Jeremías 6:13 - Bible in Tzeltal de Oxchuc y Tenejapa

¹³ “Spisilic, muc'-biq'uitetic, ja' nax ya snop yo'tanic te staq'uinic ya xwejt' ta bic'tal-o'tanil; j'alwanejetic soc sacerdoteetic, spisilic jlo'laywanejetic.

Bible in Tzeltal Bachajón

¹³ Spisilic, muc' biq'uitetic, ya xbic'taj yo'tanic yu'un stahel taq'uin; jalwanejetic soc sacerdotehetic, spisilic jlo'loywanejetic.

Jeremías 6:13 Referans Kwoze

Jeremías 23:11

Te Cajwaltic jich ya yal: —Te j'alwanejetic soc te sacerdoteetic ma tojuc yo'tanic, ta templo cu'un yacalic ta spasel te bila amen la jta tey a.

Jeremías 8:10

Jich yu'un, te yinamic ya me cac' ta sc'ab yan winiquetic, soc yan yajwalic ya xc'ot te sq'uinalique. Melel ta spisilic, muc'-biq'uit, ja' nax baem yo'tanic ganar ta lo'laywanej; jich nix te j'alwanejetic soc te sacerdoteetic, spisilic ya yaiyic lo'laywanej.

Miqueas 3:11

Te juecetic ta lum ya xchajbanwanic soc taq'uin; te sacerdoteetic ja' nax ya xp'ijubteswanic yu'un taq'uin; soc te j'alwanejetic ya xchonic te bila ya yalbeyic sc'oplale. Yacal ta yalel te jich nix yo'tan te Cajwaltic, jich ya yalic: —Te Cajwaltic sjoinejotic; mero ma'yuc bila amen ya xtal ta jtojoltic —xiic ta yalel.

Jeremías 22:17

“Ja'uc me to, te ja'ate ja' nax baem ta awo'tan sleel taq'uin ta sbic'tal awo'tan. Ya awac' lajuc te mach'a ma'yuc smule; soc ya aten ta uts'inel soc ya awac' c'axuc swocol te alumale —xi' te Cajwaltique.

Miqueas 3:5

Te lum cu'un jowejem ta be; ja' smul te j'alwanejetic te la slo'layique. Ya yalbeyic sc'oplal lamal q'uinal ta stojol te mach'atic ya x'ac'bot swe'elic yu'une; yan te mach'atic ma'yuc bi ya xnojesbot yeic yu'une, ya yalbeyic sc'oplal guerra. Te Cajwaltic ya yalbey te j'alwanejetic:

Jeremías 14:18

Ya xloc'on bael ta aquiltic, ya quilbey te sbaq'uetalic lajem te mach'atic lajic ta guerra; ya x'ochon bael ta lum, ya quil te ants-winiquetic te yacalic ta lajel ta wi'nale. Ja' nix jich te j'alwanejetic soc te sacerdoteetic, ya xbajt'ic ta yan lum te ma xyilique”, uta me —xi' te Cajwaltique.

Jeremías 5:31

Te bila ya yalbey sc'oplal te j'alwanejetic ta sc'opique, lotil; te sacerdoteetic ja' ya yaq'uic ta pasel te bila ya smulanique. ¡Te lum cu'une jich nix ya sc'anic! Ja'uc me to, “¿bi ya apasic ja'ex c'alal ya xc'ot te slajibal c'aale?” uta me —xi' te Cajwaltique.

Isaías 57:17

Ta scaj smul te lum Israel te ay ilinon yu'une; la cac'bey castigo, soc la jq'uej bael sit ta stojol. Ja'uc me to, jajch' stoy sbaic yu'un, ja' ic'otic bael yu'un te yixtaelique.

2 Pedro 2:3

Scaj sbic'tal yo'tanic yu'un taq'uin te ya slo'layex ta swenta slotil-c'opic te ya yaq'uic ta nopele. Ja'uc me to, namey chapal sc'oplalic te ya yich'ic castigo yu'un. Ma xju' ya scoltay sbaic te ya xbajt'ic ta lajel.

1 Timoteo 3:3

Ma me xyaiy yacubel, ma me c'aemuc ta xjajch'esel c'op, ya sc'an te ay yutsil yo'tane, te lamal yo'tane, soc te ma xbic'taj yo'tan yu'un te taq'uine.

San Lucas 16:14

Te fariseoetique bic'tajem nax yo'tanic yu'un te staq'uinique, jich yu'un te c'alal la yaiyic stojol te bila la yal te Jesuse jajch' slabanic yu'un.

