Jeremías 5:22 - Bible in Tzeltal de Oxchuc y Tenejapa

²² Jo'on, Ajwalilon jich ya cal: ¿Yu'un bal ma x'axi'onic te ja'exe? ¿Yu'un bal ma xnijq'uex ta jtojol? Jo'on la jpas te bay ya xquejch'aj te sti'il mar, ja' te sti'il te bay ma xc'ax tel te ja'e. Tulan ya stij sbaic ta jyalel te sbule soc te yipe, soc ya x'awunic; ja'uc me to, ma xju' xc'ax tel.

Bible in Tzeltal Bachajón

²² ¿Ma bal yac axi'onic? xchi te Jehová. ¿Ma bal ya xnihquex ta jtojol, ho'on te la jcac' te hi' scuenta sti'il te mar, ha te sti'il te stalel ay, te ma xhu' ya xc'ax tey a? Aunque ya xhahch tselajanel, ma xc'ax bahel; aunque ya x'awonic, ma xhu' ya xc'ax tey a.

Jeremías 5:22 Referans Kwoze

Salmos 104:9

Ta bay la awal mandal te ya xquejch'aje, ma xjelawix a, swenta yu'un ma xcha'muc xan te balumilale.

Job 26:10

La yac'bey sti'il te mare, ja' sti'il yu'un te saquil q'uinale soc te ijc' q'uinale.

Proverbios 8:29

te c'alal la yalbey mandal te ja'etic yu'un mar te ma xju' ya xmal loq'uel ta sti'ile, soc te c'alal la yac'bey yiptajib te balumilale,

Salmos 119:120

Te jbaq'uetal ya xnijc' yu'un xiwel ta atojol; ya quich' ta muc' te bila chapal awu'une.

Deuteronomio 28:58

“Teme ma ba ya apas bael spisil te mandaliletic ts'ibubil jilel li' ta libro in to, soc teme ma ba ya awich' ta muc' te yutsil xch'ul sbiil te Cajwaltic Dios, soc teme ma ba ya axi',

Nahúm 1:4

Ya scom te mar, soc ya staquintes; ya me staquintes spisil te muc'ja'etique. Te spamlejetic yu'un Basán soc te wits Carmelo, ya sayubic, soc ya xlubaj te nichimetic ta Líbano.

Jeremías 10:7

¿Ay bal mach'a ma xi'at atuquel, ja'at te muc' ajwalilat yu'un te nacionetique? Awu'un xi'el atuquel. Ta yolilic te mach'a p'ijic soc muc' ajwaliletic ta balumilal, ma'yuc bay jtuluc jich te bit'ilate.

San Marcos 4:39

Te Jesús jajch'. La scom te iq'ue. La yalbey te mare: —¡Ch'aban, senajan! —la yut. Te iq'ue ch'ab. Lamal nax q'uinal c'ot yu'un.

Apocalipsis 15:4

¿Cajwal, ay bal mach'a te ma xi'ate? ¿Soc ay bal mach'a te ma xyalbat yutsil ac'oplale? Melel atuquel nax te ch'ul Diosate. Ya me xtalic ta atojol spisil ta jchajp te nacionetique soc ya me slajin sbaic ta atojol. Yu'un chican ta comonsitil te toj spisil te bila la apasixe”, xiic ta c'ayoj la caiy.

Amós 9:6

Te Cajwaltic spasoj sna ta ch'ulchan, soc spasoj te syaxal sjamalul moel ch'ulchan te chican ta sba te lumq'uinale. Ja' ya yich' tel te ja'etic yu'un mar, soc ya smal ta sba te lumq'uinale. Ajwalil me te sbiile.

Salmos 99:1

Te Cajwaltic ja' muc' ajwalil stuquel; ya xnijc' te lumetic yu'une; Nacal ta smuc'ul nactijib ta sba te querubinetique. Ya xnijc' te lumetic soc spamal balumilal.

Salmos 33:7

Ja' ya stsobey ya'lel mar soc ya yac' ta q'uejel te sna'bilale.

San Mateo 10:28

Ma me x'axi'ic te mach'atic ya smilbeyex abaq'uetalique, ja'uc me to, ma xju' yu'un ya smilbeyex stuquel te ach'ulelique. Ja' me x'axi'ic te Mach'a ya xju' yu'un ya yaq'uex ta lajel soc abaq'uetalic soc ach'ulelic ta bay infierno.

