Jeremías 5:1 - Bible in Tzeltal de Oxchuc y Tenejapa

¹ Te Cajwaltic ya yal: —Beenanic ta bay calleetic yu'un Jerusalén, ila me awilic ta lec, leaic ta parqueetic, te ayuc mach'a ya ataic tey a te toj ya x'at'eje, te smelelil ya sc'an yac' sba. Teme ay ya ataique, ya me jpasbey perdón te Jerusalén.

Bible in Tzeltal Bachajón

¹ Behenanic ta callehetic yu'un Jerusalén, ila me awilic ta lec, nopa awa'iyic, lehahic ta plazahetic; teme yac atahic jtuhluc te ya spas te bin toj, te ya sle te bin smelelil, yu'un ya jpasbe perdón.

Jeremías 5:1 Referans Kwoze

Ezequiel 22:30

La jleix ta yolilic te mach'a ay bila lec ya spasbey ta stojol te lume, te yacuc stejc'an sba ta c'op cu'un ta stojol te lume, swenta yu'un jich ma ba ya jlajin a te jichuque. Pero ma'yuc banti jtaoj.

2 Crónicas 16:9

Melel te Cajwaltic yat'elinej yilel spisil te bitic ya xc'ot ta pasel ta balumilal, swenta yu'un ya yac'bey yip te mach'atic jun yo'tanic ya yac' smuc'ul yo'tanic ta stojole. Te bila la apasixe, mero bol ta jyalel. Melel jamal ya calbat, ay me bael guerra ya xtal ta atojol —xi' te j'alwaneje.

Isaías 59:4

Te mach'a ya sc'an parte, ma'yuc jtuluc te toj nax ya xc'opoje, ma'yuc mach'a toj yo'tan ya xbajt' ta chajbanel. Ja'uc me to, ja' muc'uben yo'tan yu'un te lot soc te jowil c'opetique; ja' muc'ubenix xch'ujt' yu'un te bila ma lecuque, ya me x'ayin yu'un te mulile.

Salmos 14:3

Ja'uc me to, spisil jowejemic ta be; spisilic pajal boloben yo'tanic. Ma'yuc mach'a ya spas te bila leque. Ma'yuc ni jtuluc.

Proverbios 20:6

Ay tsobolic ya yal sbaic te lec yo'tanic; ja'uc me to, wocol ta tael te mach'a ay smuc'ul co'tantic yu'une.

Salmos 12:1

Coltayawon, Cajwal, melel ma'yuquix mach'a jun yo'tan ta atojol; ma'yuquix te mach'a lec yo'tanique.

2 Tesalonicenses 2:10

Ya me stuuntes spisil ta jchajp muliletic te ya slo'lay a te mach'atic ya xbajt'ic ta ch'ayel, ta scaj te ma la sc'an xch'uun te smelelil c'op te ay colel yu'une.

San Lucas 14:21

Te abate sujt' bael. Spisil c'o xcholbey yaiy te winique. Jich ilin yo'tan yu'un. Jich la yalbey te abate: “Baan ta ora ta muc'ul calleetic soc ta ch'in calleetic ta bay spamal te lume. Ic'a tel te mach'a ma'yuc bi ay yu'unique, soc uuc te jc'ojc'ol-c'abetic, soc coxoetic, soc ma'sitetic”, la yut.

Zacarías 2:4

jich albot yu'un: —Baan ta animal, baan albeya te querem yich'oj ch'ajan swenta sp'isjibal: “Te Jerusalén ya xcha'och xan yajwal. Mero bayal me te yajwal soc bayal me xchamsbalam, te ma xju' ya yich' aq'uel sjoyob ts'ajc'ule.

Amós 8:12

Te ants-winiquetic ya me xbajt'ic ta meletel, yu'un ya slebonic te jc'ope. Ya me xbajt'ic ta mar soc ta yan mar, soc c'alal ta norte soc ja' to ta sloq'uib c'aal; ja'uc me to, ma ba ya staic.

