Jeremías 49:3 - Bible in Tzeltal de Oxchuc y Tenejapa

³ “Ac'a ajc'anajuc te Hesbón, melel te lum Hai la yich'ix jinel. Oq'uetaya abaic, antsetic ta Rabá; lapaic ch'ixal pac', maja awo'tanic yu'un; animajanic jichuc mach'atic soquem sjolic, ejch'entesa abaic. Melel te dios Milcom awu'unic ya x'ich'ot bael ta yan q'uinal, soc ya x'ic'otic bael uuc te sacerdoteetic yu'un soc mach'atic muc' sc'oplalic.

Bible in Tzeltal Bachajón

³ ¡Oc'an, Hesbón, como jihnemix te Hai! ¡awonanic, yantsil-nich'nab Rabá, lapahic ch'ixal-pac', oq'uetaya abahic, ahnimajanic ta jehch ta jehch ta yutil te ts'ahc, como te Milcom ic'ot bahel ta chuquel soc te sacerdotehetic soc príncipaletic yu'unique.

Jeremías 49:3 Referans Kwoze

Jeremías 48:7

“Ja'at Moab, la awich' aba ta muc' soc awip soc ac'ulejal; ja'uc me to, ya me awich' tsaquel. Te Quemós te dios awu'une, ya xbajt' ta chuquel ta c'ubul, soc te sacerdoteetic yu'un, soc te mach'atic muc' sc'oplalique.

Jeremías 48:37

Spisil loq'uesbil stsotsil sjolic soc yisimic; spisilic la yejch'entes sc'abic soc slapojic ch'ixal paq'uetic.

Isaías 15:2

Te yajwal lum Dibón ya xmo bael ta oq'uel ta templo yu'unic te ay ta ch'in witse. Te Moab ya smel yo'tan yu'un te la yich'ix jinel te lum Nebo soc te lum Medeba. Spisilic joxbil sjolic, joxbil yisimic.

Jeremías 46:25

Te Cajwaltic te Spisil ya xju' yu'un, te Dios yu'un Israel, ya yal: —Ya cac'bey castigo te Amón, te dios yu'un Tebas ta Egipto, soc te lotil diosetic yu'un, te muc' ajwaliletic yu'un, soc te faraón soc nix te mach'atic smuc'ulinej yo'tane.

Jeremías 4:8

Jich yu'un, lapaic ch'ixal paq'uetic, oc'anic, soc ajc'anajanic yu'un xc'uxul mel-o'tan. “Melel te sc'ajc'al yilimba Cajwaltic te yac ta tilele, ma ba sq'uejoj bael ta jtojoltic”, xaex me ta yalel —xi' te Cajwaltique.

2 Reyes 23:13

Te muc' ajwalil la sjinbey sc'oplal te toyol ch'uunjibaletic te ay ta stojol sloq'uib c'aal yu'un Jerusalén, te ay ta stojol sur ta Wits Olivoiltic, te ja' la spas te Salomón te c'ax ta muc' ajwalil yu'un Israel, te ja' yu'un te Astarté antsil dios te ilaybil nax sba, te lotil dios yu'un sidonetique; soc yu'un Quemos, yan loc'omba te ilaybil nax sba, te lotil dios yu'un moabetique; soc yu'un Milcom, loc'omba te ilaybil nax sba, te lotil dios yu'un te amonetique.

1 Reyes 11:33

Melel te Salomón la yijq'uitayonix ta yo'tan, ochix ta xch'uunel Astarté, antsil-dios yu'un sidonetic; te Quemos, dios yu'un moabetic; soc Milcom te dios yu'un amonetique. Ma lecuc ta jsit te bitic spasoje. Ma ba la yac' c'otuc ta pasel yu'un te mandaliletic cu'un soc te c'op chapal cu'une. Ma jichuc la spas te bit'il la spas te David, ja' te state.

1 Reyes 11:5

Te Salomón la xch'uun te Astarté, te antsil-dios yu'un sidonetic, soc te Milcom, te mero ilaybil sba te loc'omba te sdiosinejic te amonetique.

Santiago 5:1

Aiya awaiyic stojol jc'ulejetic: Awunanic me ta oq'uel yu'un te woclajel ya xtal ta atojolique.

Sofonías 1:5

Ya jlajin te mach'atic ya xmoic ta sba sna te ya xch'uunic te eq'uetique, soc te mach'atic ya squejan sbaic te ay bila ya yalic ta jamal te ya stabonic ta alel jbiil a soc sbiil te lotil dios Milcom.

