Jeremías 51:9 - Bible in Tzeltal de Oxchuc y Tenejapa

⁹ La cac'beytiquix xpoxil te Babilonia; ja'uc me to, ma ba col yu'un. Ijq'uitayaic jilel, loc'ucotic bael li'to, boucotic ta jlumaltic juju-jtul. Melel te smule, c'oem c'alal ta ch'ulchan, jajch'em moel c'alal tocal.

Bible in Tzeltal Bachajón

⁹ C'an jpoxtaytic te Babilonia, pero ma ba lecub. Ihquitaya hilel, conic ta jlumaltic ta jujutuhl, como c'ohem c'alal ta ch'ulchan te castigo yu'une, mohem bahel c'alal ta tocal.

Jeremías 51:9 Referans Kwoze

Apocalipsis 18:5

Yu'un c'otix c'alal ta ch'ulchan te smulique. Te Diose yiloj spisil te bila amen la spase.

Jeremías 50:16

Ma me mach'a xawijq'uitayiquix ta sq'uinal Babilonia; ma me ayuc mach'a ya yaiy awal tey a, soc ma me mach'a ya yaiy c'ajoj. Te ya yilic te jinawanej guerra, te jyanlumetic ya me sujt'ic bael ta slumal, juju-jtul ya x'anic bael ta slum-sq'uinalic.

Isaías 13:14

“Te ants-winiquetic pajal soc ja'mal chij te nutsbilix yu'un jts'i'wejetique, soc jich bit'il chijetic te ya spuc sbaic bael, te ma'yuc mach'a ya stsobot yu'une. Juju-jtul ya sujt' bael ta slumal, ya x'anic bael ta slum-sq'uinalic.

Jeremías 46:16

Te soldadoetic awu'un ja' nix ya sc'ojch'in sbaic soc ya xyalic, soc juju-jtul jich ya yalbey sbaic: “Loc'ucotic bael li'to, sujt'ucotic bael ta jlumaltic, ja' te lum bay ayinotique. Anucotic bael yu'un te tulan guerra”, xiic me.

Esdras 9:6

jich la cal: —Dios cu'un, Dios cu'un, mero bayal ya xtal q'uexlal ta co'tan ya caiy, soc ma xtojob ya caiy te co'tane, soc ma jna' bi ya cal ta atojol. Melel mero c'axemix ta jyalel te falta cu'untique, c'oemix c'alal ta ch'ulchan te mulile.

Jeremías 46:21

Te soldado tojbil sc'aalic yu'une, jichic yilel te bit'il jujp'en wacaxetic; ja'uc me to, jich nix ya xloq'uic ta animal ta anel. Ma xcujch' yu'unic, melel ya xc'otix sc'aalelal te swocolic, te yorail castigo yu'une.

Jeremías 8:20

C'axix te yorail verano, lajix ta loq'uel sit te awalts'unubile, ma'yuc bay chicnaj tel jcoltayeltic a.

Isaías 47:15

Jich ya xc'oat ta loq'uel soc te mach'atic ya sna'ic yilel te eq'uetique, te c'ax bayal bila la apas soc ta spisil a te acuxlejale. Juju-jtul la st'unic bael te slotil beique, ma me ayuc mach'a ya scoltayat.

2 Crónicas 28:9

Ay jtul j'alwanej yu'un te Cajwaltique tey a, ja' te Oded, loc' sta ta be te soldadoetic, te c'alal yacalic ta ochel bael ta Samaria, jich la yalbey: —Te Cajwaltic Dios yu'un te antiguo jme'-jtatic cu'untic, ilin ta stojol Judá. Ja' swentail te la yac'beyex ta ac'abic te ja'exe. Ja'uc me to, la amiliquix soc sc'ajc'al awo'tanic, melel c'oemix sc'oplal c'alal ta ch'ulchan.

Apocalipsis 18:4

Ay yan mach'a c'opoj tel ta ch'ulchan la caiy te jich la yale: “Ja'ex te lumex cu'un, loc'anic tel tey a ta bay te muc'ul lume, swenta yu'un jich ma ba ya ajoinic ta sleel te smulique soc ma ba ya staex te castigo ya yich'e.

Oseas 7:13

“Obol nax sbaic te la sq'uej sbaic bael ta jtojole. Ya xtaotic yu'un te jinele, melel la stoy sbaic loq'uel ta jtojol. Ya jc'an ya jcoltay te jichuque; ja'uc me to, ya spasonic ta lot, ya scontroinonic.