Jeremías 51:6 - Bible in Tzeltal de Oxchuc y Tenejapa

⁶ “Ananic loq'uel ta Babilonia, coltaya abaic te mach'a ya xju' yu'une. Ma me xlajex yu'un te smulic stuquelique. Ja' yorail te ya cac'bey spacole, soc ya cac'bey stoj te bit'il ya sc'an te yat'ele.

Bible in Tzeltal Bachajón

⁶ ¡Ahnanic loq'uel ta Babilonia! ¡Coltaya abahic, scuenta yu'un ma ba ya xch'ayex bahel ta scaj te smule! Como ha yorahil te Jehová ya ya'be spacol, ya ya'be stoj te bin ya sc'an te ya'tele.

Jeremías 51:6 Referans Kwoze

Jeremías 50:8

“Ananic loq'uel ta Babilonia, te slumal caldeoetic. Jich me ya x'ic'awanex loq'uel te bit'il ya x'ic'awan tat chijetic ta stojol te jtsojp chijetique.

Jeremías 50:28

(Te ants-winiquetic colemic loq'uel ta Babilonia, ya xc'o yalic ta Sión te bit'il te Cajwaltic Dios la yac'bey stoj Babilonia te bila la spasbey te templo.)

Jeremías 50:15

Toyesa awawic yu'un guerra ta bayuc nax ta juju-jejch'. Te Babilonia ya yac' sbaix ta c'abal. Jinix coel tel te balal ts'ajq'uetic soc te ts'ajc' ta sjoyobale. Ja' me spacol cu'un te ya awac'beyic stoj; jich me ya apasbeyic te bit'il nix la spase.

Jeremías 51:45

Lum cu'un, loc'anix bael tey a; juju-jtul ac'a me scoltay sba loq'uel yu'un te sc'aal quilimbae.

Jeremías 25:14

Muc'ul nacionetic soc muc' ajwaliletic te ay yipique ya me yac'bey xch'uunic mandal te babiloniaetique. Jich me ya cac'bey stoj te bit'il ya sc'an yu'un te yat'elique”, xi' te Cajwaltic —xi' te Jeremiase.

Números 16:26

Jich la yalbey te lume: —Loc'anic ta bay snailpaq'uic te bol winiquetic, soc ma me xapicbeyic te bila ay yu'unique, teme repente ya xlajat bael yu'un uuc te smulique —xi'.

Apocalipsis 16:19

Oxchajp loc' a te muc'ul lume, soc wuy coel ta spisil te muc'ul lumetic te ayic ta jujun nacione. Te muc'ul lum Babilonia sbiile, ma ba ch'ay ta yo'tan Dios te puersa la yac'bey yuch' te vino ja' te tulan yilimba te Diose.

1 Timoteo 5:22

Soc xan, ma me mach'auc nax ya acajanbey ac'ab ta sjol ta ora nax. Soc ma me xacoltay ta c'op yu'un smul te yane. Tsajtaya me aba yu'un jiche. Ma me xawac' staat te bila amene.

Jeremías 51:50

Ja'ex te colex loq'uel ta bay milel, ananic bael, mero ma me xtejc'ajex. Na'aic me te Cajwaltique, manchuc me c'ubul ayexix bael a, soc na'aic me te Jerusalén.

Jeremías 51:11

Te Cajwaltic ya sc'an sjin te Babilonia, soc la stijbeyix yo'tanic muc' ajwaliletic ta Media, jich nix ay ta yo'tanic. Ja'ix te spacol yu'un Cajwaltic te bila la spasbey te templo yu'une. Chajbanaic te yat'ejibal at'imique, soc chuca me ta ac'abic te amajq'uilique.

Jeremías 51:9

La cac'beytiquix xpoxil te Babilonia; ja'uc me to, ma ba col yu'un. Ijq'uitayaic jilel, loc'ucotic bael li'to, boucotic ta jlumaltic juju-jtul. Melel te smule, c'oem c'alal ta ch'ulchan, jajch'em moel c'alal tocal.

Jeremías 50:31

Te Cajwaltic te Spisil ya xju' yu'une, ya yal: —Nación te j'ixta-c'opate, jcontroinwanejat, c'otix aworail, ya cac'batix castigo.

