Jeremías 49:11 - Bible in Tzeltal de Oxchuc y Tenejapa

¹¹ “Ijq'uitaybon te me'ba alaletic awu'une, ya jcanantay. Te me'ba antsetic awu'une ya xju' ya smuc'ulin co'tan”, te xiique —xi' te Cajwaltique.

Bible in Tzeltal Bachajón

¹¹ Ihquitaya te me'ba'etic awu'un, ho'on ya jcanantay; soc te me'ba' antsetic awu'un ha ya smuc'ulinon yo'tanic, xchi.

Jeremías 49:11 Referans Kwoze

Salmos 68:5

Ja' te Dios ay ta ch'ul templo yu'une, ja' stat c'oem te me'ba alaletique, ja' ya xc'opoj yu'unic te me'ba antsetique.

Santiago 1:27

Te bit'il ay ta ch'uunel ta lec te Diose soc te ma capaluc ta mulil ya yil te Jtatic Diose, ja' in to: Ja' te ya xc'uxtay me'ba alaletic soc me'ba antsetic te c'alal ay swocolique, soc te ya scanantay sba yu'un te bila ma lecuc ta pasel ta balumilale.

Oseas 14:3

Asiria ma xju' ya scoltayotic; soc ma xju' xcolotic yu'un te caballoetique. “Dios cu'untic”, ma me xoocotic ta stojol te bila jpasojtic ta jc'abtique. Melel ja'at nax atuquel, Cajwal, te ya ana'bon yo'bolil jba te me'ba alalone —xaat me ta stojol te Diose.

1 Timoteo 5:5

Yan te me'ba ants te ma'yuc mach'a ay yu'une soc te stuquel aye, ja' yipinej yo'tan te Diose. C'aal ajc'ubal ya yalbey wocol ta sc'oponel te Diose.

Malaquías 3:5

Te Cajwaltic te Spisil ya xju' yu'un ya yal: —Jo'on ya xtal quilbeyex awat'elic. Jo'on me testigoon, ya me cal ta jamal te mach'a yat'elinej ac'-chamel soc mulwej; te mach'atic ya spas lot; te mach'atic ya yuts'inic te j'at'eletic, me'ba antsetic, soc me'ba alaletic; te mach'atic ma lecuc yo'tanic ta stojol jyanlumetic; soc te mach'atic ma xyich'onic ta muq'ue.

Jonás 4:11

¿Ja'uc to balix a jiche te muc'ul lum Nínive te banti ay c'axem ta wacwinic ta jmil (120,000) alaletic te ma to sna'ic q'uinale, soc bayal chambalametic tey ae? ¿Ma bal yacuc jna'bey yo'bolil sbaic jiche? —xi' sc'oplal yu'un Dios te Jonase.

Salmos 146:9

te Cajwaltic ya scanantay te jyanlumetic, swentainej stuquel te me'ba alaletic soc te me'ba antsetique; yan te mach'atic amen yo'tanic ya me yac' xjowej ta beel stuquelic.

Salmos 82:3

Stojil xachajbanic te mach'atic ma'yuc yipic, soc stojil xachajbanic te me'baetic soc te me'ba alaletique; te mach'atic ma'yuc bi ay yu'unique.

Deuteronomio 10:18

Ya spasbey te bila stojil ta swentaic te me'ba alaletic soc te me'ba antsetique. C'ux ta yo'tan te jyanlumetic te nainemic ta awolilic, ya yac'bey swe'elic soc ya yac'bey sc'u'-spaq'uic.

Zacarías 7:10

Ma me xawac'bey swocolic te me'ba antsetic, te me'ba alaletic soc te jyanlumetic te ayic ta awolilique, soc te mach'atic ma'yuc bitic ay yu'unique. Ma me talel c'axeluc ya alebey aba awocolic —xi' te Cajwaltique.