Jeremías 5:6 - Bible in Tzeltal de Oxchuc y Tenejapa

⁶ Jich yu'un, ya me xloc' tel león-chojetic ta ja'mal, ya me xmilotic yu'un; te jti'awal ja'mal ts'i'etic ta jochol taquin q'uinal, ya me xti'otic yu'un; te leopardo-chojetic ya me xba milawanuc ta bay nopol te lumetic yu'unique, c'alal ya xloq'uic tel, ora me ya xmilotic yu'un; melel bayal la sle smulic te ants-winiquetique, ma ajtaybiluc te smuquen-mulique.

Bible in Tzeltal Bachajón

⁶ Ha yu'un ya xmilotic yu'un choj ta montaña, ya xlajinotic yu'un ha'mal ts'i' ta jochol taquin q'uinal, ay c'an bo'olay choj te ya spahcan sba ta nopol te pueblohetic yu'unic. Mach'ayuc a te ya xloc' tal ya xbutsticlanot yu'un, como bayel te stoybahilic, bayel banti ch'ayemic.

Jeremías 5:6 Referans Kwoze

Sofonías 3:3

Te jtsobwanejetic awu'un jich ya x'awunic te bit'il león-choj; te jchajbanwanejetic awu'un jichic te bit'il ja'mal ts'i'ta jochol taquin q'uinal, ma'yuc jch'ixuc bac ya yijq'uitay ta swenta te pajele.

Habacuc 1:8

Te scaballoic c'axem jich ya x'animajic a te bit'il leopardo-choj, c'axem jich yixtaelic a te bit'il ja'mal ts'i'etic yu'un jochol taquin q'uinal. Te mach'a cajajtic ta spat caballo jchajp ya x'animajic soc a, bayal yajtalul ta jyalel, soc c'ubul to ya xwilic tel ta sjajch'esel guerra. Jich c'oemic te bit'il jxic te ya xwil bael ta stojol te bila ya stsaque.

Jeremías 4:7

Te león-choj loq'uix tel ta xch'en, te mach'a ya sjin te nacionetic yaquix tel ta beel; loq'uix tel ta slumal, swenta yu'un ya sjinbat te alumale, swenta yu'un jochol ya yijq'uitaybat jilel. Jc'axel ma'yuc stuul ya xjil te lumetic awu'une.

Ezequiel 22:27

Te ajwaliletic yu'un te lumq'uinal pajal soc ja'mal ts'i'etic te ya stuch' ta ti'el te sti'balique. Chapalic yu'un ya smalbeyic xch'ich'el yantic, chapalic yu'un ya smilic ants-winiquetic, yu'un jich ya sta sc'ulejalic a.

Apocalipsis 13:2

Te muc'ul chambalam te xi'bantic sbae pajal yilel soc te leopardo-choje. Te yacane jich yilel te bit'il yacan te osoe. Te yee jich yilel te bit'il ye te león-choje. Te muc'ul chan te xi'bantic sbae la yac'bey yu'el soc la yac'bey snactijibin te smuc'ul nactijibe soc la yac'bey yich' tulan yat'el.

Oseas 5:14

Jich bit'il león-choj te ya xlumtaywan, jich me ya cac'bey guerra te Efraín soc te Judá. Ya me jtsac, wuyultic me ya xjil cu'un; ya me jtas bael, ma'yuc mach'a ya xcoltayot yu'un.

Daniel 7:6

“Te yoxebale, pajal yilel soc leopardo-choj, pero ay chaneb xic' ta spat, soc la quil ay chaneb sjol. Te leopardo-choj la yich' ac'beyel yip ta mandalteswanej.

Daniel 7:4

Te jcojt'e pajal soc león-choj yilel, pero ay xic'. Te xiq'ue xic' águila yilel. C'alal yacon ta yilel a, la yich' bulel te xiq'ue. La yich' jachel ta lum, la yich' tejc'anel ta yacan, jich tejc'aj te bit'il ya xtejc'aj te winique. Te xchinam c'atp'uj ta xchinam winic.