Isaías 48:20

Loc'anic ta Babilonia, ananic bael ta stojol te caldeoetique. Pucbeyaic sc'oplal ta aw soc yutsil awo'tanic te c'ope, soc ac'aic ta na'el stojol c'alal ta sti'il te q'uinale. Jich me ya awalic: “Te Cajwaltic la yaq'uix ta libre te Jacob te yabate”, xaex me.

Jeremías 46:10

Yo'tic sc'aalelalix te Cajwaltic te Spisil ya xju' yu'une, ja' sc'aalelal yu'un te ya yac'bey spacol te scontrotaque. Te spuñale ya me yejch'entes ja' to c'alal bay ya sc'an, ja' to c'alal ya xyacub c'oem yu'un te ch'ich'e. Melel te Cajwaltic te Spisil ya xju' yu'une, ya me yaiy milaw ta c'axem to xan ta bay norte, ta sts'eel muc'ja' Éufrates.

Jeremías 27:7

Spisil te nacionetic ya me yac' sbaic ta abatinel yu'un, soc ta stojol te snich'an, soc nix ta stojol te smame, ja' to me c'alal ya xc'ot sc'aalelal ya x'och ta c'abal yu'un niwactic nacionetic soc tulanil ajwaliletic uuc.

Jeremías 25:16

C'alal ya yuch'ic c'oem te copa, ya me xjajch'ic ta xenel. Jich me ya xc'otic te bit'il jowil joletic ta scaj te guerra ya jticun tele —xi' te Cajwaltique.

Proverbios 13:20

Joina aba soc te mach'atic ay sp'ijilique, jich me ya ata ap'ijil; joina aba soc te mach'atic ma sna'ic q'uinale, jich me ya ach'ay aba ta jc'axel.

Deuteronomio 32:43

¡Nacionetic, bin nax me awo'tanic soc te lum yu'un te Diose! Ja' me ya sujt'esbey spacol te bit'il lajic te abatetic yu'une, ya sujt'esbey spacol ta stojol te scontrotaque. Ya me spasbey perdón te lum yu'un ta spamal te sq'uinale”, xi' sc'ayoj te Moisese.

Deuteronomio 32:41

Ja' yu'un te c'alal ya juxbey ye te jpuñal te mero xlemet naxe, c'alal ya xjajch'on ta stojil chajbanwanej, ya me jsujt'esbey spacol ta stojolic te jcontrotaque. Ya me cac'bey c'otuc ta swentaic te bila sleojic te mach'atic ya yilayonique.

Deuteronomio 32:25

Te yal-snich'nab ya me xlajic tamilel ta puñalta calleetic; ya me x'u'uninotic yu'un xiwel te nanatique. Ya me xlajic queremetic, ya me xlajic ach'ixetic, ya me xlajic me'el-mamaletic, soc ya me xlajic chu'ul alaletic.

Isaías 63:4

Jnopojix te ya sta sc'aalelal te ya jpas chajbanwaneje; c'otix yorail te ya x'ainic ta libre te lum cu'une.

Jeremías 48:6

¡Ananic bael, ac'a scoltay sba te mach'a ya xju' yu'une! Jichanic te bit'il ch'ix ta jochol taquin q'uinal.

Jeremías 51:36

Te Cajwaltic jich ya yal: —Jo'on me ya jchajbanat, ya me cac'bey spacol te acontrotaque. Taquin me ya quijq'uitay jilel ta jc'axel te muc'ul ja' soc te sloq'uibja'etic yu'un Babilonia.

Jeremías 51:56

Talic ta sjinel te Babilonia; la xchucbeyiquix te soldadoetic yu'une, soc la slajinbeyic te st'imique. Melel te Cajwaltic, ja' te Dios te ya yac'bey stoj juju-jtul te bit'il nix ya sc'an te yat'ele.

Lamentaciones 3:64

Cajwal, ac'beya castigo te bit'il ya sc'ane, ac'beya stoj te bit'il nix te yat'elique.

Salmos 94:1

Cajwal, ac'a aba ta ilel, ja'at Diosat te ya awac'bey spacol.