Jeremías 5:26 - Bible in Tzeltal de Oxchuc y Tenejapa

²⁶ Melel ta bay te lum cu'une, ay tey a te winiquetic te amen yo'tanique, jich ya xmujc'taywanic te bit'il mach'atic ya smil ja'mal mutetique, te ya spasic pejts' swenta yu'un ay mach'atic ya spejts'uyic a.

Bible in Tzeltal Bachajón

²⁶ Como ta yohlil te pueblo cu'un ay mach'atic chopol yo'tanic, te hich ya xmacliywanic te bin ut'il mach'atic ya stsaquic mutetic, ya yaq'uic yaquil yu'un ya stsaquic ants-winiquetic.

Jeremías 5:26 Referans Kwoze

Proverbios 1:11

Teme jich ya yalbat: “La', t'unawotic, ya jpastic pejts' ta swenta nax sc'anjel co'tantic, swenta yu'un ya jmiltic mach'auc ch'ayal yo'tan ya xc'ax.

Jeremías 18:22

Ayuc bit'il ora nax ya aticunbey tel jtsojp j'eleq'uetic ta stojolique; ac'a chicnajuc yawic yu'un te xiwele. Melel la sjoq'uic ch'en c'oem swenta yu'un tey ya smaconic a, la yaq'uic pejts' ta bay ya xbeenon.

Salmos 64:5

Ja'ic nix ya yac'bey sba yip yo'tanic ta spasel te bila amene; ya xchapic yu'un ya xchajbanic pejts' te ma xchicnaj ta ilele. Ya scuyic te ma'yuc mach'a ya xju' ya x'ilotic yu'un;

San Lucas 5:10

Ja' nanix jich te Jacobo soc Juan te snich'nab Zebedeo te sjoy sbaic ta at'el soc te Simone. Ja'uc me to, te Jesús la yalbey te Simone: —Ma me xiwat. Ta ora to ja' awat'elix ya xc'ot te ya atsob tel ants-winiquetic ta jtojol —xi'.

Jeremías 4:22

Te Cajwaltic jich ya yal: —Te lum cu'une ma sna' q'uinal, ma sna'bon jba. Nich'aniletic te jich nax ayic ta q'uinal, ma xc'opoj yo'tanic jtebuc. Ja' nax ay sp'ijilic ta spasel te bila amene, ma ja'uc ya sna'ic spasel te bila leque —xi' te Cajwaltique.

Isaías 58:1

Te Cajwaltic la yalbon: —Ma xiwat ta aw, tulan me x'awunat, jich xatoyes ac'op te bit'il sc'op oq'ues. Coma te lum cu'un te ya spasic te mulile; coma te lum yu'un Jacob te jelawiquix bayal ta jtojole.

Isaías 32:7

Te mach'a p'ij ta lo'laywanej, ja' baem ta yo'tan spasel te pejts'e. Ja' nax ay ta uts'inwanej; ya spas ta lot te me'baetic soc te mach'a ya sc'an chajbanele.

Jeremías 9:8

Te yeique, jich bit'il yat'ejibal t'im c'oem yu'un lajel; yacalic ta yalel lo'laywanej ta c'op. Lec nax ya spatbey sbaic yo'tanic yilel soc sjo'tac, pero ta smelelil ja' nax yac xchajbanbel spejts'ul c'oem.

Jeremías 18:20

¿Ja' bal ya sujt'esbonic ta amen te bila leque? Ja'ic la sjoc'boniquix jmuquenal c'oem. Na'a me te la jc'oponat yu'unique, ja' la jc'oponat yu'un te xc'uxtayelique, la jc'anbat te ya aq'uej bael ta stojolic te awilimbae.

Miqueas 6:10

Ay c'ulejalil ta sna te mach'a amen yo'tan te ma lecuc staoje. Ja' ya quilay te lotil p'isjibale.

Miqueas 7:2

Ma'yuc ya xjilix ta balumilal winiquetic te toj ayique, ni ja'uc te jun yo'tanic ta stojol Dios. Spisilic ya smaliyic te bi ora ya xju' yu'unic uts'inwanej; juju-jtul ya spasbey sbaic syaquilic.