Ezequiel 33:31

Jich ya xtalic te lum cu'une, ya sep sbaic ta naclej ta atojol, jich nix te bit'il ya spasulayique, yu'un ja' ya yaiyic te bila ya awale, pero ma ba ya xch'uunic spasel bael. Ya smulanic sjaq'uel, jich ta yo'tanic te bit'il sjaq'uel c'ayoj swenta nax sbujts'-o'tanil, pero ja' nax ay ta yo'tanic te taq'uine.

Ezequiel 22:12

Te alumale ay ya xchon sbaic yu'un ya smilic yantic. Ya sc'anbey sjol staq'uin te c'alal ya yac' ta majanele, ya slo'lay ta sc'ajc'al te spat-xujq'ue, ya xch'ayon ta yo'tanic. Jo'on Ajwalilon te jich caloje.

Lamentaciones 4:13

Melel ta scaj spisil smul te j'alwanejetic yu'une, soc te bila amen la spasic te sacerdoteetic, te tey nix ta yolilal lum la smalbeyic xch'ich'el te mach'atic ma'yuc smule.

Jeremías 32:32

ta swenta spisil smulic staojic ta jtojol, ta scaj sbolil yat'elic te lum Israel soc te lum ta Judá. Jich nix te muc' ajwaliletic, te jtsobwanejetic, te sacerdoteetic, te j'alwanejetic yu'unique, soc spisil te ants-winiquetic Judá soc Jerusalén.

Jeremías 2:26

“Jich bit'il ya xq'uexaw elec' te c'alal ya xchicnaje, jich me ya xjil ta q'uexlal Israel, ja' te lum, te muc' ajwaliletic, te jtsobwanejetic, te sacerdoteetic soc te j'alwanejetique.

Jeremías 2:8

Te sacerdoteetic ma la sleonic, te jp'ijubteswanejetic yu'un te lum cu'une, ma la yich'onic ta muc', te jtsobwanejetic la stoy sbaic ta jtojol, te j'alwanejetic ja' c'opojic ta swenta Baal soc bajt'ic ta stojol te loc'ombaetic te ma xtuunic ta jyalele.

Isaías 28:7

Ay yantic sts'eunaj ta beel yu'un te vino soc ya xchuc sba yacan yu'un te tulan uch'balil, ja' te sacerdoteetic soc te j'alwanejetique, ya spasic ts'eunajel ta scaj te tulan uch'balil. Ya xbolobic yu'un te vinoe; ma xtojob ta beel yu'un te tulan uch'balil. Mero sts'eunajic a te c'alal ay bila ya x'ac'bot yilique, ayic ta yacubel te c'alal ya yaiyic chajbanwaneje.

2 Pedro 2:1

Ja'uc me to, namey q'uinal ay lotil j'alwanejetic ta yolil te lum Israele. Ja' nanix jich ya me xchicnaj lotil maestroetic ta awolilic uuc. Muquen me ya yaq'uic ta nopel yan c'op te ya xjinawane. Ma ja'uc ya yaq'uic ta ich'el ta muc' te Cajwaltic te la stojbey scolelique. Jich me ora ya yich'ic jinel stuquelic.

Jeremías 2:29

¿Bi ya xju' ya awalbonic ta jtojol te ja'exe, te melel apisilic la atoy abaic? Jo'on Ajwalilon, jich ya cal.

Jeremías 17:11

Te mach'a ma stojiluc ya sta sc'ulejale; jich c'oem te bit'il perdiz te yan tomut ya sluts'e. Manchuc me yich'oj to yip, puersa me ya yijq'uitay jilel te sc'ulejale; soc ta slajibal ja' nax me bol ya xc'ot ta loq'uel.

Jeremías 27:15

Te Cajwaltic tulan ya yal te ma ja'uc la sticun tele; tojol c'opetic nax ya yalic ta swenta te Cajwaltique. Jich me ya slajinex spuquel bael te Cajwaltique. Ya me xlajex ja'ex soc te j'alwanejetic te la yalbeyex te c'ope —xon.

Jeremías 42:1

Ta spisil capitán yu'un soldadoetic, soc tey ay a te Johanán snich'an Carea, te Azarías snich'an Osaías soc spisil lum, muc'-biq'uit, noptsajic tel

Jeremías 23:10

Te lume nojel ta yo'tanic mulwej; ja' te ants-winiquetic buen animal ya xbajt'ic ta spasel te bila amene, mero ya stuuntesic yip sbaq'uetalic ta spasel te bila ma stojiluque. Ja' swentail te la yut jilel Cajwaltic te q'uinale, jich a taquej te lumq'uinale, c'ajq'uem yilel a jil te aquiltic ta jochol taquin q'uinal.