel 23:39

Ja' nix ta yorail a te bila c'aalil la smilic te yal-snich'nabic yu'un yich'el ta muc' te loc'ombaetic yu'unique, xtaluquic ta ch'ul templo cu'un, la sboltesbonic sc'oplal. ¡Ja' la spasic ta mero jna!

Ezequiel 23:37

Ma junuc yo'tan la yac' sbaic ta jtojol. Mero bayal xch'ich'el sc'ab c'oemic. Ma junuc yo'tan la yac' sbaic ta jtojol, melel ja' bajt' ta yo'tanic xch'uunel te loc'ombaetic yu'unique. Ta swenta yich'el ta muc' yu'unic, la yaq'uic ta milel soc ta chiq'uel ta c'ajc' te yal-snich'nabic te jo'on cal-jnich'nab soque.

Jeremías 34:15

Ta ora yo'tic te ja'exe yanajemix te awo'tanique. Ta neelal la apasic te bila ya smulan te co'tane, melel la awaq'uic ta libre te alumalic te ayic ta mosoile. La awalic ta jamal ta jtojol ta templo te ac'bilon ta jtojole.

Jeremías 7:30

Te Cajwaltic jich ya yal: —Te ants-winiquetic ta Judá, ay bila spasojic te ma lecuc co'tan yu'une: Te templo yac'ojbon ta jwenta la yaq'uix yajcananic tey a te ilaybil cu'une, la sboltesbeyic sc'oplal.

Jeremías 7:14

Jich yu'un, jich nix te bit'il la jpasbey te ch'ul templo ta Silo, jich nix ya jpasbey in templo to te ac'bilon ta jwentae, te la cac'beyex te ja'ex soc te antiguo ame'-atatique, te ja' smuc'ulinej awo'tanique.

Jeremías 7:11

¿Yu'un bal jich c'oem awu'unic te xch'en j'eleq'uetic te templo ac'bilon ta jwentae? Jo'on quilojix spisil. Jo'on Ajwalilon te jich ya cale.

San Juan 18:28

La yiq'uic loq'uel ta sna Caifás te Jesuse soc la yiq'uic bael ta stojol ajwalil ta bay Pretorio. Yaquix sacubel tel a te q'uinale. Te judioetic ma ba ochic bael ta bay te Pretorioe. Ja' la sna'ic te ma lecuc sc'oplalic ya xc'ot teme ya x'ochique. Jich ma xju' sti'ic te chij swenta q'uin Pascua.

San Juan 13:18

“Ma apisiluc te jich ya calbeyexe, melel na'bilix cu'un te mach'atic jtsaoje. Ja'uc me to, puersa ya xc'ot ta pasel te bi ts'ibubil ta Sjun te Diose: “Te mach'a pajal ya xwe'on soque, c'atp'ujix ta jcontro”, te xie.

San Mateo 23:13

¡Ya me awil awocolic jts'ibojometic, fariseoetic te cha'lam awo'tanique! Melel amacojiquix ta llave c'oem te sti'il ta banti ay ta ajwalinel te Dios te ay ta ch'ulchane. Ma ba ya x'ochex tey a te ja'exe, soc ma xawaq'uic ochel te mach'atic ya sc'an ya x'ochic tey a. [

Ezequiel 23:29

Te nacionetic ma me ayuc ac'oplal ta sitic; ya me yu'uninbat te bitic ataoj ta swenta awat'ele. Mero jc'axel me t'anal ya yijq'uitayat; t'anal me ya xjil te abaq'uetale, ja' te la apas mulwej soque. Ta scaj te mero libre ayat la awaiy abae, soc ta scaj te la awac' aba ta jmulawil antse,

Ezequiel 20:39

“Albeya te lum Israele: “Jich me ya yal te Cajwaltique: ‘¡Baan ch'uunaic te loc'ombaetic awu'unique! Pero ta patil ja'ex me ya ach'uunbonic te jc'ope, soc ma ba ya aboltesboniquix te jch'ul-biil ta scaj te ya awac'beyic smajt'an soc te ya ach'uunic te loc'ombaetic awu'unique.

Isaías 48:2

Ya awalic te tey talemex a ta bay te ch'ul lume, soc te ja' ya x'ipajex a te Dios yu'un Israel, te ja' sbiil te Ajwalil te Spisil ya xju' yu'une.

2 Crónicas 33:7

La yac' ta templo yu'un Dios te yajcanan te la spase, ja' te templo la yalbey sc'oplal Dios ta stojol David soc te snich'an Salomón: “Te templo ta Jerusalén, ja' tsabil cu'un yu'un spisil ta jchajp sts'umbal Israel, ja' me tey ya cac' xnain a te jbiil sbajt'el q'uinale.

