Jeremías 6:8 - Bible in Tzeltal de Oxchuc y Tenejapa

⁸ Tojtesa aba ta lec, Jerusalén. Teme ma jichuc ya apase, ma me lecuc co'tan yu'un, ya me jq'uej jba bael ta atojol. Ya me jc'atp'unat ta jochol taquin q'uinal; ma me ayuc ants-winiquetic ya quijq'uitaybat —xi' te Cajwaltique.

Bible in Tzeltal Bachajón

⁸ Tojobtesa aba, Jerusalén, scuenta yu'un ma ba ya quihquitayat, scuenta yu'un ma ba ya jsutp'inat ta jochol taquin q'uinal, ta q'uinal te mayuc yajwal, xchi.

Jeremías 6:8 Referans Kwoze

Oseas 9:12

Teme ay nix ju' yu'unic xch'ijtesel te snich'nabique, ya me jpojbey, ma ba ya quijq'uitaybey ni jtuluc. Obol sbaic te ants-winiquetic te c'alal q'uejel ya cac' jba ta stojole.

Ezequiel 23:18

Ja' yu'un jc'axel och ta spasel mulil ta comonsitil, asta la st'anan sba ta jc'axel. Asta la quilay yu'un te jo'one, jich nix te bit'il la quilay te xwixe.

Jeremías 17:23

Ja'uc me to, ma la sc'an yich'bonic ta muc' te jc'ope. Tulan nax la yac' sbaic bael, ma la sc'an la xch'uunic, ni ma ba tojobic a.

Sofonías 3:7

La jnop ta co'tan: “Jich me ya xi'on te Jerusalén; ya me yich' ta muc' te tojtesel ya cac'beye”, yoon ta co'tan. Jich ma ba ya yich' jinel te banti nainem te ya cac'bey castigoe. Ja'uc me to, la yaq'uic puersa ta spasel spisil ta jchajp bitic amen.

Jeremías 32:33

Ja' la yac'bonic quil te spatique, ma ja'uc te yelawique. Manchuc me ma ba laj co'tan ta sp'ijubtesel, ma la yich'bonic ta muc', ni ma la sc'anic tojtesel.

Salmos 50:17

te ma x'ac'an tojtesel cu'un, ni ayuc swentail awu'un te jc'ope?

Jeremías 31:19

La jq'uej jba bael ta atojol, bayal ya jna' ta ora to; la jna'ix te jmule, ya jmajulay co'tan yu'un; ay q'uexlal ya caiy ta co'tan soc peq'uelon ta swenta te muliletic cu'un te c'alal jch'ielon to ae”, xi' ta ajc'an.

Jeremías 9:11

“Te Jerusalén, ya jc'atp'un ta jbus nax tontiquil; xch'en ja'mal ts'i'etic ya xc'ot. Ya jc'atp'un ta jochol taquin q'uinal te lumetic ta sq'uinal Judá; soc ma me ayuc yajwal ya xjil ta jyalel —xi' te Cajwaltique.

Jeremías 7:34

Ya cac' ch'ayuc ta jc'axel te c'ayojetic yu'un q'uin soc sbujts-o'tanil, soc te c'ayojetic yu'un nujbinel, ta lumetic ta sq'uinal Judá soc ta calleetic ta Jerusalén. Spamal te lum ya xc'atp'uj jilel ta jochol taquin q'uinal —xi' te Cajwaltique.

Jeremías 7:20

Jich yu'un te jo'on Ajwalilon ya me cal ta smelelil te ya jloq'ues tel spisil te quilimba ta stojol in templo to soc ta stojol te ants-winiquetic, soc ta stojol te chambalametic, te te'etic ta q'uinal, soc te trigo. Jich me yilel te bit'il tojc'al te ma xtup'e —xi' te Cajwaltique.

Jeremías 4:14

Jerusalén, poca loq'uel te bila amen ay ta awo'tane, jich me ya xcolat. ¿Jayeb to buelta ya awac'bey awo'tan ta snopel te mulile?

Jeremías 2:15

¿Bi yu'un ya snutsic jichuc león-chojetic te tulan nax ya x'awunic ta jyalele? Ma'yuc yutsil la yijq'uitaybeyic jilel te slumale; te lumetic yu'unique la yich' chiq'uel, soc ma'yuquix mach'a jil tey a.

Proverbios 4:13

Tsaca me ta spisil awip te ap'ijubtesele, ma me ayuc bi ora ya xch'ay awu'un; at'elina me spasel, melel ja' me acuxlejal stuquel.

Salmos 94:12

Cajwal, bin nax me yutsil te mach'a ya atojtes soc te ya awac'bey te p'ijubtesel awu'une,

Salmos 2:10

Ja'ex muc' ajwaliletic soc yantic ajwaliletic ta q'uinal, ac'a c'otuc ta awo'tanic, nopaic ta lec te bila ya cac'beyex anopique.

Deuteronomio 32:29

Te ayuc sp'ijil yo'tanic, ya xc'ot ta yo'tanic te bi c'oem ta pasel te jichuque.

Levítico 26:34

Jich te lumq'uinale bin nax me yo'tan ya xjil ta cux-o'tan te jayeb c'aal ay te awocolique, ja' te c'alal ayex ta slum-sq'uinal a te acontrotaque. Jich me ya xcux yo'tan te alum-aq'uinal te jayeb c'aal ma ba la xcux yo'tane.

Jeremías 7:28

Albeya: “Ja' in nación to ma xch'uunbonic jc'op jo'on te Ajwalilon te Dioson yu'une, ni ma sc'anic tojtesel. Te stojil yutsil yo'tanique ch'ay c'axel ta yeic ta jyalel”, uta me —xi' te Cajwaltique.

Proverbios 19:20

At'elina yaiyel stojol te p'ijubtesel soc ch'uuna te tojtesele; jich me p'ij ya xc'oat.

Oseas 2:5

Te sme'e la sboltes sba ta mulwej; q'uexlaltic sba te bit'il jich la yal: “Ya xba jle te mach'atic ya smulanone, te mach'atic ya yac'bon jwe'el soc ja', soc te ya jta a te stsotsil chij soc lino, te aceite soc te bila ya cuch' yu'un te jwe'ele”, te xie.