Jeremías 49:16 - Bible in Tzeltal de Oxchuc y Tenejapa

¹⁶ Ja' la awac' slo'layat te atoybaile; melel la awac'bey ochel xiwel ta yo'tanic spisilic. Nainemat ta lom ch'entiquile, ataoj te snajt'il sba te witstiquile. Manchuc me mero toyol ya apas apechech jichuc águila, li'to c'alal ya cac'at ta ch'ojel coel tel a. Jo'on Ajwalilon, jich ya cal.

Bible in Tzeltal Bachajón

¹⁶ Ha la slo'loyat te atoybahil soc te stoybahil te awo'tane. Ha'at te nahinemat ta c'ubul tontiquil, te ha awu'un te stoyolil te witsiltic, aunque toyol yac apas apechech hich te bin ut'il muc'ul jxic, tey ya jcohtesat a, xchi te Jehová.

Jeremías 49:16 Referans Kwoze

Amós 9:2

Manchuc teme ya snac' sba ta yet'al lumq'uinal, tey me ya jtsac loq'uel tel a; manchuc teme ya xmo bael c'alal stoylejal ch'ulchan, tey ya jcojt'es tel a.

Isaías 49:25

Te Cajwaltic ya yal te jich nix ya xc'ote: —Te c'ajc'al winique ya me xpojbot loq'uel ta sc'ab te bila yich'ojixe; te jtsalwaneje ya xpojbot loq'uel ta sc'ab te bila yich'ojix ta guerra. Jo'on me ya quil jba soc mach'a ya sc'an sleat yu'un ya yac'bat guerra; jo'on nix jtuquel ya jcoltaybat te anich'nabe.

Job 39:27

¿Ja'at bal la awalbey mandal te ya yac' spechech ta stoyolil q'uinal te águilae?

Proverbios 29:23

Te mach'a toyol ya yac' sba, ya me xpejc'anot; yan te mach'a peq'uel yac'oj sbae, ya me x'ich'ot ta muc'.

Proverbios 16:18

Te bila ya xtal ta spat te toyba-o'tanil, ja' te jinele; te bila ya xtal ta spat te toybail, ja' te pejc'anele.

Isaías 2:21

Soc ya me sleic yan ch'entiquil soc nailch'entiquil, swenta yu'un jich me ya snac' sbaic ta stojol te Cajwaltique, te xiweltic nax sba ta scaj xojobil te yipe, te c'alal ya xjajch' te Cajwaltic soc te ya snojes ta xiwel te balumilale.

Cantares 2:14

“Stsumut cu'un, te ya anac' aba ta muc'ul tontiquile, ta toyol chujc'ul nac'jibaletic, ac'bon quilbat asit-awelaw, ac'bon caiybat ac'op. Mero t'ujbil ya caiy te ya quilate. Ay sbujts' ta aiyel te ac'ope”, xi' ta jtojol.

Proverbios 18:21

Teme ayotic ta swenta cuxlejal, o teme ayotic ta swenta lajel, ja' me chican te bila ya yal te quetique; te mach'atic ya xc'opojic bayal, ya me xc'ax swocolic yu'un.

2 Reyes 14:7

Te Amasías la smil lajunmil (10,000) edom-winiquetic ta Spamlej Xatal Q'uinal yu'un Ats'am. Soc la yu'unin te lum Sela, Jocteel sbiil la yac'bey, jich nix sbiilinej c'alal ora.

Isaías 10:14

La jtsaquix ta jc'ab te sc'ulejalic te lumetique, la cu'uninbeyix spisil te sq'uinalique, jich bit'il ay mach'a ya yich' loq'uel tomut ta spechech te ma'yuc yajwale, ni ayuc mach'a la stij xic' c'oem, ni ma'yuc mach'a la sjam ye ta c'op yu'un”, xi'.

Jeremías 49:15

Ya me cac' te ch'in lum ya xc'oat yu'un te lumetique; mero c'ax ilaybil me ya xc'oat yu'un te winiquetique.

Jeremías 50:29

Te Cajwaltic ya yal: —Ic'aic tel spisil te jt'imuywanejetique, swenta yu'un ya me yac'beyic guerra te Babilonia. Joyintayaic tel ta sjoyobal te lume, swenta yu'un ma me ayuc mach'a ya xcol loq'uel. Ac'beyaic stoj te bit'il ya sc'an te yat'ele; jich nix me ya apasbeyic te bit'il la spase. Melel la yal ixta c'op ta jtojol te Ajwalilon, te Ch'ul Dioson yu'un Israel.

Jeremías 51:53

Manchuc me c'alal ta yolil ch'ulchan c'oem te Babilonia swenta yu'un toyol me ya xc'ot te tulanil anjibal ts'ajc' yu'une, ya me jticun bael ta jinel yu'un te scontrotaque. Jo'on Ajwalilon, jich ya cal —xi'.

Habacuc 2:9

¡Ya me awil awocol ja'at te la anojesix ana a te bitic la awelc'ane, swenta yu'un ya scoltayat ta ac'op spisil te bila chujc'ulya xtal ta atojole!

Malaquías 1:3

yan te Esaú ma lecuc co'tan yu'un stuquel. Te slumal Esaú witstiquil te sq'uinale; ja'uc me to, la jc'atp'un ta jochol taquin q'uinal. Jich te sq'uinal sts'umbal Esaú ja' nax lec yu'un yawil te ja'mal ts'i'etic —xi' te Cajwaltique.

Jeremías 48:14

“Ma me xyal te Moab: “Jo'otic tulanotic, ay quiptic yu'un guerra”, ma me xiuc.