2 Crónicas 33:4

Soc la spasbey scajtijib majt'aniletic ta templo yu'un Cajwaltic, ja' te bay yalojbey sc'oplal Cajwaltic te tey ya xnain sbiil sbajt'el q'uinal a ta Jerusalén.

2 Reyes 21:4

Soc la spas ta templo yu'un Cajwaltic scajtijib ta chiq'uel majt'aniletic yu'un yantic bitic cuybil ta Dios, manchuc me yaloj Cajwaltic te ja' yawil sbiil stuquel te Jerusalén.

Ezequiel 33:31

Jich ya xtalic te lum cu'une, ya sep sbaic ta naclej ta atojol, jich nix te bit'il ya spasulayique, yu'un ja' ya yaiyic te bila ya awale, pero ma ba ya xch'uunic spasel bael. Ya smulanic sjaq'uel, jich ta yo'tanic te bit'il sjaq'uel c'ayoj swenta nax sbujts'-o'tanil, pero ja' nax ay ta yo'tanic te taq'uine.

Proverbios 15:8

Te majt'aniletic ya yaq'uic te mach'atic amen yo'tanic, ya yilay te Cajwaltique; yan te mach'atic toj yo'tanique, bin nax yo'tan ya stsacbey sc'op stuquelic.

Jeremías 44:9

¿Ch'ay balix ta awo'tanic ta spisil te bitic amen la spasic te antiguo ame'-atatic, soc te bitic amen la spasic te muc' ajwaliletic ta Judá soc te yinamique, ja'ex uuc soc te awinamique, te bila la apasic ta sq'uinal Judá soc ta calleetic yu'un Jerusalén?

Ezequiel 33:25

Ja' yu'un jich xawalbeyic: “Jich ya yal te Cajwaltique: ‘Te ja'exe ya ati'ic ti'bal soc xch'ich'el, soc ya ach'uunic loc'ombaetic cuybilic ta Dios, soc ya awaiyic milaw. Jich ayex, pero acuyojic te ya awu'uninic te lumq'uinale.

Daniel 9:18

Ich'bon ta wenta te jc'ope, Dios cu'un, aiybon awaiy te jc'ope. Ac'a asit ta yilel te bitic jinem cu'untique, soc te lum te banti ya yich' alel wocol ta atojole. Ma yu'unuc lec cat'eltic te ya caltic wocol ta atojole; ja' nax smuc'ulinej co'tantic te smuc'ul xc'uxul awo'tan te ja'ate.

Oseas 6:9

Te sacerdoteetic jun yac'oj sbaic ta elec'. Yac'oj sbaic ta smujc'tayel te ants-winiquetique; ya yaiyic milaw soc yantic bitic swenta q'uexlal ta sbelal Siquem.

Amós 4:5

Chic'aic waj te yich'oj levadura swenta majt'anil ta yalel wocol, soc pucbeya sc'oplal ta bayuc te majt'anil awu'un te spasemal awo'tan ya awaq'uique, ja' te ya smulan awo'tanic spasel te ja'exe —xi' ta tulan te Cajwaltique.

Sofonías 1:5

Ya jlajin te mach'atic ya xmoic ta sba sna te ya xch'uunic te eq'uetique, soc te mach'atic ya squejan sbaic te ay bila ya yalic ta jamal te ya stabonic ta alel jbiil a soc sbiil te lotil dios Milcom.

Malaquías 3:15

Jo'otic quilojtic te ja' bin nax yo'tanic ta beel te toybaetique; soc te mach'atic amen yat'elic lec ya xloq'uic stuquelic te ya yilbeyic yo'tan Dios, ni jtebuc castigo ya yich' stuquelic”, xaex ta yalel —xi' te Diose.

1 Reyes 9:3

Jich albot: —La caiyix te ac'op soc te la awalbon wocole. La jch'ultesix te templo, te la apasbon swenta yu'un ya x'ainon spisil ora tey a. Ya me jcanantay soc ay me ta wenta cu'un spisil ora.

Ezequiel 5:11

Jo'on Ajwalilon te jich ya cal ta jamal swenta bit'il cuxulon, melel la aboltesbonic te ch'ul templo cu'une, ta scaj te loc'ombaetic soc ilaybil sba te awat'elique. Ja' yu'un ya me jlajinex, ma me ba ya jna'beyex yo'bolil abaic.