Joel 2:9

Ya yochintay te lume, ya x'animajic ta ba ts'ajq'uetic, ya xmoic ta ba nanatic, ya x'ochic ta ventana jichuc j'eleq'uetic.

Daniel 12:4

“Pero te ja'ate, Daniel, muca me ta awo'tan spisil te bitic la awile; maca, ac'beya selloil te libro, ja' to teme c'ot yorail te slajibale. Ay bayal ants-winiquetic ya xtalic ya xbajt'ic ta bayuc, yacalic me ta sleel te bitic yacuc sna'bey swentaile”, xi' te Gabriele.

Cantares 3:2

Jich ora jajch'on, la coclin ta spamal te lume, ja' yacon ta sleel te mach'a jmulaneje. La jle ta calleetic soc ta plazaetic; la jle, pero ma ba la jta.

Proverbios 23:23

Mana me soc ma me xachon te bila smelelile soc te p'ijil c'ope, te p'ijubtesel soc te sp'ijil ajole.

Proverbios 8:3

ya yac' sba ta aiyel ta xujc' ti'nailetic, ja' te ayic ta yochibal lum, jich ya yal:

1 Reyes 19:10

La sjac' te Elías: —Mero bayal ac'oplal ya caiy ta co'tan, Cajwal Dios te Spisil ya xju' awu'une. Melel te jlumal israeletic la xch'ayix ta yo'tanic te bila achapoj soque. La sbusq'uiniquix ta jinel te scajtijib amajt'an te banti ya yich' chiq'uele, soc la smilic ta puñal te j'alwanejetic awu'une. Jtuquel xanix jilemon, pero ya sleonic yu'un ya slajinbonic jcuxlejal uuc —xi' te Elías.

Jeremías 2:29

¿Bi ya xju' ya awalbonic ta jtojol te ja'exe, te melel apisilic la atoy abaic? Jo'on Ajwalilon, jich ya cal.

Jeremías 44:15

Te mach'atic judioetic te sna'ojic te la yac'beyic pom lotil diosetic te yinamique, soc spisil te antsetic te la stsob sbaic tey a te bayalique, soc nix te yantic judioetic te nainemic ta stojol sur ta sq'uinal Egipto, la sujt'esbeyic sc'op te Jeremías:

Salmos 14:2

Te Cajwaltic c'alal to ta ch'ulchan ya yil te ants-winiquetique; ja' yac ta yilel te ayuc mach'a ya xc'ot ta yo'tan, te ayuc mach'a ya sle te Diose.

Salmos 94:16

¿Mach'a ya xjajch' tel te ya xc'opoj cu'un ta scaj te mach'atic amen yat'elique?

Jeremías 8:6

Jun co'tan yacon ta yaiyel stojol; ja'uc me to, ma'yuc mach'a ya caiybey sc'op jtuluc te ya sujt'es yo'tan yu'un te bila amen soc te jamal nax yo'tan ya yal: ‘¿Bila a te jpasoje?’ te xiuque. Ta spisilic la st'unic bael ta animal te sbeique, jich bit'il caballoetic te tulan ya x'animajic ochel ta guerra.

Jeremías 9:2

Tey ayucon laj ta jochol taquin q'uinal, te nainemucon tey a, c'ubul ayon yu'un a te jlumal te jichuque. Melel spisilic ma junuc yo'tanic; jchajp yac'oj sbaic ta spasel ixtajel.

Jeremías 9:7

Ja' yu'un te jo'on Ajwalilon te Spisil ya xju' cu'une, ya cal: ¿Bi yan ya xju' ya jpas yu'un te lum cu'une? Ja' nax ya cac' ta c'ajc' swenta slecubtesel.

Ezequiel 9:9

La sjac'bon te Cajwaltic, jich la yal: —Te smul te lum Israel soc te Judá, mero muc'. Te lumq'uinal nojel ta miltomba soc nojel tey a te bila ma stojiluc ta pasel. Ya scuyic te la quijq'uitayix jilel te lumq'uinale, soc te ma ba ya quil te bitic yacalic ta spasele.