Jeremías 50:10 - Bible in Tzeltal de Oxchuc y Tenejapa

¹⁰ Ya me spojbeyic sbiluc te caldeoetique; ya xcuchbeyic bael ja' to c'alal ma xju'ix yu'unic. Jo'on Ajwalilon, jich ya cal.

Bible in Tzeltal Bachajón

¹⁰ Ya yich' pojbeyel sbiluc te Caldeo; spisil te mach'atic ya spojic, tic' ya xloq'uic a, xchi te Jehová.

Jeremías 50:10 Referans Kwoze

Jeremías 25:12

Te c'alal ya sts'aquej te lajuneb xchanwinic (70) ja'wile, ya quich'bey sc'op yu'un smul te muc' ajwalil yu'un Babilonia soc te nación yu'une, ja' te slumal caldeoetic, soc ya jin ta sbajt'el q'uinal. Jo'on Ajwalilon, jich ya cal.

Apocalipsis 17:16

Te lajunch'ix xulub la awil te ay ta sjol te muc'ul chambalam te xi'bantic sbae, ya me slab-o'tantayic te jmulawil antse. Me'ba me ya yijq'uitayic soc t'anal ya xjil yu'unic. Ya sti'beyic sbaq'uetal soc ya xchiq'uic ta c'ajc'.

Jeremías 27:7

Spisil te nacionetic ya me yac' sbaic ta abatinel yu'un, soc ta stojol te snich'an, soc nix ta stojol te smame, ja' to me c'alal ya xc'ot sc'aalelal ya x'och ta c'abal yu'un niwactic nacionetic soc tulanil ajwaliletic uuc.

Isaías 45:3

Ya cac'bat te c'ulejalil te nac'bilique, ja' te c'ulejalil q'uejbilic ta muquen ta bay yawile, swenta yu'un ya me ana' stojol te jo'on Ajwalilon, te Dioson yu'un Israel, te la quic'at ta abiile.

Isaías 33:4

Te scontrotaque tsobolic, ijc'uben q'uinal yu'unic, jich bit'il ya xtal c'ulubetic, ya xwilic bael ta stojolic soc ya spojbeyic sc'ulejalic.

Jeremías 50:26

Ac'beyaic guerra ta spisil ta bayuc. Jambeyaic snail te swe'elique. Tsoba te ants-winiquetic soc jinaic; ma me ayuc mach'a cuxul xan ya xjil.

Jeremías 51:24

“Ta mero atojolic soc ta asitic te ja'exe, ya cac'bey stoj Babilonia soc spisil te caldeoetic, yu'un jich ya sc'an te bit'il amen bila la spasbey te Sión. Jo'on Ajwalilon, jich ya cal.

Ezequiel 11:24

Ta ora, la slicon jajch'el la caiy te yip yu'el te Diose, la yic'on xan bael ta Babilonia, tey ta banti ayic te yantic mach'atic ic'otic bael ta mosoile. Ja' in to, ja' c'ot ta pasel a te c'alal la yac'bon quil la caiy te espíritu yu'un te Diose. Ta patil, ch'ay ta jsit te bila yacon ta yilel la caiye.

Jeremías 50:37

Ay me guerra ta stojol te soldadoetic yu'une, ac'a nijc'uc yu'un te xiwele. Ay me guerra ta stojol te caballoetic soc te carretaetic yu'une. Ay me guerra ta stojol te soldadoetic yu'un te c'anbilic tel ta yan lume, jich ac'a c'atp'ujuc ta antsetic. Ay me guerra ta bay yawil sc'ulejalique, ac'a bajt'uc ta elc'anel.

Habacuc 2:8

Te nacionetic jun nax me ya yac' sbaic ta scontroinbelat, ya me spojbat loq'uel abiluc jich nix bit'il la apojbey loq'uel te ja'ate. Ya me yac'bat atoj spisil te amen awat'ele, ja' te uts'inwanej la apas ta spamal q'uinal ta scontroinel te lumetic soc te yajwale.