Jeremías 6:1 - Bible in Tzeltal de Oxchuc y Tenejapa

¹ Ants-winiquetic ta sq'uinal Benjamín, leaic anjibal, ananic loq'uel ta Jerusalén. Oq'uesinaic oq'ues ta Tecoa, tejc'anaic jun señail ta Bet-haquerem, melel ay bila ma lecuc ya xtal soc muc' bila amen te ayix tel ta stojol norte.

Bible in Tzeltal Bachajón

¹ ¡Ahnanic bahel, sts'umbalex Benjamín, ahnanic loq'uel ta Jerusalén! ¡Oq'uesinahic corneta ta Tecoa, toyahic mohel señahil ta Bet-haquerem! como ay bin chopol ya xtal ta stojol norte, ya xtal muc'ul jinel.

Jeremías 6:1 Referans Kwoze

Nehemías 3:14

Malquías snich'an Recab, ajwalil yu'un te smaquen q'uinal ta Bet-haquerem, la xcha'pas xan te yochibal lum Ch'ayjibal C'a'pale sbiile, soc la yac'bey sti' soc syaweal soc pasador.

Jeremías 6:22

Te Cajwaltic jich ya yal: —C'alal to ta c'ubul q'uinal ta norte, ya xchajban sba tel te nación te bayal yipe.

2 Crónicas 11:6

Jich la yac'bey xan yipic te lum Belén, Etam, Tecoa,

2 Samuel 14:2

Ja' yu'un la sticun ta iq'uel tel jtul ants nainem ta Tecoa te mero ay sp'ijil yo'tan, jich la yalbey: —Pasa aba te ayat ta mel-o'tan, lapa c'u'il swenta mel-o'tan, ma me xawac'bey aba perfume. Melel ya me sc'an te jich ya awac' aba te bit'il ants te ayix bayal c'aal te ay ta mel-o'tan ta swenta te ay mach'a lajem yu'une.

Jueces 1:21

Yan te sts'umbal Benjamín ma ju' yu'un sloq'uesel te jebuseoetic te nainemic ta Jerusalén. Ja' yu'un ta ora to, te jebuseoetic pajal nainemic ta Jerusalén soc te sts'umbal Benjamín.

Amós 1:1

Ja' sc'op te Amós, te jcanan-chij ta lum Tecoa, te ac'bot ta swenta yalel yu'un Dios te sc'oplal Israel. Cheb ja'wil sc'an xtal nijq'uel a, ta yorail Uzías te muc' ajwalil ta Judá, soc Jeroboam snich'an Joás te muc' ajwalil ta Israel.

Jeremías 25:9

ya quic' tel spisil te lumetic ta norte, soc te cabat Nabucodonosor te muc' ajwalil yu'un Babilonia, swenta yu'un ya me xtal yac'beyic guerra in lum to, soc ta spisil te yajwale, soc ta spisil te nacionetic te ayic ta sts'eele. Ya me jin ta jc'axel. Ya me jc'atp'un ta jinem ts'ajq'uetic te ya yac' xiwel soc nijq'uel.

Jeremías 10:22

“Aiya awaiyic, ay c'op jul tel, mero tulan nax ya xtal soc sc'opic te jpam lum ay ta norte. Ya sc'atp'unic ta jochol taquin q'uinal te sq'uinal Judá, ja' nax ya x'ainic tey a te ja'mal ts'i'etique.

Jeremías 4:29

Ta swenta yawic te mach'atic moemic ta caballo soc te jt'imuywanejetique, spisil te lum ya xloq'uic bael ta animal ta anel. Ya snac' sbaic ta pimil q'uinal, o ya xmoic bael ta najt'il tontiquil. Spisil te lumetic ya xjojch'ajic jilel; ma'yuquix jtuluc yajwal ya xjil.

Josué 15:63

Te sts'umbal Judá ma ju' yu'unic sloq'uesel ta Jerusalén te jebuseoetic te nainemic tey a. Ja' yu'un c'alal ora yo'tic nainemic ta Jerusalén soc te sts'umbal Judá.

Amós 3:6

Teme ya xc'opoj oq'ues ta yutil lum, te ants-winiquetic ya sjachic ch'inlajanel ta c'op yu'un. Teme ay bila amen ya xc'ot ta pasel ta lum, yu'un ja' la sticun tel te Cajwaltique.

Zacarías 6:6

Te carreta nitbil yu'un ijc'al caballoetique ya xbajt' ta lumq'uinal ta stojol norte. Te nitbil ta saquil caballoetique, ya xbajt' ta lumq'uinal ta stojol smalib c'aal. Te nitbil yu'un caballoetic te sacsactic stsotsilique, ya xbajt' ta lumq'uinal ta stojol sur —xi'.

Nehemías 3:5

Te yan jmajc' te joyob ts'ajq'ue ja' la xcha'spasic te yajwal Tecoa, manchuc teme te mach'atic ich'bilic ta muq'ue ma ba la sc'an scoltayic te jwolwanejetic yu'unique.