Jeremías 5:3 - Bible in Tzeltal de Oxchuc y Tenejapa

³ Cajwal, te bila ya alebey te ants-winiquetic, ja' te jun yo'tanic ta atojole. Te castigo la awac'bey, ma ba c'ux la yaiyic; la awac'bey tulan swocolic, pero ma teyuc la snopic a. Tulan ta jyalel te yo'tanique, c'ax to jich te bit'il ton; ma la sc'an sujt'ic bael ta bay lequil be.

Bible in Tzeltal Bachajón

³ Jehová, ¿ma bal yacuc yil asit te bin melele? La amajticlan, pero ma ba c'ux la ya'iyic; la alajinlan, pero ma ba la sc'anic tojobtesel. La stulantes sit yelawic c'ax hich a te bin ut'il ton, ma ba la sc'an la suhtes yo'tanic.

Jeremías 5:3 Referans Kwoze

Jeremías 7:28

Albeya: “Ja' in nación to ma xch'uunbonic jc'op jo'on te Ajwalilon te Dioson yu'une, ni ma sc'anic tojtesel. Te stojil yutsil yo'tanique ch'ay c'axel ta yeic ta jyalel”, uta me —xi' te Cajwaltique.

Jeremías 2:30

Tojol la cac'bey castigo te anich'nabic, melel ma ba p'ijubic yu'un te p'ijubtesele. Ja'ex nix te jichex te bit'il c'ajc'al león-chojetic, la amilbonic te j'alwanejetic cu'un te c'opoj ta atojolique.

Sofonías 3:7

La jnop ta co'tan: “Jich me ya xi'on te Jerusalén; ya me yich' ta muc' te tojtesel ya cac'beye”, yoon ta co'tan. Jich ma ba ya yich' jinel te banti nainem te ya cac'bey castigoe. Ja'uc me to, la yaq'uic puersa ta spasel spisil ta jchajp bitic amen.

Isaías 9:13

Ja'uc me to, te lume ma ba la sujt'es yo'tanic ta stojol Dios yu'un te castigo la yac'beye; ma la sc'an sleic te Cajwaltic te Spisil ya xju' yu'une.

2 Crónicas 16:9

Melel te Cajwaltic yat'elinej yilel spisil te bitic ya xc'ot ta pasel ta balumilal, swenta yu'un ya yac'bey yip te mach'atic jun yo'tanic ya yac' smuc'ul yo'tanic ta stojole. Te bila la apasixe, mero bol ta jyalel. Melel jamal ya calbat, ay me bael guerra ya xtal ta atojol —xi' te j'alwaneje.

Isaías 42:25

Ja' swentail te ilin ta stojolic. La yac'bey castigo ta tulan guerra, ora nax a tilic jichuc c'ajc'. Ni ja'uc c'ot ta yo'tanic a.

Hebreos 12:9

Te c'alal alalotic toe, la yac'botic tojobtesel te jtatic te ayotic ta balumilal soque, soc la quich'tic ta muc'. ¿Ja'uc to bal a te Jtatic te ay ta ch'ulchane? C'ax jich ya sc'an ya quich'tic ta muc' stuquel, swenta yu'un jich me ya xcuxinotic sbajt'el q'uinal.

Romanos 2:2

Jna'ojtic stojol te ya x'ich'awan ta c'op Dios yu'un te mach'atic yat'elinejic spasel te bila amene, jich te bit'il ya yal te smelelil c'ope.

Ezequiel 24:13

“Jerusalén, ya jc'an ya jlecubtesat, ya jc'an ya jch'aybat te abolile, ja' te muliletic mero awac'oj awo'tan ta spasele, pero ma xlecubat. Ja' to ya xlecubat a teme la jt'omesbat bael ta atojol te quilimbae.

Jeremías 32:19

Te ja'ate c'ax muc'at yu'un te bila achapoje soc bayal awu'el ta spasel te at'eliletic awu'une. Te ja'ate ya awil spisil te bitic ya spasic te ants-winiquetique, soc ya awac'bey stojic juju-jtul te yat'elic te bit'il ya sc'ane.

Jeremías 19:15

—Te Cajwaltic te Spisil ya xju' yu'une, te Dios yu'un Israel, ya yalbeyex: “Ya jticunbey tel spisil castigo ta stojol te alumal soc spisil te lumetic nopol ayic te la calbeyix sc'oplale. Melel tulan yac'oj te yo'tanique yu'un ma la yich'bonic ta muc' te jc'ope”, xi' me te Cajwaltic —xi' te Jeremiase.

