Jeremías 6:9 - Bible in Tzeltal de Oxchuc y Tenejapa

⁹ Te Cajwaltic te Spisil ya xju' yu'une ya yal: —Te israeletic te ya xjilic xan tey a, ya yich' leel, soc ya me yich' leel xan yan buelta; jich bit'il ay ta leel ta bay yabenal ts'usub, te ja' to chican ma'yuc ya xjil p'ijuc ts'usub —xi' te Cajwaltique.

Bible in Tzeltal Bachajón

⁹ Hich la yal te Jehová te scuentahinej spisil: Lehahic hich te bin ut'il ts'usubil te mach'atic yu'un Israel te hilemic; c'asesa xan ac'ab ta sc'abc'ab ts'usub, hich te bin ut'il ya spas te mach'a ya stsobe te site, xchi.

Jeremías 6:9 Referans Kwoze

Jeremías 49:9

C'alal ya sloq'uesic ta tulel te ts'usubiltique, ay to jtebuc joc'ajtic ya xjil; c'alal ya xtal eleq'uetic ta ajc'ubal, ja' nax ya yich'ic bael te bila ya xtuun yu'unique.

Jeremías 16:16

“Jo'on Ajwalilon, jich ya cal, ya me cac' xtal bayal jtsac-chayetic c'oem, swenta yu'un ya me stsaquic jichuc chay te israeletique. Soc ya cac' xtalic bayal jnutsmajeletic c'oem, swenta yu'un ya xnutsmajic soc ya sloq'uesic tel ta spisil witstiquil, ta ch'in witstiquil, soc asta ta bay jatemic te tontiquile.

Apocalipsis 14:18

Soc ay yan ch'ul abat te loc' tel ta bay te xchic'jibal milbil smajt'an te Diose te ay yat'el ta swentainel te c'ajq'ue. Tulan la yawtay te ch'ul abat te yich'oj ta sc'ab te os te ay yee. Jich la yalbey: “Ochan ta at'el soc te os awich'oj te ay yee. Tsobeya sit ta chojolchoj te ts'usub te ay ta balumilale, yu'un tac'ajemix te site”, la yut.

Jeremías 8:3

Te ants-winiquetic te cuxulic xan ya xjilic, te c'ax amen te yo'tanique, ta bayuc ya x'ainic te c'alal ya jpuc baele, ma ba ya sc'an yo'tanic te ya xcuxinique, ja' ya sc'aniquix te ya xlajique. Jich ya cal, jo'on Ajwalilon te Spisil ya xju' cu'une —xi'.

Jeremías 11:23

Ma'yuc mach'a ya xcol jilel jtuluc, melel ya me sta sc'aalelal te ya quich'bey ta wenta yat'elic te yajwal Anatot, ya me cac' tel woclajel ta stojolic —xi' te Cajwaltique.