Jeremías 6:4 - Bible in Tzeltal de Oxchuc y Tenejapa

⁴ Te scontrotaque jich ya yalic: —Chajbana abaic ta yaq'uel guerra soc te lume; la'ic, ya cac'beytic guerra ta olil c'aal. Ja'uc me to, obol jbatic, malelix c'aal, te caxinaltic ya xnajt'ubiquix.

Bible in Tzeltal Bachajón

⁴ ¡Chahpana guerra ta stojol! ¡Hahchanic, ochucotic ta ohlil c'ahc'al! Pero obol jbahtic, mahlelix c'ahc'al, muq'uix bahel te axinale.

Jeremías 6:4 Referans Kwoze

Jeremías 15:8

C'axem to xan me'ba antsetic la quijq'uitay a, te jich yipal te bit'il sji'al mar. Ta mero olil c'aal a te la cac' tel lajel ta stojol te me'iletic soc te yalataque; ora nax la cac' tel mel-o'tan soc xiwel ta stojolic.

Sofonías 2:4

Te lum Gaza, jochol taquin q'uinal ya xjil; te Ascalón, jochol ya xjil. Ta c'aaleltic ya yich' ch'ojel loq'uel te mach'atic nainemic ta Asdod; te mach'atic ayic ta Ecrón ya me yich'ic bulel c'oem.

Joel 3:9

Albeyaic te nacionetic, albeyaic ta jamal te ya xjajch'ix te ch'ul guerra. Ic'aic tel te mach'atic ma xiwique; ac'a taluc, ac'a ju'uc yu'unic te guerrae.

Jeremías 8:20

C'axix te yorail verano, lajix ta loq'uel sit te awalts'unubile, ma'yuc bay chicnaj tel jcoltayeltic a.

Jeremías 5:10

Ac'a ochuc tel te scontrotaque soc ac'a slajinbeyic te sts'usubilique, manchuc me ma spisiluc ya sjinbey ta jyalel. Ac'a sjecbeyic te sc'abc'abe, melel ma ja'uquix te ts'usubiltic cu'une.

Cantares 2:17

Ma to ba staoj te sc'aalelale, soc te ya x'an bael te axinale, ja'at te bayal c'uxat ta co'tane, la', sujt'an tel. Jich me xtalat te bit'il ja'mal chije, jich me xtalat te bit'il ch'in chij ta sba te chujc'ul witstiquile.

Jeremías 6:23

Chapalic soc te st'imic soc slanzaic; c'ax amen yo'tanic, ma xc'uxtaywanic; te yawique, jich bit'il ya x'awun yip mar, soc cajajtic ta caballo ya xtalic. Chapaliquix ta swenta yac'beyel guerra te Sión —xi'.

Jeremías 15:9

Te me'iletic bayal yalatac ya xcom q'uinal yaiyic, ma xyich'iquix ic'; ya xq'uexawic soc ya xpejc'ajic, te xojobil c'aal ya sujtp'ej ta ijc' q'uinal ta stojolic. Teme ay to mach'a cuxul ya xjilique ya me cac' milotuc yu'un te scontroique. Jo'on Ajwalilon, ya cal te jc'ope —xi'.

Abdías 1:1

Te bila ac'bot yil Abdías yu'un te Cajwaltique ta swenta sc'oplal Edom: Ay caiyojtic stojol sc'op Cajwaltic, ja' te c'op te bajt' ta albeyel te nacionetic te jich albotique: —Jajch'ucotic ta beel, conic cac'beytic guerra Edom —xi'.

Job 7:2

ja' pajal xcuxlejal soc te jtul manbil abat te ya sjic' yo'tan ta axinal, soc jich te bit'il jtul j'at'el te yo'tanuc yich'ojix te stojole.

Miqueas 3:5

Te lum cu'un jowejem ta be; ja' smul te j'alwanejetic te la slo'layique. Ya yalbeyic sc'oplal lamal q'uinal ta stojol te mach'atic ya x'ac'bot swe'elic yu'une; yan te mach'atic ma'yuc bi ya xnojesbot yeic yu'une, ya yalbeyic sc'oplal guerra. Te Cajwaltic ya yalbey te j'alwanejetic: