Jeremías 6:23 - Bible in Tzeltal de Oxchuc y Tenejapa

²³ Chapalic soc te st'imic soc slanzaic; c'ax amen yo'tanic, ma xc'uxtaywanic; te yawique, jich bit'il ya x'awun yip mar, soc cajajtic ta caballo ya xtalic. Chapaliquix ta swenta yac'beyel guerra te Sión —xi'.

Bible in Tzeltal Bachajón

²³ Chapalic soc st'ihmalte'ic soc slanzahic; ha j'uts'inwanejetic, mayuc xc'uxul yo'tanic. Te sc'opic hich ay te bin ut'il ya x'awon te mar, soc cajajtic ta cawu hich te bin ut'il winiquetic chapalic yu'un ya ya'bat guerra yantsil-nich'anat Sión, xchi.

Jeremías 6:23 Referans Kwoze

Isaías 13:18

Ta yat'ejibal st'imic ya slimanic ta lum te queremetique. Ma sna'beyic yo'bolil sbaic te mach'atic ayinelic toe, mero ma'yuc xc'uxul yo'tanic ta stojol te alaletique.

Jeremías 50:42

Chapal yat'ejibic, ja' te st'imic soc slanzaique; amen yo'tanic, ma'yuc xc'uxul yo'tanic. Te yawique, jich bit'il sc'op yip mar, soc cajajtic me ta caballo ya xtalic. Chapalic yu'un guerra ta stojol Babilonia.

Jeremías 30:14

Spisil te mach'atic yantsinejat c'oeme, ch'ayat meix ta yo'tanic, ma me xc'opojix yo'tanic ta atojol. Yu'un jo'on la quejch'entesat, jich c'oemon bit'il acontro. Tulan la cac'bat castigo ta scaj bayal te bila amen apasoj, ta scaj te ma x'ajtabaj te amule.

Jeremías 5:16

Spisil mach'a ay ta guerraetic tulan yo'tanic; te yat'ejibic, ja' me ya yalbey sc'oplal te lajele.

Jeremías 4:29

Ta swenta yawic te mach'atic moemic ta caballo soc te jt'imuywanejetique, spisil te lum ya xloq'uic bael ta animal ta anel. Ya snac' sbaic ta pimil q'uinal, o ya xmoic bael ta najt'il tontiquil. Spisil te lumetic ya xjojch'ajic jilel; ma'yuquix jtuluc yajwal ya xjil.

Jeremías 4:13

Ilawilic te contro yacalic ta noptsajel tel jichuc tocal, te scarretaic yu'un guerra, pajal soc yilel te mero tulan iq'ue, te caballoetic yu'unique, c'ax to jich ya xbeenic yu'un a te bit'il águilae. Obal jbatic, jo'otic te ch'ayemotique.

Isaías 19:4

Ja'uc me to, te Egipto ya me cac' ta sc'ab jtul yajwal te mero tulane, jtul muc' ajwalil te bayal sc'ajc'ale ya xjajch' mandalajuc ta stojolic —xi'. Jich ya yal ta jamal te Cajwaltic te Spisil ya xju' yu'une.

Deuteronomio 28:49

Te nación mero c'ubul ay ta atojol, ya me sticunbat tel ta atojol te Cajwaltique. Jich me ya xtal ta ora te bit'il tulan ya xwil tel te águilae, jun nación te ma x'ana'bey sc'ope.

Isaías 10:32

Ta yo'tic nix ya xquejch'aj sbeelic ta Nob te soldadoetic te yacalic ta yochintayel te q'uinale; yu'un ya spasbey seña ta sc'ab te ya xba yac'beyic guerra te wits Sión, te wits yu'un te Jerusalene.

Isaías 17:12

Aiybeya awaiyic yaw te bayal ta jchajp lumetique, jich me sc'opic te bit'il ya xbulan mar. Ja' yawic te ya xnoptsajic te nacionetique, jich bit'il ya xbulan te ja'etic te bayal yip ya xbeenique.

Jeremías 6:4

Te scontrotaque jich ya yalic: —Chajbana abaic ta yaq'uel guerra soc te lume; la'ic, ya cac'beytic guerra ta olil c'aal. Ja'uc me to, obol jbatic, malelix c'aal, te caxinaltic ya xnajt'ubiquix.

Jeremías 25:9

ya quic' tel spisil te lumetic ta norte, soc te cabat Nabucodonosor te muc' ajwalil yu'un Babilonia, swenta yu'un ya me xtal yac'beyic guerra in lum to, soc ta spisil te yajwale, soc ta spisil te nacionetic te ayic ta sts'eele. Ya me jin ta jc'axel. Ya me jc'atp'un ta jinem ts'ajq'uetic te ya yac' xiwel soc nijq'uel.

Ezequiel 21:31

Ya me jt'omes bael quilimba ta atojol, jich me te bit'il tulan tocal mero xiweltic sbae. Ya me cac'at ta sc'ab te mach'atic mero j'uts'inwanejetic te jc'axel ya xlajinwanique.

Jeremías 4:16

“Jultesbeya yo'tanic te nacionetic soc Jerusalén te ay lum, c'ubul ay, te banti ya xtal te controetique; ya stoyesic yawic yu'un guerra ta yilbeyel yo'tanic te lumetic yu'un Judá.

Jeremías 8:16

Talix te jcontrotique, chicanix tel c'alal Dan te xjorlajan nax sni'ic te scaballoique. C'alal x'ilajanic, ya me xnijc' spisil te lumq'uinale. Ya me xtal sjinic te jlumaltic soc spisil te jc'ulejaltic, te lumetic soc te mach'atic nainemic tey a —xiic.

Jeremías 25:32

Te Cajwaltic te Spisil ya xju' yu'une, jich ya yal: —Te tulan woclajel ya xjulix tel ta stojol jujun nación; xiweltic sba jichuc tulan yic'al ja'al ya xjajch' c'alal ta sti'il te balumilale —xi'.

Jeremías 50:41

“C'alal to ta c'ubul q'uinal ta norte, ya xchajban sba tel jun nación te ay yipe, soc bayal muc' ajwaliletic yu'un.