Amós 1:15

Ya me x'ic'ot bael ta yan lum te muc' ajwalil soc spisil te winiquetic yu'un te muc' sc'oplalique —xi' te Cajwaltique.

Jeremías 51:8

Ja'uc me to, ora nax a yal te Babilonia, wuyultic nax a c'ot. ¡Ochanic ta yoq'uetayel! Ich'beyaic tel xpoxil yu'un te yejch'ene, ya quiltic teme ya xcole —xi' te Cajwaltique.

Jeremías 49:1

Ja' sc'oplal Amón yu'un te Cajwaltique: —¿Banti ay te snich'nab Israel? ¿Banti ay te mach'atic ay bi ya x'ac'bot jilel yu'uninique? ¿Bi yu'un te lotil dios Milcom te ja' yu'uninejix yo'tic te Gad? ¿Bi yu'un te amonetic te nainemic ta lumetic yu'une?

Jeremías 48:20

Moab peq'uelix, nojelix xiwel ta yo'tan. Oq'uetayaic yu'un xc'uxul. Pucbeyaic sc'oplal ta bay muc'ja' Arnón: te la yich'ix jinel te Moabe —xi' te Cajwaltique.

Jeremías 48:2

Te yutsilal Moab laj sc'oplal. Ta lum Hesbón te mach'atic scontrotac te nación Moab ya xchajbanbeyic sc'oplal te ya xch'ay ta jc'axel. Ja'at uuc, lum Madmén, ya awich' jinel, te guerra ma ba ya yijq'uitayat.

Jeremías 6:26

Lum cu'un, lapa ch'ixal paq'uetic ta señail te xc'uxul ya awaiyique, balana aba ta c'ajc'al tan, lapa c'u'il yu'un, soc oc'an ta bay nax c'alal, jich bit'il te ya xlaj te jip jtul anich'ane. Melel te mach'a ya xtal sjinotique, ora nax me ya xtal ta jtojoltic.

Isaías 23:6

Baanic ta Tarsis, ajc'anajuc awo'tanic te yajwalex ti'mar.

Isaías 23:1

J'alwanej c'op ta stojol Tiro: Te muc'ul barcoetic swenta Tarsis yacal ta ajc'an; melel te bay ya xjul ta loq'uele, jinbilix. Te bay jul ta loq'uel te tal ta Chipre, la yich'ix jinel.

Isaías 16:7

Ja' yu'un ta spisil yajwal Moab ya me x'oq'uic yu'un te slumalique; c'axem to xan me ya x'ajc'anajic, ya me yaiybeyic xc'uxul ta swenta te yajwal Kir-hareset.

Isaías 14:31

Mela awo'tanic, lumetic yu'un filisteoetic, awunanic yu'un xc'uxul, nijc'anic me yu'un te xiwele. Melel ta norte ya me xtal bayal soldadoetic jichuc xch'ailel c'ajc', ma me ayuc jtuluc ya xloc' tey a te bay xcholoj sbaique.

Isaías 13:6

Awunanic me ta apisilic yu'un xc'uxul te woclajel, melel nopolix sc'aalelal yu'un te Cajwaltique, xlumlej nax me ya xjul te Mach'a spisil ya xju' yu'une.

Josué 8:28

Te Josué la xchic' te lum Hai, busulbus a jil, asta c'alal ora chican yo'tic.

Josué 7:2

Te Josué ay la sticun bael winiquetic ta Jericó te bajt'ic ta Hai te ay ta stojol sloq'uib c'aal yu'un Betel, te nopol yiloj sba soc te Bet-avén. Yich'ojic mandal te ba stsajtayic te q'uinale. Jich a bajt'ic, ba stsajtayic tel.

Josué 8:1

Te Cajwaltic la yalbey te Josué: —Ma me xiwat, ma me xpejc'aj awo'tan. Tsoba spisil te soldadoetic awu'une; moanic bael, ac'beyaic guerra te lum Hai. Jo'on ya cac'bat atsal te ajwalil yu'un lum Hai soc te yajwale. Jich me ya awich'beyic te slumal soc spisil te sq'uinale.

2 Samuel 11:1

Te David ay jun buelta te la sticun bael te Joab soc te capitanetic soc ta spisil te soldado-israeletique. Ja' yorail te xjajch'ibal snajt'il c'aal te jich la spase, yu'un ja' yorail te c'aem ya xloq'uic ta guerra te ajwaliletique. Te soldado-israeletic la slajinic te amonetique, soc la sjoytaybeyic te slumale, ja' te Rabá. Pero David jilem ta Jerusalén.

Esdras 2:28

te mach'atic ayic ta Betel soc Hai, oxeb slajchaywinic (223)