Jeremías 5:13 - Bible in Tzeltal de Oxchuc y Tenejapa

^13-14 Te j'alwanejetic puro ic' nax te sc'opic, ma'yuc sc'op Cajwaltic ta yo'tanic. Lec ay jiche, ja' yalojbon te Cajwaltic Dios te Spisil ya xju' yu'une: —Te bit'il jich la yalique, jich ya xc'ot ta pasel ta stojolic: Te jc'ope ya me cac' x'ain ta awe jichuc c'ajc', soc jichuc ya xc'ot bit'il si' te lume, te ja'uc ya xbic'otic bael c'oem yu'un te c'ajq'ue —xi'.

Bible in Tzeltal Bachajón

¹³ Te jalwanejetic hich ayic te bin ut'il ic', ma ba yich'ojic te c'ope; te bin hich ya yalic hich ac'a c'ohtuc ta pasel ta stojolic.

Jeremías 5:13 Referans Kwoze

Jeremías 14:15

Ja'uc me to, te jo'on Ajwalilon, ya calbey sc'oplal te j'alwanejetic te ya xjelawic ta c'op te ya stabonic ta alel jbiil, te ma'yuc jticunej te ya yalic te ma xtal guerra soc te ma xtal wi'nal li' ta lum to. Jich yu'un ya me xlajic ta guerra soc wi'nal.

Jeremías 14:13

Te jo'one la sujt'esbey te sc'ope: —Ja'uc me to, Cajwal, te j'alwanejetic yacalic ta yalel ta stojol te lume te ma xtal guerra ni wi'nal. Ya yalic te ja'at ya awac'bey xlamaj q'uinal yaiyic bayal c'aal tey ta bay q'uinal to —la cut.

Job 8:2

—¿Jayeb xan tiempo te jich ya xc'opojat, te jich ya xc'opojat te bit'il sc'op te tulan iq'ue?

Oseas 9:7

C'otix yorail te castigoe; c'otix yorail te ya x'ac'bot stoj te smulique. Israel ya me sna' te c'otix yorail castigo. Ya awalic ja'ex: —Te j'alwanej ma sna' q'uinal. Te winic te c'opoj ta yo'tan te Diose, soquem sjol —xaex me. Jich ya awalic, yu'un te nojel mulil ta awo'tanique, melel te slab awo'tanique c'ax muc' ta jyalel.

Jeremías 28:3

Ta cheb ja'wil ya jpas te ya sujt' tel ta templo spisil sbiluquil te la yich' bael ta Babilonia te muc' ajwalil Nabucodonosor.

Jeremías 18:18

Te ants-winiquetic la yal: —Ya jchajbanbeytic sc'oplal ta ch'ayel ta jc'axel te Jeremías. Melel ay sacerdoteetic te ya sp'ijubtesotique, ni ma'yuc falta ta jtojoltic te mach'atic p'ijic te ya yac'botic jna'tic, ni ma spas falta j'alwanejetic te ya sc'asesbotic caiytic te bi ya yal te Diose. Ja' lec ya jlebetic smul, swenta yu'un ya me smilic te Jeremías. Ma me xquich'tic ta muc' te bila ya yale —xiic.

Job 6:26

Te ja'exe la aleonic ta c'op, pero tojol c'opetic nax te yac nax ta bael ta iq'ue.

2 Crónicas 36:16

Ja'uc me to, la yich' stse'luyel te j'alwanejetic yu'un te Diose, la yilayic te bila albotic yu'une. La slabanic te j'alwanejetic yu'un, ja' to c'alal toy te yilimba Cajwaltic ta stojol te lum yu'une, jich ma'yuquix xpoxil c'ot smul te lume.

Proverbios 25:14

Te tocal soc ic' te ma'yuc ya'lele, jich c'oem te mach'a ya yac' majt'anil ta sc'ope, te mero ma xyaq'ue.

Isaías 41:29

Ma'yuc bi ayic a, ni jtebuc. Ma'yuc bi ya xju' yu'unic spasel; jocholic, yolq'uinal loc'ombaetic.

Jeremías 22:22

Ya stasot bael yu'un ic' c'oem spisil te jtsobwanejetic awu'une; te mach'atic smulanejate, ya x'ic'otic bael ta yan lum. Ya me xjilat ta q'uexlal soc peq'uel ya xc'oat ta scaj spisil te bila amen apasoje.

Jeremías 43:2

te Azarías snich'an Osaías, te Johanán snich'an Carea, soc yantic toyba winiquetic la yalbeyic te Jeremías: —Te bila ya awale, lotil. Te Cajwaltic te Dios cu'untique ma ba la yac'bat tel ta awenta awalbelotic te ma xbootic ta Egipto.