Ezequiel 23:19

Pero la yac' xan puersa ta spasel bael te mulile. La sna' te yach'ixale, te c'alal la spas jajch'el mulil ta Egipto.

Ezequiel 16:25

Ta jujun slajibal te bebetique la apasbey yawilic, la ac'atp'un ta bila ilaybil sba te at'ujbilale, melel spisil te mach'atic ya xc'axique, ya awic' ta atojol yu'un ya awac'bey smulanbat te abaq'uetale. Spisil ora ja' baem ta awo'tan spasel te mulile.

Lamentaciones 1:5

Te scontrotac ya xmandaltesot yu'un, ya xmuc'ubic stuquelic. Ja' te Cajwaltic la yac'beyix swocol yu'un te bayal sleoj smule. Te snich'nabe ic'otic bael ta mosoil yu'un te scontroe.

Jeremías 49:19

Talon meix a te ya awile, jich bit'il león-choj ya xloc' tel ta pimil ja'mal ta ti'ti'ja' Jordán, te ya yantay bael ta bay unin aquiltic. Tey me ya cac' x'anic loq'uel a te mach'atic ay ta Edom, ya me cac' xmandalaj ta ajwalil tey a te mach'a ya sc'an co'tan ya jtsae. Melel ¿mach'a ya spajon te jo'one? ¿Mach'a ya xju' ya stsalon? ¿Mach'a jcanan-chij c'oem te ya xju' scontroinone?

Jeremías 30:24

Te yilimba Cajwaltic ma xquejch'aj, ja' to teme ju' ta pasel yu'un te bila ay ta yo'tane. Te ja'exe ya me sta yorail te ya xc'ot ta awo'tanic te c'ope.

Jeremías 30:14

Spisil te mach'atic yantsinejat c'oeme, ch'ayat meix ta yo'tanic, ma me xc'opojix yo'tanic ta atojol. Yu'un jo'on la quejch'entesat, jich c'oemon bit'il acontro. Tulan la cac'bat castigo ta scaj bayal te bila amen apasoj, ta scaj te ma x'ajtabaj te amule.

Jeremías 25:38

Jich loc' tel te bit'il león-choj ta bay xch'en; te slumalic c'atp'uj jilel ta jinem ts'ajq'uetic. Yu'un til jichuc c'ajc' te yilimba Cajwaltic, jich la sticun tel guerra te xiweltic nax sbae.

Jeremías 14:7

La yal te lume: —Cajwal, manchuc teme ja' nix ya yalotic te jmultique, at'ejan ta swenta te bit'il ay ta ich'el ta muc' te abiile. Bayal buelta ma junuc co'tantic ta atojol, jtaoj jmultic ta atojol.

Jeremías 2:19

Ja' nix amul atuquel te ya yac'at ta castigo, ta scaj te ma junuc awo'tane. Nopa awaiy soc ya me awilbey sbolil soc xch'aal, ja' te bit'il la awijq'uitayone, soc ma la awich'on ta muc', te jo'on Awajwalon, te Dioson awu'une. Jo'on Ajwalilon te Spisil ya xju' cu'un, jich ya cal.

Jeremías 2:17

Jich pasbotat yu'un te la awijq'uitayon te jo'one, jo'on Ajwalilon te Dioson awu'une, jo'on la jtojtesat ta be.

Jeremías 2:15

¿Bi yu'un ya snutsic jichuc león-chojetic te tulan nax ya x'awunic ta jyalele? Ma'yuc yutsil la yijq'uitaybeyic jilel te slumale; te lumetic yu'unique la yich' chiq'uel, soc ma'yuquix mach'a jil tey a.

Isaías 59:12

Te jo'otique bayal la cac'tic bolobuc awo'tan ta jyalel; ja' nix jmultic te ya yalotic. La jna'tiquix stojol te jmultic; la jna'tiquix stojol te bitic ma lecuc jpasojtique.

