Jeremías 6:7 - Bible in Tzeltal de Oxchuc y Tenejapa

⁷ Ta Jerusalén tey ya xloc' tel a te bila amene, jich bit'il jun pozo te ya xloc' tel a te ja'e. Ma'yuc bila yan te ay ta aiyel stojol tey a, ja' nax uts'inel soc elec'; ma'yuc yan bila ya quil, ja' nax chamel soc ejch'en.

Bible in Tzeltal Bachajón

⁷ Hich te bin ut'il spisil ora ya xloc' ya'lel te sloq'uib-ha', hich spisil ora ya xloc' schopolil; ya x'a'iybot sc'oblal uts'inel soc jinel tey a, spisil ora ay ta jtojol chamel soc ehchen.

Jeremías 6:7 Referans Kwoze

Ezequiel 7:23

“Pasa jun cadena, melel te lumq'uinal nojel ta mulil swenta smalel ch'ich', te lume nojel ta j'uts'inwanejetic.

Ezequiel 7:11

Te uts'inele chicnajemix, soc esmajemix yu'un te bila amene. Pero ma me ayuc bila ya xju' yu'un spasel soc te sc'ulejale, soc te bayal awetic yu'une. Ma'yuquix bila ay sc'oplal tey a.

Jeremías 20:8

Melel spisil ora te c'alal ya xc'opojone, ya calulay te ya xtal bayal wocol soc jinel. Spisil ora ya yixtac'optayonic soc ya slabanonic, ja' yu'un te ya cal loq'uel te ac'ope.

Isaías 57:20

Ja'uc me to, te mach'a amenique jich c'oemic te bit'il mar te xtal xbajt'e, te ma xju' ya scom sba, te ya xch'oj loq'uel ajch'al soc c'a'pal te sbule.

Ezequiel 24:7

Te lume nojel ta malbil ch'ich'. Te ch'ich'e, ma ba malem ta lum swenta yu'un ya xmucot ta ts'ubil lum, ja' malbil ta sba ton.

Proverbios 4:23

Ja'uc me tulan sc'oplal ta awo'tan te ya acanantay ta balumilal te ajol soc te awo'tane, melel tey me ya xtal a te acuxlejale.

Isaías 59:6

Te sna ametic ma xju' ta pasel c'u'iletic a; ma'yuc mach'a ya sc'u'inbey te bila ya sjalic. Spisil te yat'elique ma lecuc ta jyalel, te yat'el sc'abique, swenta uts'inwanej.

Jeremías 30:12

Te Cajwaltic jich ya yal: —Te awejch'en ma'yuc ta poxtayel, te bila amen apasoj, ma'yuc xpoxil.

Jeremías 30:13

Ma me ayuc mach'a ya xc'opoj yo'tan ta atojol; ma'yuc mach'a ya xpoxtaybat awejch'en, ma xju'at ta poxtayel.

Jeremías 32:31

Ja' in jpam lum to, c'alal jajch' ta pasel, ja' to c'alal ora yo'tic, ja' nax yacalic ta spasel te ya sjachbon quilimba soc te ya yac' xc'ajc'ubone. Jich yu'un ya cac' ch'ayuc ta jc'axel,

Ezequiel 45:9

“Jo'on Ajwalilon te jich ya cale: ¡Ajwaliletic yu'un Israel, tic'aniquix a! Ijq'uitayaiquix te abolilic, soc te aweleq'uique. Toj x'at'ejex, ja' xapasic te bila yich'oj swentaile. Ma xawelc'anbeyiquix sq'uinalic te lum cu'une. Jo'on Ajwalilon te jich caloje.

Isaías 1:6

Jajch'em ta awacan c'alal ta ajol, ma'yuc bay xujt'uc lec tey a; ta scojt'ol abaq'uetal ay ta ejch'en, sijt'emiquix, jamajtiquix ta c'a'el. Ma'yuc mach'a xpoxtayej, ni ma'yuc mach'a spotsojbat, ma'yuc mach'a la slamantesbeyex xc'uxul ta aceite.

Jeremías 8:22

¿Ma bal ayuc jtebuc poxil ta Galaad? ¿Ma bal ayuc mach'a ya xpoxtaywan tey a? ¿Bi yu'un ma xcol te jlumale?

Jeremías 30:15

¿Bistuc ya x'ajc'anajat yu'un te awejch'ene? Te xc'uxule ma'yuc xpoxil. Ta scaj bayal te bila amen apasoj soc te ma x'ajtabaj te muliletic awu'une, ja' yu'un jich la jpasbat.

Ezequiel 21:29

Te bila ya yil ta sc'opique, lotil me, soc te bila yac ta yalel sc'oplale, puro lotil stuquel. Te puñal ya me xyal ta snuq'uic te bol j'uts'inwanejetique. Nopolix ya sta yorail te slajibal castigo ta stojolique.

Sofonías 3:1

¡Ya me awil awocol, lum Jerusalén, te toybaate, bolobenat soc j'uts'inwanejat!