Jeremías 49:1 - Bible in Tzeltal de Oxchuc y Tenejapa

¹ Ja' sc'oplal Amón yu'un te Cajwaltique: —¿Banti ay te snich'nab Israel? ¿Banti ay te mach'atic ay bi ya x'ac'bot jilel yu'uninique? ¿Bi yu'un te lotil dios Milcom te ja' yu'uninejix yo'tic te Gad? ¿Bi yu'un te amonetic te nainemic ta lumetic yu'une?

Bible in Tzeltal Bachajón

¹ Hich ay sc'oblal te amonetique. Hich yaloj te Jehová: ¿Ma bal ayuc snich'nab te Israel? ¿Ma bal ayuc mach'atic ya x'ich'bot hilel yu'un te bintic ay yu'une? ¿Bin yu'un te Milcom la yich' hilel te Gad, soc te nahinemic ta pueblohetic yu'un te ants-winiquetic yu'une?

Jeremías 49:1 Referans Kwoze

Deuteronomio 23:3

“Te amonetic soc te moabetic, ma'yuc bi ora ya xju' ya stsob sbaic soc Israel ta stojol Cajwaltic, ni ja'uc ta slajuncajal yal-snich'an.

Jeremías 49:7

Ja' sc'oplal Edom yu'un Cajwaltic te Spisil ya xju' yu'une: —¿Yu'un bal ma'yuquix mach'a ay sp'ijil ta Temán? ¿Yu'un bal ma sna'iquix te bila ya spasic te mach'atic ay sp'ijil sjolique? ¿Ch'ay balix te sp'ijilique?

Jeremías 25:21

soc ja' nix jich te Edom, Moab soc Amón;

2 Crónicas 20:1

Ta patil te moabetic soc te amonetic la xchap sbaic soc te meunitaetic te ya xba yac'beyic guerra te Josafat.

Jeremías 49:28

Sc'oplalic yu'un Cajwaltic te sts'umbal Cedar soc te jtsobwanejetic yu'un yajwal Hazor, te la yich'ic tsalel yu'un Nabucodonosor, muc' ajwalil yu'un Babilonia: —¡Jajch'anic me, ac'beyaic guerra te Cedar! Lajinbeyaic me sts'umbal te ay ta stojol sloq'uib c'aale.

Jeremías 49:23

Sc'oplal te Damasco te ya yal te Cajwaltique: —Te lumetic yu'un Hamat soc Arfad ayic me ta q'uexlal, melel ma lecuc te c'op jul ta stojolique. Ya xnoj yo'tanic yu'un xiwel, ma ba lamalix yo'tan ya yaiyic.

Jeremías 48:1

Ja' sc'op Cajwaltic te Spisil ya xju' yu'un, te Dios yu'un Israel, te ja' sc'oplal Moab. Jich ya yal: —¡Obol sba te lum Nebo, la yich'ix jinel! ¡Quiriataim, tsacot soc pejc'anot! Te tulanil ts'ajc' yu'un, jinot coel c'alal ta lum.

Jeremías 27:3

Soc ticunbeya c'op te muc' ajwaliletic ta Edom, Moab, Amón, Tiro soc Sidón, ta swenta te j'al-c'opetic yu'unic te julemic ta Jerusalén ta yula'tayel te muc' ajwalil Sedequías.

Jeremías 25:9

ya quic' tel spisil te lumetic ta norte, soc te cabat Nabucodonosor te muc' ajwalil yu'un Babilonia, swenta yu'un ya me xtal yac'beyic guerra in lum to, soc ta spisil te yajwale, soc ta spisil te nacionetic te ayic ta sts'eele. Ya me jin ta jc'axel. Ya me jc'atp'un ta jinem ts'ajq'uetic te ya yac' xiwel soc nijq'uel.

Salmos 83:7

Gebal, Amón soc Amalec, filisteoetic, soc te mach'atic nainemic ta lum Tiro.

Salmos 9:6

Te jcontro lajemix, laj soc te lumetic yu'unique; ja'at la ajin atuquel, ma'yuc bay jil sna'jibal te lumetique, ni jtebuc.

