Jeremías 6:6 - Bible in Tzeltal de Oxchuc y Tenejapa

⁶ Te Cajwaltic te Spisil ya xju' yu'une, ja' la yalix mandal: —Bojaic tel te'etic, but'aic moel lum ta spat sts'ajc'ul ta swenta yac'beyel guerra te Jerusalén. Te lume ya x'ilbotix swocol ta castigo, melel nojel uts'inel tey a.

Bible in Tzeltal Bachajón

⁶ Hich la yal te Jehová te scuentahinej spisil: Ts'etahic te'etic, busanahic mohel lum ta spat ts'ahc ta scontrahinel te Jerusalén. Te muc'ul pueblo ini ya sc'an ya x'a'bot castigo, como nojel ta uts'inel.

Jeremías 6:6 Referans Kwoze

Jeremías 32:24

“Ta ora yo'tic, te caldeoetic sbut'ojiquix moel lum ta bay sts'ajc'ul te lum ta swenta yac'beyel guerra. Ja' ya x'ochic ta sc'abic a te scontrotac, yu'un guerra, wi'nal soc chamel. Cajwal, ya awilix te ya xc'otix ta pasel te bit'il awalojbonix sc'oplal a.

San Lucas 19:43

Yu'un ya me sta sc'aalelal te ya xtal te awajcontroe. Ya me sjoytayat soc spamal te alumale. Ya me xtal yaiy tulan guerra. Ya me sle bi ya yut ya yochintaybat te alumale.

Isaías 37:33

“Jich ay sc'oplal yu'un Cajwaltic te muc' ajwalil yu'un Asiria: “Ma xju' ya x'och ta Jerusalén, ma xju' ya st'imuy ta stojol ni junuc yat'ejibal st'im, ma xju' ya yac'bey guerra soc smajq'uilic, ma xju' ya sbut'beyic moel lum swenta smoibal sts'ajc'ule.

Jeremías 22:17

“Ja'uc me to, te ja'ate ja' nax baem ta awo'tan sleel taq'uin ta sbic'tal awo'tan. Ya awac' lajuc te mach'a ma'yuc smule; soc ya aten ta uts'inel soc ya awac' c'axuc swocol te alumale —xi' te Cajwaltique.

Jeremías 32:31

Ja' in jpam lum to, c'alal jajch' ta pasel, ja' to c'alal ora yo'tic, ja' nax yacalic ta spasel te ya sjachbon quilimba soc te ya yac' xc'ajc'ubone. Jich yu'un ya cac' ch'ayuc ta jc'axel,

Jeremías 33:4

Jo'on Ajwalilon, te Dioson yu'un Israel, ay me jc'op ya cal yu'un te nanatic ta Jerusalén soc te nanatic yu'un muc' ajwaliletic ta Judá te ya yich'ic tijel coel. Te yacuc xloq'uex bael ta guerra soc puñal ta stojol te caldeoetic, te yacalic ta sbut'el moel te ts'ajc' ta swenta yac'bel guerra te lume, ja' nax me ya xtuun te ya xnoj ta nanatic yu'un te sbaq'uetalic te ya xlaje. Jo'on, te xiweltic sba quilimba, ya cac' ta lajel, melel la jq'uejix bael sit ta stojol te lum ta scaj te spasojic bayal te bila amene.

Ezequiel 4:2

Ta sjoyobal pasbeya sloc'ombail soldadoetic tey a, soc at'ejibaletic yu'un guerra. Busanbeya lum ta sjoyobal te banti ya snac' sba te scontroe, soc busanbeya smoibalul ta spat te sjoyob ts'ajc'ul te lume, swenta yu'un jich me ta ilel te bit'il lum te yich'oj joytayel yu'un scontroe.

Ezequiel 5:5

“Jo'on Ajwalilon te jich ya cale te ja' sc'oplal Jerusalén. Jo'on la cac' ta yolil te yantic lumetic te ayic ta sjoyobale.

Daniel 11:15

Te muc' ajwalil ta norte ya me xtal, ya me sbut'bey jajch'el lum ta sjoyob ts'ajc'ul te lume, ya me x'och ta sc'ab. Ni ja'uc c'an ju'uc yu'un smacbelic te buen tulan soldadoetic ta sur te sbeel te scontro-soldadoetique.

Sofonías 3:1

¡Ya me awil awocol, lum Jerusalén, te toybaate, bolobenat soc j'uts'inwanejat!

Jeremías 5:9

¿Ma bal yacuc cac'bey castigo yu'un? ¿Ma bal yacuc cac'bey stoj te lum te jich ya spase?

Jeremías 5:29

¿Ma bal yacuc cac'bey castigo yu'un? ¿Ma bal jichuc ya sc'an ac'beyel castigo te ants-winiquetic te jich ya spasique? Jo'on Ajwalilon te jich ya cale.

Jeremías 20:8

Melel spisil ora te c'alal ya xc'opojone, ya calulay te ya xtal bayal wocol soc jinel. Spisil ora ya yixtac'optayonic soc ya slabanonic, ja' yu'un te ya cal loq'uel te ac'ope.

Jeremías 39:1

Ta slajunebal u yu'un a te sbalunebal ja'wil yat'el ta ajwalil te Sedequías ta Judá, te Nabucodonosor muc' ajwalil yu'un Babilonia been tel spisil soc te soldadoetic yu'une, tal yac'bey guerra te Jerusalén, la sjoytayic ta jyalel.