Jeremías 7:26

Ja'uc me to, ma la ach'uunbonic jc'op, ni la awich'bonic ta muc', amen la awac' aba soc awo'tanic, c'ax jich te bit'il la yac' sbaic te antiguo ame'-atatique —xi'.

Isaías 48:4

Melel jna'oj stojol te mero tulan te awo'tanique, te jich tulanex bit'il hierro, ma xju'ex ta puxel jichuc bronce.

Proverbios 27:22

Te mach'a ma sna' q'uinal ma xju' ta loq'uesel te sbolile, manchuc me ya xc'ax swocol ta utel.

Proverbios 23:35

Jich me ya awal: “La smajonic, pero ma ba la caiy; la smajonic ta nujc'ul, pero ma la jna'. Pero te c'alal ya jna' q'uinal, ya xba jcha'le xan cuch'”, xaat.

Proverbios 22:12

Te Cajwaltic ya scanantay te mach'a ay sp'ijile; yan te mach'a ya spas lote, ya me sjinbey sc'op stuquel.

Proverbios 21:29

Te mach'a amen yo'tan, ya scuy sba te lec aye; yan te mach'a toj yo'tane, jun yo'tan ay stuquel.

Salmos 51:6

Ta mero melel ja' c'ux ta awo'tan te mach'a smelelil ya xc'opoje; ta mero yutil co'tan la awac'bon te p'ijil c'ope.

2 Crónicas 28:22

Te bit'il la sta uts'inel te Acaz; ja'uc me to, cha'toy xan ta bolobel yo'tan ta stojol te Cajwaltique. Awaiy bit'il ay yo'tan te muc' ajwalil Acaz.

Levítico 26:23

“Pero teme atalel jich tulan awac'oj abaic ta jtojol a te c'ax awu'unic te castigoe, soc te ma xtojobex ta jtojole,

2 Reyes 1:13

Patil te muc' ajwalil la sticun xan swenta yoxebal buelta yan capitán soc lajuneb yoxwinic (50) soldadoetic. Pero te yoxebal capitán mo bael c'alal ta banti ay Elías, la squejan sba ta stojol, jich la yalbey: —Wocoluc, ja'at te j'alwanejat yu'un Dios, ich'bon ta wenta te jcuxlejal soc te xcuxlejalic te lajuneb yoxwinic (50) abatetic awu'une.

Jeremías 8:5

Jich yu'un, Israel, ¿bi yu'un la atoy aba ta jtojol? Jerusalén, ¿bi yu'un te sbajt'el q'uinal ma x'ac'an ach'uunone? ¿Bi yu'un la awat'elin spasel te toybaile, te ma x'ac'an ya sujt'at tele?

Jeremías 35:13

—Jo'on Ajwalilon te Spisil ya xju' cu'une, te Dioson yu'un Israel, ya jpasat ta mandal te ya xba awalbey te ants-winiquetic ta Judá soc ta Jerusalén: “Ac'a anopic te p'ijubtesel, soc ac'a ach'uunic te mandaliletic cu'une. Jo'on yacon ta yalel te Ajwalilone.

Ezequiel 2:4

Ja' nix jichic te yal-snich'anique, mero tulan te yo'tanic soc mero tulan te sjolique. Ya me jticunat bael ta stojolic, jich me ya xc'o awalbey: “Jich ya yal te Cajwaltique”, ya me awut.

Daniel 9:13

Ta spisil te bitic amen julem tel ta jtojoltic, ja' yac ta c'oel ta pasel te bila ts'ibubil ta mandaliletic yu'un Moisés. Pero te jo'otique, ma ba ya jleticat, Cajwal Dios cu'untic, ma ba quijq'uitayejtic te bila amen ya jpastique, ni ma ba t'unbil cu'untic te smelelil c'op awu'une.

Amós 4:6

Jich ya yal te Cajwaltic: —Jo'on la cac' te tal wi'nal ta stojol spisil te lumetic awu'unique; jo'on la cal mandal te ma'yuc lec swe'elic ta spisil yajwal te alumale. Ja'uc me to, ma ba la asujt'es awo'tanic ta jtojol yu'un —xi' ta tulan te Cajwaltique.

