Jeremías 49:4 - Bible in Tzeltal de Oxchuc y Tenejapa

⁴ ¿Bi yu'un cajal ya awac' aba yu'un te awipe? Te ja'at toyba lum, ya xlajix te awipe. Ja' smuc'ulinej awo'tan te ac'ulejal atsoboje, te jich ya awal: “¿Mach'a c'an yac'bon guerra?” te xaate.

Bible in Tzeltal Bachajón

⁴ ¿Bin yu'un yac atoy aba yu'un te spamlejetic awu'un, te spamlejetic te bayel ya yac' sit, ha'at, antsat te ma junuc awo'tan, te ha smuc'ulinej awo'tan te ac'ulejal, te hich yac awal: ¿Mach'a c'an tal scontrahinon? te xchihate?

Jeremías 49:4 Referans Kwoze

1 Timoteo 6:17

Pasa me ta mandal te mach'atic ay sc'ulejalic ta balumilal te ma me stoy sbaic yu'un, soc te ma me ja'uc ya smuc'ulin yo'tanic te sc'ulejalique, melel ma staleluc ay. Ja' lec te ja' ya smuc'ulin yo'tanic te Diose te stalel cuxul stuquele, te ma p'isbiluc ya yac'botic spisil te bila ya xtuun cu'untic te ya xbujts'naj co'tantic yu'une.

Jeremías 21:13

“Ja'at lum te toyol ayat yu'un te xatal q'uinale, jichat bit'il muc'ul najt'il ton ta spamlej, jo'on Ajwalilon, jamal ya cal te ya jcontroinate. Ja'ex ya awalic: ‘¿Mach'a c'an yac'botic guerra? ¿Mach'a c'an ju'uc yu'un ya xc'ot c'alal ta anjibal cu'untic?’ te xaexe.

Jeremías 9:23

Te Cajwaltic ya yal: —Ma me toyemuc q'uinal ya yaiy te mach'a p'ije, ta scaj nax te sp'ijile; ma me jichuc ya spas te mach'a ay yipe, ta scaj nax te yipe; ma me jichuc ya spas te jc'uleje, ta scaj nax te sc'ulejale.

Jeremías 48:7

“Ja'at Moab, la awich' aba ta muc' soc awip soc ac'ulejal; ja'uc me to, ya me awich' tsaquel. Te Quemós te dios awu'une, ya xbajt' ta chuquel ta c'ubul, soc te sacerdoteetic yu'un, soc te mach'atic muc' sc'oplalique.

Jeremías 3:14

Te Cajwaltic jich ya yal: —Sujt'anic tel, ja'ex toyba alnich'anex, melel jo'on cu'unex. Ya me quic' juju-jtul ta jpam lum, soc che'cheb ta juju-jchajp te ats'umbale, ya me quic' sujt'uc tel ta Sión.

Salmos 62:10

Ma me smuc'ulin awo'tanic te ac'ajc'alique; soc ma me xawac' yu'uninbeyex awo'tanic elec'. Teme ay bi ora c'ulejubexe, ma me ja'uc ya smuc'ulin awo'tanic te biluquetic awu'unique.

Salmos 52:7

“Ila awilic te mach'a ma la sle canantayel yu'un te Diose, ja' te mach'a yich'oj ta muc' te bayal sc'ulejale, soc ja' la smulan spasel te bila amen ta pasele”, xiic.

Salmos 49:6

Melel ja' nax smuc'ulinej yo'tanic te sc'ulejalique; soc ja' nax ya stoy sbaic yu'un te ay bayal bitic ay yu'unique.

Apocalipsis 18:7

Te jich yipal la stoy sba soc te jich yipal la slajin sc'ulejal ta spasel te bila smulanej te sbaq'uetale, jich nix yipal ac'a c'axuc swocol ta uts'inel soc ta oq'uel. Melel jich ya yal ta yo'tan te muc'ul lume: ‘Jo'on muc' antsil-ajwalilon. Ma'yuc bi ora te ya xjilon ta me'ba antse. Ma xquil jwocol ta oq'uel jtuquel’, te xi' ta yo'tane.

Oseas 4:16

Te Israel toyol yac'oj sbaic, jich te bit'il wacax te ma mansubenuque. ¿Ya bal scanantay ta bay t'ujbil aquiltic te Cajwaltique? ¿Pajal bal ya yil soc te bit'il ch'in chijetique?

Jeremías 49:16

Ja' la awac' slo'layat te atoybaile; melel la awac'bey ochel xiwel ta yo'tanic spisilic. Nainemat ta lom ch'entiquile, ataoj te snajt'il sba te witstiquile. Manchuc me mero toyol ya apas apechech jichuc águila, li'to c'alal ya cac'at ta ch'ojel coel tel a. Jo'on Ajwalilon, jich ya cal.

Jeremías 7:24

Ja'uc me to, ma la xch'uunbonic, ni ma la yich'bonic ta muc'; q'uejel la yac' sbaic ta nitel bael yu'un te stoybail yo'tanique. Sc'oplal te sujt'ic tel ta jtojole; ja'uc me to, ja' la yac'bonic tel te spatique.

Proverbios 10:15

Te jcoltaywanej yu'un te jc'ulej, ja' te sc'ulejale; te bit'il ay swocol stuquel te me'ba, ja' te ma'yuc bi ay yu'une.

Jeremías 31:22

¿Bi ora ya xlaj awo'tan te bayuc ya xbaate, te jich jowejemat te bit'il jtul ach'ix te jowejeme? Jo'on Ajwalilon, ay bila jchicnantesej yach'il ta balumilal: Ay jtul ants ya xba sta xan sba soc te smamlale —xi'.