Isaías 50:2

¿Bi yu'un, te c'alal talone, ma'yuc mach'a la jta? ¿Bi yu'un, te c'alal ay mach'a la quic', ma'yuc mach'a la sjac'bon? ¿La bal acuyic te mero ma xju' cu'un pojbelex loq'uel tele? ¿La bal acuyic te ma xju' cu'un caq'uex ta libre? Ta jp'al nax mandal cu'un, tic' ya xtaquej a te mare, soc te beja'etic ya xc'atp'ujic ta taquin q'uinal, swenta yu'un ya me xlajic ta taquinti'il te chayetique, soc ya me xc'a'ic yu'un te ma'yuc ya'lele.

San Lucas 12:5

Ya calbeyex te mach'a ya sc'an ya axi'ique: Ja' me x'axi'ic te mach'a ya xju' yu'un ya smilat soc te ay yat'el te ya xju' ya yaq'uex ta bay yawil c'ajc' te ma xtup' sbajt'el q'uinale. Ja' me x'axi'ic stuquel.

Daniel 6:26

Yo'tic ya cal tulan mandal ta stojol ta spisil te bay c'alal ayic ta jwenta, te ya me yich'ic ta muc' soc ac'a xch'uunic te Dios yu'un Daniel. Melel ja' mero cuxul Dios stuquel, soc sbajt'el q'uinal ay. Te mandalteswanej yu'une, ma'yuc bi ora ya xlaj, soc ma'yuc slajibal te yu'ele.

Isaías 66:5

Aiybeya awaiyic stojol sc'op te Cajwaltique, ja'ex te awich'ojbeyic ta muc' te sc'ope: —Te ja'exe ay alumalic nix te ya slab-o'tantayex soc ya yuts'inex, melel ya atabonic ta alel te jbiile. Jich ya yalic: “Ac'a yac' ta ilel yutsilal ta atojolic te Cajwaltique; ya jc'antic te binuc nax awo'tanic ya quiltique”, xiic. Ja'uc me to, ya xq'uexawic jilel.

Génesis 1:9

Soc la yal te Diose: “Te ja' te ay ta yanil xyaxal te ch'ulchane, jun nax yawil ac'a c'otuc, ac'a chicnajuc te lumq'uinale”, xi'. Jich pastaj yu'un.

Job 38:8

“Te c'alal t'om jajch'el ta yolil lumq'uinal te mar, ¿mach'a la yac'bey sti' swenta smajq'uil?

Salmos 46:3

manchuc me tulan ya xc'opoj te mar, soc teme ya xjajch' stij sbaj te sbul te ja'e, manchuc me ya syuq'uilay sba te witsetic yu'un sc'ajc'al yo'tan.

Isaías 64:2

Jich ya xc'ot te bit'il c'ajc' te ya xchic' te ch'ixtiquile o jich bit'il ya sbulantes te ja'e. Jich yu'un te acontrotac ya me sna'bat aba; ya me xnijq'uic ta atojol te nacionetique.

Jeremías 2:19

Ja' nix amul atuquel te ya yac'at ta castigo, ta scaj te ma junuc awo'tane. Nopa awaiy soc ya me awilbey sbolil soc xch'aal, ja' te bit'il la awijq'uitayone, soc ma la awich'on ta muc', te jo'on Awajwalon, te Dioson awu'une. Jo'on Ajwalilon te Spisil ya xju' cu'un, jich ya cal.

Amós 4:12

—Jich yu'un, Israel, jich nix me ya jpasbat te ja'ate; te bit'il jich jnopoje, chajbana aba te ya ata aba soc te Dios awu'une —xi'.

1 Reyes 13:28

Te mamal j'alwanej yu'un Dios bajt', chawal ta be c'o sta te mach'a lajeme, tey ayic ta sts'eel a te burro soc nix te león-choje. Te león-choje ma ba sti'oj te mach'a lajem, soc ma ba laj ta pich'ulayel stuquel te burro.

Job 37:24

Ja' yu'un ya x'ich'ot ta muc' yu'un te ants-winiquetic; ma'yuc swentail c'oemic ta stojol te mach'atic p'ijique —xi' te Eliú.

Jeremías 31:35

Te Cajwaltic la yac' te c'aale, swenta yu'un ya sacub q'uinal yu'un; soc la yac' te u soc te eq'uetique, swenta yu'un ya xojobaj ta ajc'ubal; soc ya yac'bey stij sba soc sbul te mar te ya xc'opoj soc te yipe. Ja' me sbiil te Ajwalil te Spisil ya xju' yu'une, ja' ya yal:

Jonás 1:16

Te c'alal la yilic te jtij-barcoetic te bila c'ot ta pasel, xiw yo'tanic yu'un. La yich'ic ta muc' te Cajwaltique. La yalic te ya yac'beyic milbil smajt'an, soc ay bi la yal ya spasbeyic xan ta stojol.