Génesis 19:34

Ta yan c'aalil, te wixil la yalbey te yijts'ine: —La join ta wayel ajc'ubey te jtatique. Ya me cac'tic xyacub xan ta ajc'ubal yo'tic. Ja'at me ya x'ochatix bael te ya ajoin ta wayele, swenta yu'un ay jts'umbaltic yu'un jtatic jchebaltic ya xc'ootic —xi'.

1 Reyes 13:33

Manchuc me jich ay, pero te Jeroboam ma ba la squejch'an te sbolile. Melel la yac' ochel xan yan sacerdoteetic tey nix ta lume, swenta yu'un ya swentainic te toyol ch'uunjibaletic. Te mach'atic la sc'anique, te Jeroboam la yac' ochel ta sacerdoteil tey ta toyol ch'uunjibal yu'un te loc'ombaetique.

Salmos 51:8

Nojesbon sbujts' co'tan soc ac'bon yutsil q'uinal caiy; cha'bujts'antesbon xan co'tan, manchuc me c'axemix jwocol ta jbaq'uetal awu'un.

Salmos 55:20

Ya sjach sc'abic ta yuts'inel te mach'atic c'ux ya yaiy sbaic soc sc'oplale; tojol la yalic te ya xc'uxtaywanique, ma xc'ot ta pasel yu'unic te bila yalojique.

Isaías 26:11

Cajwal, chapalix awu'un te castigo; ja'uc me to, ma sc'an sna'ic stojol. C'alal ya yilic te yip xc'uxul awo'tan ta stojol te lum awu'une, ya me xjilic ta q'uexlal yu'un. Ayuc laj bit'il ya xlajic ta c'ajq'uel yu'un sc'aal te awilimbae.

Jeremías 3:3

Ja' swentail te comenix ja'al ta yorail invierno soc ta yorail primavera. Jich awelaw te bit'il jmulawil antse; ya sc'an yacuc xq'uexawat yu'un.

Jeremías 15:7

La jpuc bael te ants-winiquetic jich bit'il taquin ac; la jloq'ues tel ta lumetic te ay ta slumalique. Ma'yuc snich'nab la quijq'uitaybey te lum cu'une, la jlajin ta spisilic. Melel ma la yijq'uitayic te bol cuxlejal yu'unique.

Jeremías 17:23

Ja'uc me to, ma la sc'an yich'bonic ta muc' te jc'ope. Tulan nax la yac' sbaic bael, ma la sc'an la xch'uunic, ni ma ba tojobic a.

Jeremías 44:10

Asta ora yo'tic ma'yuc bay yanajem te awo'tanique, ni ma'yuc xiwel ya awaiyic, ni ma'yuc bay apasojic te p'ijubtesel soc mandaliletic te la cac'bey te antiguo ame'-atatique.

Amós 4:8

Te ants-winiquetic cotlajanel c'axic ta lumlumtic ta sleel ja' yuch'ic, ma tic'uc la staic yu'un te taquinti'il la yaiyique. Ja'uc me to, ma ba la asujt'es awo'tanic ta jtojol yu'un —xi' ta tulan te Cajwaltique.

Amós 4:9

—La jmajat c'oem ta buen c'ajc'al ic' soc ta buen tulan chamel; la cac' te ya sayub awawal-ats'unubic soc te ats'usubilique. Te c'ulubetic la slajinbat te higueraetic soc te olivoetic awu'unique. Ja'uc me to, ma ba la asujt'es awo'tanic ta jtojol yu'un —xi' ta tulan te Cajwaltique.

Amós 4:10

—La jticunbeyex tel te bila la yac'beyex awocolic, jich bit'il la jticunbey tel ta stojol te egipcioetic. La cac' te ya xlajic ta guerra te queremetic awu'unic; soc la cac'bey yu'uninbeyex acaballoic te acontroique. La cac'beyex awaiybeyic stuil te mach'atic lajem awu'unique. Ja'uc me to, ma ba la asujt'es awo'tanic ta jtojol yu'un —xi' ta tulan te Cajwaltique.

Amós 4:11

—La jlajinex jich bit'il la jlajin Sodoma soc Gomorra; jich jilat te bit'il xutumte' loq'uesbil tel ta c'ajc'. Ja'uc me to, ma la asujt'es awo'tanic ta jtojol yu'un —xi' ta tulan te Cajwaltique.