Jeremías 49:12 - Bible in Tzeltal de Oxchuc y Tenejapa

¹² Te Cajwaltic ya yal: —Ay mach'atic te ma'yuc smul te la yuch'iquix te taza yu'un castigo; in te ja'exe puersa me ya xc'ot ta awenta te castigoe, ya nix me awuch'ic a.

Bible in Tzeltal Bachajón

¹² Hich yaloj te Jehová: Te mach'atic ma ba a'botic yuch' te copa yu'un castigo, ya me yuch'ic. ¿Yu'un bal libre ya xhilat yu'un spisil? ¡Ma ba ya xhilat ta libre, ya me awuch'!

Jeremías 49:12 Referans Kwoze

Abdías 1:16

Te ja'ex ch'a la awaiyic te bila ay ta vaso te la awuch'ic ta ch'ul wits cu'une. Ja' nix me jich ch'a ya yaiyic te bila ay ta vaso te yantic nacionetique, c'unc'un ya yuch'ic bael; jich me jc'axel ya xch'ayic bael.

Jeremías 46:27

Te Cajwaltic ya yal: —Ma xiwat, lum Jacob, abat cu'un; ma me xiwat, Israel. Melel ja'at soc anich'nab ya jloq'uesat tel ta libre ta banti ic'otat bael ta mosoil. Ya me xcha'lamaj q'uinal awaiyic; junuc nax me awo'tan tey a, ma me ayuc mach'a ya xiwtesat.

Jeremías 30:11

Jo'on Ajwalilon, jich ya cal, joinejat swenta yu'un ya jcoltayat. Ya me jin spisil te nacionetique, ja' te bay la jpuquex baele. Yan te ja'ate ma ba ya jinat; ja' nax ya cac'bat castigo jich te bit'il ya sc'an te awat'ele; ma me jichuc nax ya quijq'uitayat jilel te ma xcac'bat castigo —xi' te Cajwaltique.

Jeremías 25:15

Te Cajwaltic te Dios yu'un Israel, la yalbon: —Ilawil te copa te nojel yu'un vino, ja' te quilimbae. Tsaca soc ac'beya yuch' spisil te nacionetic ta bay ya jticunat baele.

Proverbios 17:5

Te mach'a ya slaban te me'ba, ja' me yac ta slabanel a te Jpaswanej yu'une; te mach'a bin nax yo'tan ta slabanel te mach'a ay swocole, ya me yich' castigo yu'un.

San Mateo 20:22

Te Jesús la yalbey: —Ma x'ana'bey swentail te bila ya ac'ane. ¿Ya bal xju' awu'unic uuc te woclajel ya x'ac'botone? ¿Soc ya bal xju' awu'unic uuc te uts'inel ya quich' te jo'one? —xi'. La yalic: —Yac, ya xju' cu'untic uuc —xiic.