Jeremías 6:12 - Bible in Tzeltal de Oxchuc y Tenejapa

¹² Te snaic, te sq'uinalic soc te yinamic ya me xc'axic ta swenta yantic. Melel ya me jtoy jajch'el jc'ab ta swenta yac'beyel castigo te mach'atic nainemic ta lume. Jo'on Ajwalilon te jich ya cale.

Bible in Tzeltal Bachajón

¹² Te snahic, sq'uinalic soc yihnamic ya x'ich'otic yu'un yantic, como ya me jach jc'ab ta stojol te mach'atic nahinemic ta q'uinal, xchi te Jehová.

Jeremías 6:12 Referans Kwoze

Jeremías 8:10

Jich yu'un, te yinamic ya me cac' ta sc'ab yan winiquetic, soc yan yajwalic ya xc'ot te sq'uinalique. Melel ta spisilic, muc'-biq'uit, ja' nax baem yo'tanic ganar ta lo'laywanej; jich nix te j'alwanejetic soc te sacerdoteetic, spisilic ya yaiyic lo'laywanej.

Isaías 5:25

Ja' swentail te ilin Cajwaltic ta stojol te lum yu'une, soc te la stoy sc'ab ta yac'beyel castigo. Te witstiquile nijq'uic; te mach'atic lajemique ch'ojbilic jilel ta calleetic, jich bit'il c'a'pal. Ja'uc me to, te yilimba Cajwaltic ma to bay lamajem; ya to me yac' sc'ab ta yaq'uel castigo.

Sofonías 1:13

Jich yu'un te sc'ulejal ya me yich' pojel loq'uel, soc te snaic ya me yich'ic jinel. Ya spas snaic, ja'uc me to, ma ba ya snainic; ya sts'unic ts'usubiletic, ja'uc me to, ma ba ya yuch'beyic ya'lel —xi'.

Lamentaciones 5:11

Ta Sión soc lumetic ta Judá, lajic ta uts'inel te antsetic soc ach'ixetic.

Lamentaciones 5:3

Ayotic ta me'ba, ma'yuc jtatic; te jme'tique, jilic ta me'ba ants.

Lamentaciones 3:3

Bayal buelta, ta spisil ora, ya xyal tel sc'ab ta jtojol.

Lamentaciones 2:8

Te Cajwaltic la snop te ya sjin coel te ts'ajq'uetic yu'un t'ujbil Sión. La xchajbanbey sc'oplal ta jinel, ma la xcux yo'tan ta sju'tesel. Te ts'ajq'uetic ta sjoyobal la yac'bey smel yo'tan; ta jun nax c'aal la sliman ta lum.

Jeremías 38:22

Spisilic te antsetic ya xjilic ta apalacio, ja'at te muc' ajwalilat yu'un Judá, ya me yich'ic loq'uesel bael, ya me x'ac'ot ta sc'abic te general soldadoetic yu'un te Babilonia, jich me ya yalic te antsetic awu'une: “Te mach'atic mero sjoy sba soc te muc' ajwalile la slo'layic soc la stsalic; la yaq'uic bic'otuc bael yu'un ajch'al te yacane, soc sujt'ic ta spatic”, xiic me te antsetique —xi' te Jeremiase.

Isaías 10:4

Teme ma x'awich'ic pejc'anel soc teme ma x'awich'ic chuquel baele, pajal ya xlajex bael soc te mach'atic ya yich'ic milele. Ja'uc me to, ma to xlamaj yilimba a te Cajwaltique; ya to xtoy xan bael ac'oplalic yu'un.

Isaías 9:21

Te Manasés ya sjin te Efraín, te Efraín ya sjin te Manasés; soc pajal ya xjajch'ic ta yilbeyel yo'tan te Judá. Ja'uc me to, ma to xlamaj yilimba a te Cajwaltique; ya to xtoy xan bael sc'oplalic yu'un.

Isaías 9:17

Jich yu'un te Cajwaltic ma ba la sna'bey yo'bolil sba te mach'atic ach'ix-queremetique, ni ma'yuc c'uxtayel ta stojol te me'ba alaletic soc te me'ba antsetique. Melel ta spisil te lum ma tojuc yo'tanic ta jyalel; ay mulil ta yo'tanic, spisil ya yalic ixta c'op. Ja'uc me to, ma to xlamaj yilimba a te Cajwaltique; ya to xtoy xan bael sc'oplalic yu'un.

Isaías 9:12

Ta sloq'uib c'aal tal te siriaetic, ta smalib c'aal tal te filisteoetique. Ta jun nax buelta la sbiq'uic te Israele. Ja'uc me to, ma to xlamaj yilimba a te Cajwaltique; ya to xtoy xan bael sc'oplalic yu'un te Cajwaltique.

1 Crónicas 21:16

C'alal la stoy sit te David, la yil ay ta yolil ch'ulchan te ch'ul abat yu'un te Cajwaltic, sloq'uesej ta sna te spuñal stsacoj ta sc'ab, ja' stojlinej bael te Jerusalén. Jich yu'un te David soc te mamaletic slapojic ch'ixal pac', la stinan sba coel c'alal ta lum.

Jeremías 7:20

Jich yu'un te jo'on Ajwalilon ya me cal ta smelelil te ya jloq'ues tel spisil te quilimba ta stojol in templo to soc ta stojol te ants-winiquetic, soc ta stojol te chambalametic, te te'etic ta q'uinal, soc te trigo. Jich me yilel te bit'il tojc'al te ma xtup'e —xi' te Cajwaltique.

Jeremías 15:6

Ja'at la awijq'uitayon ta awo'tan, sujt'at bael ta apat. Jo'on Ajwalilon, jich ya cal. Jich yu'un lubenonix ta maliybelex; jich la jtoy jc'ab ta swenta cac'belat castigo, soc la jinat.

Jeremías 21:5

Jo'onix jtuquel ya cac'beyex guerra te ja'exe; ya jloq'ues tel smuc'ul te cu'ele, soc yac me ta tilel c'oem te quilimba soc te smuc'ul sc'ajc'al co'tane.

Jeremías 38:23

Te Jeremías la yalbey xan te muc' ajwalile: —Spisil te antsetic awu'un soc te anich'nab ja'at muc' ajwalil, ya me x'ac'otic ta sc'ab te caldeoetique. Te ja'ate ma me xju' ya acoltay aba ta sc'abic; ya me x'ac'otat ta sc'ab te muc' ajwalil yu'un Babilonia, soc ya me xchiq'uic jilel te lume —xi'.

Ezequiel 35:3

albeya te ya xc'ot castigo ta stojole: “Jich ya yal te Cajwaltique: ‘Jo'on acontroon, wits Seir, ya calbat ta jamal, ya cac'bat castigo ta atojol; ya me jinat ta jc'axel, jochol taquin q'uinal me ya xjilat.

Miqueas 2:4

Jich me yorail te ya yich' c'ajintayel ta atojolic c'ayojetic swenta mel-o'tan. Jich me ya yalic: “Jc'axel la quich'tic jinel ta jyalel; te lum cu'untic, te ja' yu'un te Cajwaltic, la yich' jelel yajwal, ma'yuc mach'a ju' yu'un scomel; te jq'uinaltic la spucbeyix sbaic te jtsalwanejetic cu'untique”, xiic me —xi' te Cajwaltique.

Sofonías 1:4

—Ya me jtoy bael jc'ab ta scontroinel te lum Judá soc ta scontroinel spisil te mach'atic nainemic ta Jerusalén. Ya jch'ay ta jc'axel te lotil dios Baal, soc sbiilic te sacerdoteetic yu'une.

Lamentaciones 5:2

Spisil te bila ay cu'untique, ta ora yo'tic ay ta sc'ab jyanlumetic; te nanatic cu'untic, ja' yu'uninejiquix ta jc'axel.

Ezequiel 7:24

Ya me cac' taluc te mach'atic mero amen yo'tanique, ya xtalic ta pojbeyel te naetic yu'un te yajwal lume. Ya me cac' ch'ayuc te stoybail te mach'atic muq'uique. Ya me cac' bolobuc te ch'ul awilaletic yu'unique.