Salmos 104:20

Ya alich' tel jichuc ijc'al pac' te ajc'ubale, jich ya xloc' tel te ja'mal chambalametic.

Esdras 10:10

Te sacerdote Esdras la stejc'an sba, jich albotic yu'un: —Te ja'exe ataoj amulic ta scaj te nujbinemex soc te jyanlum-antsetique, jich la atoyesbeyic xan smul Israel.

Esdras 9:6

jich la cal: —Dios cu'un, Dios cu'un, mero bayal ya xtal q'uexlal ta co'tan ya caiy, soc ma xtojob ya caiy te co'tane, soc ma jna' bi ya cal ta atojol. Melel mero c'axemix ta jyalel te falta cu'untique, c'oemix c'alal ta ch'ulchan te mulile.

Números 32:14

Yo'tic te ja'exe te ja' atatic te la sle smulique, ja' ya ac'an ya anopbeyic te yat'ele, swenta yu'un ta yan buelta ya ajajch'esbeyic yilimba Cajwaltic ta stojol te lum Israel.

Salmos 80:13

Te ja'mal chitametic la stuch'ic; bic'ot yu'un te ja'mal chambalametique.

Jeremías 8:5

Jich yu'un, Israel, ¿bi yu'un la atoy aba ta jtojol? Jerusalén, ¿bi yu'un te sbajt'el q'uinal ma x'ac'an ach'uunone? ¿Bi yu'un la awat'elin spasel te toybaile, te ma x'ac'an ya sujt'at tele?

Jeremías 30:15

¿Bistuc ya x'ajc'anajat yu'un te awejch'ene? Te xc'uxule ma'yuc xpoxil. Ta scaj bayal te bila amen apasoj soc te ma x'ajtabaj te muliletic awu'une, ja' yu'un jich la jpasbat.

2 Crónicas 36:14

Jich nix la spas spisilic te jtsobwanejetic yu'un Judá, te sacerdoteetic soc te lume, la stoyesic ta jyalel te mulile, jc'axel ma ba jun yo'tanic ta stojol te Cajwaltique. Ja' la spasic te bila c'ax ilaybile, jich te bit'il ya spasic te nacionetic te ma'yuquic ta stojol te Diose. La sboltesbeyic sc'oplal te templo yu'un Cajwaltic te stsaoj stuquel, te ja' xch'ul yawil ya xc'ot ta Jerusalén.

Job 10:16

Teme ya jtoy jbae, ja'at ya anutson jichuc león-choj, asta ya awac' ta ilel awu'el ta alajinbelon yu'un.

Isaías 1:23

Toybaetic te ajwaliletic awu'unique, ja' sjoy sbaic soc te j'eleq'uetique. Spisilic ya spasic chajbanwanej ta puro taq'uin, ya sleic te yacuc ac'botuc majt'aniletique. Ma ba lec ya xchajbanic te me'ba alaletique, ni ma'yuc sc'oplal ta yo'tanic te bitic ay ta swentaic te me'ba antsetique.

Jeremías 2:31

(Ja' nix jichex, te jcaj alnich'anex ayex ta q'uinal ta ora to, aiybeya awaiyic stojol sc'op te Cajwaltique.) Israel, ¿yu'un bal jochol taquin q'uinalon ta atojol? ¿Jich bal acuyojon te bit'il q'uinal te nojel nax yu'un te ijc' q'uinale? Lum cu'un, ¿bi yu'un ya awal: “Ayotic ta libre; mero ma sujt'otiquix bael ta atojol”, te xaate?

Jeremías 8:7

Jich te cigüeña-mut ta sjamalul ch'ulchan, ya sna' te bi ora ya sujt' tele; te paloma, te ulich soc te smutil ja'e ya sna'ic te bi ora ya xbajt'ic ta yan q'uinale; yan te ja'at, lum cu'un, ma x'ana'beyic sba te mandaliletic cu'une.