Jeremías 6:16 - Bible in Tzeltal de Oxchuc y Tenejapa

¹⁶ Te Cajwaltic jich ya yalbey te lum yu'une: —Tejc'ana abaic ta bebetic soc ilawilic, jojc'oic te namey biq'uit beetique, ja' te banti lec xan te be; t'unaic bael, tey me ya acux awo'tanic a —xi'. Ja'uc me to jich la yalic: —Ma jc'an jt'untic bael —xiic.

Bible in Tzeltal Bachajón

¹⁶ Hich la yal te Jehová: Tehc'ana abahic ta behbetic soc ilawilic, joc'oyahic te namey behetic, ha te banti ay te lequil be. Tey me ya xbehenex a, hich ya sta cux-o'tanil a te ach'uhlelic, xchi. Pero hich la yalic: Ma ba ya xbehenotic tey a, xchihic.

Jeremías 6:16 Referans Kwoze

Isaías 30:21

Teme ya xjowejat bael ta wa'el o ta q'uexen, ya me awaiy c'op ta apat, jich me ya yalbat: “Tey ay te be, beenanic”, xi' me.

Jeremías 18:15

Ja'uc me to, te lum cu'une ch'ayon ta yo'tanic, soc ya yac'bey pom te lotil diosetique. Jowejemic ta be, ja' te antiguo be, soc ja' st'unojic chujc'ul be te ma sna'beyic sbae.

Deuteronomio 32:7

Suta asit ta apat, na'a awaiy te c'aal c'axixe. Jojc'obeya te atate, ac'a yalbat awaiy, jojc'obeya te mamaletic, ya xju' ya yalbat awaiy:

Jeremías 7:23

Te bila mandal la calbey, ja' te ya xch'uunbonic te jc'ope, melel jo'on te Dioson yu'unic ya xc'oone, soc ja'ic te lum cu'une. La calbey te tojuc ya yac' sbaic jich bit'il la jpas ta mandal, swenta yu'un lecuc me ya xc'otic ta loq'uel a.

Colosenses 2:6

Jich yu'un, te bit'il la ach'uuniquix te Cajwaltic Jesucristoe, ya sc'an te jich ya xcuxinex ta stojole.

Isaías 2:5

Ya xbootic, lum yu'un Jacob, beenucotic ta saquil q'uinal yu'un te Cajwaltique.

San Juan 12:35

Te Jesús jich la yalbey yaiyic: —Ma ba jalix c'aal te ay saquil q'uinal ta atojolic. Jich yu'un ac'a me puersa te ya xbeenex ta bay te saquil q'uinal, swenta yu'un ma me ch'ayemuc atsaic ya staex te ijc' q'uinale. Melel te mach'a ya xbeen ta ijc' q'uinale, ma sna' te banti beil ya xbajt'e.

Jeremías 18:12

Ya me yalic ta atojol: “Ma xach'ay c'aal a te ja'ate. Ja' nix lec jich ya x'ainotic te bit'il ya smulan te co'tantique, soc ya jpastic bael soc stulanil co'tantic te bila amene”, xiic me ta atojol —xi'.

Jeremías 22:21

La jc'oponat jo'on ta yorail te yacat ta esmajel a; ja'uc me to, ma la awaiybon stojol jc'op.

Jeremías 44:16

—Ma xquich'tic ta muc' te c'op la awich'botic tel ta swenta te Cajwaltique.

Hebreos 11:2

Te namey q'uinal me'il-tatiletic cu'untique lec yo'tan Dios yu'unic ta swenta bit'il ay te xch'uunjel yo'tanique.

San Juan 13:17

Teme c'ot ta awo'tanique, bin nax me awutsil teme jich ya apasique.

Malaquías 4:4

“Na'aic me te mandalil te la cac'bey te cabat Moisés ta wits Horeb. Ja'ic te mandaliletic, te spisil Israel ya me sc'an xch'uunic spasel.

Hebreos 6:12

Ma jc'antic te ya xch'ajubexe. Ja' ya jc'antic te ya anopbeyic yo'tan te mach'atic ay xch'uunjel yo'tanique soc te jun yo'tanic yacalic ta smaliyel te bila ya x'ac'bot ta swentaic te yaloj te Diose.

Isaías 8:20

swenta yu'un ya x'ac'botic sna'ic te bila ya yal —xiic me. Jich nix ya yalbeyex a, pero te bila ya yalique puro jowil c'op.

San Lucas 16:29

“La yalbey te Abrahame: “Yich'ojbeyic sjun te Moisese soc sjun te j'alwanejetic yu'un te Diose. Ja' ac'a yaiyic stojol te bila ya yale”, xi'.

Isaías 28:12

Ja' stuquel te la yalbey yaiyic ta neelale: —Tey ay te lamal q'uinale, tey ay te cux-o'tanile; ac'a xcux yo'tan yu'un te jasjonele —xi'. Pero ma la sc'an yich'ic ta muc'.