Nehemías 4:7

Pero te c'alal la yaiyic te Sanbalat, te Tobías, te árabeetic, te amonetic soc te mach'atic ayic ta Asdod, te xquechet ta ju'el bael ta cha'pasel xan te sjoyob ts'ajc'ul te Jerusalén, soc te yaquix ta majq'uel tel te banti jamale, mero bayal jajch' slab yo'tanic yu'un.

Nehemías 2:19

Pero c'alal la yaiyic te Sanbalat te talem ta Horón, soc Tobías te amon-winic te yich'oj yat'ele, soc te Gesem te árabe-winique jajch'ic ta labanwanej ta jtojoltic. Jich la yalbotic swenta ilayel: —¿Bi yacalex ta spasel? ¿Yu'un bal ya anopiquix te ya x'och atoyix abaic ta stojol te muc' ajwalile? —xiic c'oel ta labanwanej.

2 Crónicas 20:23

Melel te amonetic soc te moabetic, ja' ba yac'beyic guerra te mach'atic talemic ta wits Seir, jc'axel la slajinic. Ta patil te c'alal laj yu'unic, jajch' smil sbaic.

2 Reyes 24:2

Te Cajwaltic la sticunbey bayal ta jchajp eleq'uetic: caldeoetic, siriaetic, moabetic soc amonetic. La sticun swenta scontro Judá yu'un ya slajinic, jich te bit'il neel yaloj te Cajwaltic ta swenta te j'alwanejetic, ja' te abatetic yu'une.

2 Reyes 10:33

te jajch'em bael ta stojol sloq'uib c'aal yu'un muc'ja' Jordán: spisil te sq'uinal Galaad, te sq'uinal Gad, te sq'uinal Rubén, soc te sq'uinal Manasés, te jajch'em ta lum Aroer te pajal ay soc te muc'ul beja' Arnón, tey ochem spisil te sq'uinal Galaad soc te sq'uinal Basán.

Deuteronomio 2:19

Pero te c'alal ya ata aba soc te amonetic, te ja' nix patil alnich'anetic yu'un Lot, ma me xawuts'in soc ma me xawac'beyic guerra, melel ma ba ya cac'bat ni jtsaluc te lumq'uinale, melel jo'onix la cac'bey yu'uninic stuquelic”, xi'.

Génesis 19:38

Ja' nix jich ayin yal te ijts'inale, Ben-amí sbiil c'ot yu'un. Jich te Lot ja' sts'umbal te amonetic te ayic ta q'uinal ta ora to.

Números 1:24

Te sts'umbal Gad, loc' jo'eb yoxwinic ta jmil soc lajuneb yoxlajunwinic xcha'bajc' (45,650).

Deuteronomio 23:4

Melel te c'alal c'axex tel ta sq'uinalique, te c'alal loq'uexix tel ta sq'uinal Egipto, ma ba la yac'beyex awe'elic, soc ni lajuc yac'beyex awuch'ic ja'. Soc la stojic te Balaam, te snich'an Beor te talem ta lum Petor ta Mesopotamia, swenta yu'un ya sc'anbeyex castigo ta atojolique.

Jeremías 12:14

Te Cajwaltic jich ya yalbey sc'oplal te lumetic te amene, te jun sts'acan soc Israel, te la sjinic te q'uinal te la yac'bey yu'unin Israel te lum yu'une: —Jo'on ya jbul loq'uel ta sq'uinalic, soc ya jloq'ues ta yolilic te Judae.

Sofonías 1:5

Ya jlajin te mach'atic ya xmoic ta sba sna te ya xch'uunic te eq'uetique, soc te mach'atic ya squejan sbaic te ay bila ya yalic ta jamal te ya stabonic ta alel jbiil a soc sbiil te lotil dios Milcom.

Ezequiel 21:25

Ja'at muc' ajwalil yu'un Israel, c'ax amenat soc ma'yucat ta stojol Dios, nopolix ya sta yorail te ya awich' te castigo swenta slajibale.

Ezequiel 25:1

Te Cajwaltic la sc'oponon, jich la yalbon: