Jeremías 5:15 - Bible in Tzeltal de Oxchuc y Tenejapa

¹⁵ Te Cajwaltic ya yalbey xan sc'oplal: —Israel, ya me quic' tel yajwal lum te c'ubul ay, te ya scontroinat te ja'ate, ja' te jpam lum te tulan ta jyalel soc te mero namey q'uinale. Te ja'ate ma x'ana'bey te sc'ope, ma x'awaiy stojol te bila ya yalique.

Bible in Tzeltal Bachajón

¹⁵ Sts'umbalex Israel, ya quic' tal ta atojol jun nación te namal ay, xchi te Jehová; jun nación te ay yip soc te nameyix, te ma xana'beyic sc'op, ma xawa'iy te bin ya yalique.

Jeremías 5:15 Referans Kwoze

Deuteronomio 28:49

Te nación mero c'ubul ay ta atojol, ya me sticunbat tel ta atojol te Cajwaltique. Jich me ya xtal ta ora te bit'il tulan ya xwil tel te águilae, jun nación te ma x'ana'bey sc'ope.

Jeremías 4:16

“Jultesbeya yo'tanic te nacionetic soc Jerusalén te ay lum, c'ubul ay, te banti ya xtal te controetique; ya stoyesic yawic yu'un guerra ta yilbeyel yo'tanic te lumetic yu'un Judá.

Isaías 33:19

Ma ba ya x'ainatix ta bay lum te ya x'ixta-c'opojique, ta bay mach'atic te wocol ta aiyel stojol te sc'opique, te sc'opic te chujc'ule, te ma'yuc mach'a ya xc'ot ta yo'tane.

Isaías 28:11

Ja' yu'un, teme ma xyich'ic ta muq'ue, Dios me ya xc'opoj ta stojol te lume, ja' me ya xc'oponot ta chujc'ul c'op te yan ta aiyel stojole.

Isaías 5:26

Te Cajwaltic ya stejc'an jun bandera, ta xuxub ya yic' jun nación te c'ubul aye, ta bay c'axem to xan c'ubul ta balumilal ya me yic'. Ya me xtal ta ora, ya xtal ta buen animal.

Jeremías 25:9

ya quic' tel spisil te lumetic ta norte, soc te cabat Nabucodonosor te muc' ajwalil yu'un Babilonia, swenta yu'un ya me xtal yac'beyic guerra in lum to, soc ta spisil te yajwale, soc ta spisil te nacionetic te ayic ta sts'eele. Ya me jin ta jc'axel. Ya me jc'atp'un ta jinem ts'ajq'uetic te ya yac' xiwel soc nijq'uel.

Jeremías 1:15

Jo'on Ajwalilon, smelelil ya calbeyex: Ya quic' tel spisil jmandalteswanejetic yu'unic te mach'atic ayic ta norte. Ya me xtalic te muc' ajwaliletic yu'unic, soc ya me yaq'uic smuc'ul nactijibic ta bay nix stojol yochibal Jerusalén, ta bay stojol sts'ajc'ul te ay ta sjoyobale, soc ta stojol spisil te lumetic yu'un Judá.

1 Corintios 14:21

Jich ts'ibubil jilel ta bay te mandalile: “Ja' in lum to, ya me jc'opon ta yantic c'opiletic soc ta swenta sti' te jyanlumetique. Ja'uc me to, ni ja'uc ya xc'ot ta yo'tanic yu'un, xi' te Cajwaltique”, te xie.

Ezequiel 18:31

Ijq'uitayaic jilel ta jc'axel ta spisil te bitic amen ya apasic ta jtojole. Pasa ta yach'il awo'tanic, pasa ta yach'il acuxlejalic. ¿Bi yu'un ya xlajat, lum Israel?

Jeremías 9:26

Jich bit'il te Egipto, te Judá, Edom, Amón soc Moab, soc spisil te mach'atic ayic ta jochol taquin q'uinal te ya sjoxic te stsotsil sjolic ta xujc' xchiquinique. Melel spisil te lumetic to, soc nix te lum Israel, ta smelelil ma ba yich'oj circuncisión ta yo'tanique —xi'.

Jeremías 6:22

Te Cajwaltic jich ya yal: —C'alal to ta c'ubul q'uinal ta norte, ya xchajban sba tel te nación te bayal yipe.

Jeremías 5:11

Israel soc Judá muquen la stoy sbaic ta jtojol. Jo'on Ajwalilon te jich ya cale —xi' te Cajwaltique.

Jeremías 2:26

“Jich bit'il ya xq'uexaw elec' te c'alal ya xchicnaje, jich me ya xjil ta q'uexlal Israel, ja' te lum, te muc' ajwaliletic, te jtsobwanejetic, te sacerdoteetic soc te j'alwanejetique.

Isaías 29:3

Ya me jticun tel bayal soldadoetic cu'un swenta yu'un ya sjoytayat, ya me smacat ta ajoytayel te soldadoetic; soc ay bila ya jbusan ta swenta cac'belat guerra.

Isaías 5:7

Te ts'usubiltic yu'un te Cajwaltic te Spisil ya xju' yu'une, te ts'unbil yu'un te smulaneje, ja' te nación Israel, ja' te lum Judá. Te Cajwaltic la smaliy te yacuc yich'beyic ta muc' te mandaliletic yu'une, pero ja' nax la sta jmilawaletic tey a; la smaliy te tojuc ya x'at'ejique, pero ja' nax la yaiy stojol aw soc ajc'an.

Daniel 7:7

“Te xchanebal muc'ul chambalam la quile, mero ilaybil sba soc xiweltic sba, soc mero bayal yip ta jyalel. Ay buen muq'uic sbaquel ye, taq'uin te yee. Spisil la sbic' soc la sjin, soc la spech' ta teq'uel te sobraile. Te chambalam, ma pajaluc soc te yantic la quil ta jwaiche, melel ay lajunch'ix xulub ta sjol.

Génesis 11:7

Jich yu'un ja' lec coucotic bael, ya jc'atp'unbeytic sc'opic, swenta yu'un jich ma xyaiybey sbaic sc'opic juju-jtul”, xi' te Cajwaltique.

Deuteronomio 28:33

Te sit te awawal-ats'unub ta aq'uinal, soc ta spisil te bitic ya ata ta awat'ele, ja' me ya swe'ic te mach'atic ma'yuc bi ora la ana'bey sbaic ta neelal to. Soc spisil me ora c'ux obol aba yu'un mozoinel soc ma me ayuc ac'oplal ta o'tanil.

Salmos 81:5

ja' mandal ac'bot José te bi ora Dios la yac' ta ilel yu'el ta Egipto. La caiy c'op te ma ba jna'oj mach'a sc'op, jich la yal:

Isaías 39:3

Jich yu'un bajt' te j'alwanej Isaías, ba yil te muc' ajwalil Ezequías, soc la sjojc'obey: —¿Banti talemic te winiquetique, soc bila la yalbat? —la yut. Te Ezequías la sjac': —Talemic ta c'ubul q'uinal ta yan lum, jajch'emic tel ta Babilonia —xi'.

Daniel 1:4

t'ujbil queremetic te ma'yuc sfaltaic ta sbaq'uetalique, te ay sp'ijil sjolic soc ay sp'ijil yo'tanique, te mero bayal bitic snopojic ta bayuque, soc te chapalic yu'un at'el ta palacio yu'un ajwalil, ya me awic' tel. Ja'ic me ya yich'ic ac'beyel snopic te jc'optic soc te libroetic cu'untic jo'otic te caldeootic —la yut.

Amós 6:14

Ja'uc me to, p'ijanic ta lec, israeletic. Te Cajwaltic, te Dios Spisil ya xju' yu'une, tulan ya yal: —Jo'on ya jajch'es jun nación ta atojolic, ya me yac'bat uts'inel ta jc'axel c'alal ta bay sti'il norte ja' to ta sti'il sur —xi'.

Habacuc 3:16

C'alal la caiy stojol spisil, xiwon yu'un. Jajch' ta nijq'uel te que yu'une, ma ba ipajemonix ta cacan la caiy, spisil jbaq'uetal ch'ay ta jc'axel te yipe. Ja'uc me to, lamal co'tan la jmaliy te bi c'aalil Dios ya yac'bey smel yo'tanic te soldado-j'uts'inwanejetique.