San Juan 5:39

Ya anopilayic ta sp'alap'al te bila ts'ibubil jilel ta Sjune, yu'un ya awalic te tey la ataiquix a te bit'il ya xcuxinex sbajt'el q'uinale, soc ja' ya yalbon jc'oplal,

Hechos 17:11

Te judioetic te ayic ta bay lum Berea, ay razon ta yo'tanic stuquelic. Ma jichuc yo'tanic te bit'il yo'tanic te mach'atic ayic ta bay te lum Tesalonicae. Toyol yo'tanic la yaiyic stojol te bila albot yaiyic yu'un te Pabloe. Jujun c'aal la sle yilic ta Sjun Dios teme melel te bila yacalic ta yaiyel stojole.

Romanos 4:12

Te Abraham, ja' tatil yu'un uuc spisil te mach'atic yich'ojic te circuncisione, teme ay xch'uunjel yo'tanique, jich bit'il ayix xch'uunjel yo'tan a te Abrahame te c'alal ma to yich'ojuc a te circuncisione.

Jeremías 2:25

“Israel, ma me x'alajin awacan soc ma me xawac' xtaquinaj anuc' yu'un snutsel yantic diosetic. Pero ya awal: “Ma'uc. Ma xju' ya sujt'on ta jpat. Mero ya jmulan te yantic diosetic; ya to me jle xan”, xaat.

1 Reyes 8:36

aiybeya me sc'opic c'alal ta ch'ulchan, pasbeya perdón te smulic te abatetic awu'un, ja' te lum Israele. Ac'beya yil te buen lequil be te ay ta swentaic st'unele. Ticunbeya tel te ja'al li' ta lumq'uinal te la awac'bey yu'unin te lum awu'une.

Salmos 116:7

Ta ora yo'tic lamalix co'tan ya caiy, melel te Cajwaltic mero lec yo'tan ta jtojol.

Jeremías 12:16

Ta smelelil la sp'ijubtesic te lum cu'un ta yalel sbiil te Baal. Pero ta ora yo'tic ya xju' xnajc'ajic ta yolil te lum cu'une, teme ya xch'uun yo'tanic ta melel te bi xch'uunejic te lum cu'une, soc teme ya stabonic ta alel te jbiile: “Cuxul te Cajwaltic”, teme xiique.

Jeremías 31:21

“Israel, ac'beya señail te be, swenta yu'un ma ba wocol ya ata ta yan buelta; p'ijan me yu'un te be bay beenemate. Sujt'an tel lum Israel, sujt'an tel tey a ta bay lumetic awu'une.

Jeremías 42:3

Albotic wocol a te Cajwaltic Dios, ac'a stojtesotic te bit'il ya sc'an ya x'ainotique, soc te bila ya sc'an ya jpastique —xiic.

Jeremías 50:5

Ya me sjojc'oyic bael te sbelal Sión, tey me ya xbajt'ic a. Jich me ya yalic bael: “La'ic ta bay Cajwaltic, jun nax ya cac' jbatic soc, ya jpastic jun trato sbajt'el q'uinal te mero ma xch'ay ta o'tanile”, xiic me.

Jueces 2:17

Ja'uc me to, te israeletic ma la yich'ic ta muc' te juecetique. Jc'axel chebaj yo'tanic ta stojol Cajwaltic, la xch'uunic loc'ombaetic te scuyojic ta diosetique. Te antiguo sme'-static la xch'uunbeyic te mandaliletic yu'un Cajwaltic; yan stuquelic ma ja'uc la snopbeyic te yo'tanique.

2 Crónicas 19:11

Te muc'ul sacerdote Amarías, ja' me cajal sc'oplal ta atojolic ta swenta te bit'il ay ta ch'uunel te Diose. Yan te Zebadías, te snich'an Ismael, te jtsobwanej yu'un sts'umbal Judá, ja' me ay ta swenta te bitic ay yu'un te nacione. Te levitaetic ja' me ya scoltayex ta spasel. Pasaic me tulan jiche, at'ejanic me. Melel te Cajwaltic sjoinej me te mach'a ya spas ta lec te yat'ele —xi' te muc' ajwalile.

Isaías 46:9

na'aic me te bitic c'oemic ta pasel ta namey q'uinale. Jo'on nax Dioson, ma'yuc yan; Dioson jtuquel, ma'yuc yan pajalon soc.

Isaías 57:2

jich ya x'ochic ta lamal q'uinal. Ja' la st'unic te toj be, ja' yu'un ta ora yo'tic, jun yo'tan ya xcux yo'tanic ta smuquenalic.

Jeremías 7:3

Jo'on te Spisil ya xju' cu'une, te Dioson awu'unic, jich ya calbeyex ja'ex te Israelexe: Lectesaic te acuxlejalic soc te awat'elique, jich me ya cac' ya xcuxinex bael ta bay in q'uinal to.

Jeremías 7:24

Ja'uc me to, ma la xch'uunbonic, ni ma la yich'bonic ta muc'; q'uejel la yac' sbaic ta nitel bael yu'un te stoybail yo'tanique. Sc'oplal te sujt'ic tel ta jtojole; ja'uc me to, ja' la yac'bonic tel te spatique.