Jeremías 6:10 - Bible in Tzeltal de Oxchuc y Tenejapa

¹⁰ La cal te jo'one: —¿Mach'a me ya yaiybon jc'op, teme ya jc'opon, soc teme ya calbey yaiy in c'op to? Cajwal, smacoj xchiquinic, ma xju' ya yaiyic stojol; ya slabanic te ac'ope, ma'yuc yutsil yo'tanic yu'un.

Bible in Tzeltal Bachajón

¹⁰ ¿Mach'a ya jc'opon soc ya jtsits, yu'un ya ya'iy? Macal schiquinic, ma xhu' ya ya'iyic c'op. Ya xq'uexawic yu'un te sc'op Jehová, mayuc yutsil yo'tanic yu'un.

Jeremías 6:10 Referans Kwoze

Hechos 7:51

“Ja'uc me to, te ja'exe ma x'ac'anic tojobtesel. Te awo'tanique soc te achiquinique pajal c'oemic soc te mach'a ma sna'beyic sba te Diose. Apasojic ta contro spisil ora te Ch'ul Espiritue. Te bila la spasic te antiguo tatiletic cu'untique, ja' nanix jich ya apasic te ja'exe.

San Juan 7:7

Te mach'a ayic ta balumilal ma ba ya sp'ajex. Yan te jo'one ya sp'ajonic scaj te ya calbey ta jamal te amen te yat'elique.

Jeremías 7:26

Ja'uc me to, ma la ach'uunbonic jc'op, ni la awich'bonic ta muc', amen la awac' aba soc awo'tanic, c'ax jich te bit'il la yac' sbaic te antiguo ame'-atatique —xi'.

Hebreos 11:7

Ta swenta xch'uunjel yo'tan te Noé, ac'bot sna' yu'un te Dios te ya xc'ot ta pasel te bila ma to chicanuque. Jich jun yo'tan la xch'uun spasel barco te banti col soc sjunal sna. Jich yu'un ta swenta xch'uunjel yo'tan, la yac'bey ta ilel smulic te mach'atic ayic ta balumilale. Yan te Noé ta swenta nax xch'uunjel yo'tan te toj ilot yu'un te Diose.

Isaías 53:1

¿Mach'a ya xch'uun te bi caiyojtic stojole? ¿Mach'a yac'ojbey sna' stojol Cajwaltic te yu'ele?

Éxodo 6:12

Te Moisés la sjac'bey sc'op te Cajwaltique: —Te israeletic ma xyaiyboniquix stojol jc'op. ¿Ja'uc to bal c'an yaiybonix stojol jc'op a te faraone, te wocoltic ya xloc' te jc'ope? —xi'.

2 Timoteo 4:3

Melel ya me sta yorail te ma sc'an yaiyic stojol te lequil p'ijubtesele. Ta scaj sbic'tal yo'tanic ya xcaj stsobic p'ijubteswanejetic te ya yaq'uic ta nopel te bila mulanbil ta aiyel stojol yu'unique.

Colosenses 1:28

Te jo'otique ya jcholbeytic sc'oplal ta bayuc te Cristoe. Ya jtac'uytic soc ya jp'ijubtestic ta lec ta spisilic te ants-winiquetique, swenta jich me tojobenic ta stojol Cristo ya xc'otic.

Romanos 7:22

Ta mero yutil te co'tane, bin nax co'tan yu'un te mandalil yu'un te Diose.

Hechos 7:60

La squejan sba. Tulan awun: —Cajwal, ma me xawich' ta wenta in mulil to —xi'. Te c'alal jich la yal te Estebane, way sbaq'uetal.

San Juan 9:40

La yaiyic stojol cha'oxtul te fariseoetic te sjoinejic tey a. Jich la yalbeyic: —¿Yu'un bal ma'sitotic te jo'otique? —xiic.

San Lucas 20:19

Te jwolwanej-sacerdoteetic soc te jts'ibojometique, ora nax c'an stsaquic te Jesuse. Yu'un la sna'ic stojol te ja' sc'oplalic te seña-c'op la yal te Jesuse, ja'uc me to, la xi'ic te ants-winiquetique.

San Lucas 11:45

La sjac' tel jtul jts'ibojom: —Maestro, te bit'il jich la awale, jo'otic la aq'uexlaltesotic uuc —xi'.

San Mateo 3:7

Te Juane la yil te tsobol fariseoetic soc saduceoetic te talemic yu'un te ya yac' sbaic ta ich'ja'e. Jich la yalbey yaiyic: —Te ja'exe, ja' sts'umbalex c'oem te jti'awal chanetique. ¿Mach'a la yalbeyex awaiyic te ya xju' ya acoltay abaic loq'uel ta swenta te tulan castigo te nopol ayixe?

Amós 7:10

Te Amasías, sacerdote ta Betel, la sticunbey ta alel te Jeroboam muc' ajwalil yu'un Israel: “Te Amós yac ta beel ta yolil israeletic, yac ta xchapel sc'op ta scontroinbelat ja'at muc' ajwalil. Te lume ma xcujch' yu'un te sc'ope.

Ezequiel 33:9

Yan teme ba awalbey yaiy te mach'a amen yo'tan te yacuc sujt'es yo'tan yu'un te smule, teme ma ba la xch'uun spasele, ja' nix me ta swenta smul stuquel te ya xlaje. Yan te ja'ate ya me xcolat soc acuxlejal —xi'.

Ezequiel 33:3

Te c'alal ya yil te j'il-q'uinal te yac ta noptsajel tel ta slumal te soldadoetique, te ja' te scontroe, ya yoq'uesin yoq'ues, swenta yu'un ya yac'bey sna' a te slumale.

Jeremías 4:4

Ants-winiquetic ta Judá soc Jerusalén, ac'a abaic ta yich'el circuncisión soc na'bonic jba te Awajwalonique, ac'a ta awo'tanic te smarcail te tratoe. Ma me ta scajuc amen awat'elic te tey ya xtil jajch'el jichuc c'ajc' te quilimbae, ya me xtil te ma'yuc mach'a ya xju' yu'un stubele.

Salmos 119:174

Cajwal, ya jc'an te yacuc acoltayone. Bin nax co'tan ya caiy yu'un te p'ijubtesel awu'une.

Salmos 119:77

Ac'bon quil te t'ujbil yutsil awo'tan soc ac'bon cuxinucon, melel bin nax co'tan yu'un te p'ijubtesel awu'une.

Salmos 119:70

Ma sna'ic q'uinal ta jyalel stuquelic, te jo'one bin nax co'tan yu'un te p'ijubtesel awu'une.

Salmos 119:35

Ic'awon bael ta be yu'un te mandaliletic, melel ya xjam q'uinal ya caiy yu'un.

Salmos 119:24

Bin nax co'tan yu'un te mandaliletic awu'un, melel ja' te ya stojtesone.

Salmos 119:16

Bin nax co'tan yu'un te mandaliletic awu'un; ma xch'ay ta co'tan te ac'ope.

Salmos 40:8

Dios cu'un, jo'on ya jmulan spasel te bila ya sc'an awo'tane; quich'oj ta yolil co'tan te mandal awu'une”, xoon.

Salmos 1:2

te ja' bin nax yo'tan yu'un smandal te Cajwaltique, te ja' nax baem ta yo'tan snopilayel ta c'aal ajc'ubal.

Deuteronomio 29:4

Pero ta ora to ma ba yac'ojbeyex sp'ijil awo'tanic te Cajwaltique, soc ma ba yac'ojbeyex ana'beyic swentail ta spisil.

Jeremías 5:21

“Aiya awaiy stojol, lom bolat soc ma x'ana' q'uinal ta jyalel, ay asit, pero ma x'awil q'uinal a, ay achiquin, pero ma x'awaiy stojol c'op a”, uta me.

Jeremías 9:26

Jich bit'il te Egipto, te Judá, Edom, Amón soc Moab, soc spisil te mach'atic ayic ta jochol taquin q'uinal te ya sjoxic te stsotsil sjolic ta xujc' xchiquinique. Melel spisil te lumetic to, soc nix te lum Israel, ta smelelil ma ba yich'oj circuncisión ta yo'tanique —xi'.

Isaías 42:20

Bayal bitic ya yil, ja'uc me to, ma xyil c'oem; ya xju' ya yaiy stojol, ja'uc me to, xujt' ma xc'ot ta yo'tan.

Jeremías 7:13

Manchuc me ay la jultesbeyexix awo'tan asta cheb oxeb buelta te bit'il ay te awat'ele, te ja'ex ma x'ac'an ach'uunbonic jmandal, ma'yuc bay ajac'ojbonic jc'op. Jo'on Ajwalilon jich ya cal.

Jeremías 35:13

—Jo'on Ajwalilon te Spisil ya xju' cu'une, te Dioson yu'un Israel, ya jpasat ta mandal te ya xba awalbey te ants-winiquetic ta Judá soc ta Jerusalén: “Ac'a anopic te p'ijubtesel, soc ac'a ach'uunic te mandaliletic cu'une. Jo'on yacon ta yalel te Ajwalilone.

Ezequiel 3:7

Yan te lum Israele, ma ba ya sc'an ya yich'bat ta muc' ac'op, melel ma sc'an ya yich'onic ta muc' jo'on. Ta spisil te lum Israel mero tulan yo'tanic soc mero tulan te sjolique.