Jeremías 48:7 - Bible in Tzeltal de Oxchuc y Tenejapa

⁷ “Ja'at Moab, la awich' aba ta muc' soc awip soc ac'ulejal; ja'uc me to, ya me awich' tsaquel. Te Quemós te dios awu'une, ya xbajt' ta chuquel ta c'ubul, soc te sacerdoteetic yu'un, soc te mach'atic muc' sc'oplalique.

Bible in Tzeltal Bachajón

⁷ Te bin ut'il ha smuc'ulinej awo'tanic te awa'telic soc ac'ulejalic, ha nix hich ya me awich' tsaquel. Te Quemos ya x'ic'ot bahel ta chuquel soc te sacerdotehetic soc te príncipaletic yu'une.

Jeremías 48:7 Referans Kwoze

Números 21:29

¡Obol aba, ja'at Moab! ¡Ch'ayematix, te lumat yu'un dios Quemós! La spijt'esbat jilel te winiquetic awu'un, loq'uic ta anel, te antsetic awu'unic ochic ta sc'ab te muc' ajwalil Sehón.

Jeremías 49:3

“Ac'a ajc'anajuc te Hesbón, melel te lum Hai la yich'ix jinel. Oq'uetaya abaic, antsetic ta Rabá; lapaic ch'ixal pac', maja awo'tanic yu'un; animajanic jichuc mach'atic soquem sjolic, ejch'entesa abaic. Melel te dios Milcom awu'unic ya x'ich'ot bael ta yan q'uinal, soc ya x'ic'otic bael uuc te sacerdoteetic yu'un soc mach'atic muc' sc'oplalic.

Jeremías 9:23

Te Cajwaltic ya yal: —Ma me toyemuc q'uinal ya yaiy te mach'a p'ije, ta scaj nax te sp'ijile; ma me jichuc ya spas te mach'a ay yipe, ta scaj nax te yipe; ma me jichuc ya spas te jc'uleje, ta scaj nax te sc'ulejale.

Salmos 52:7

“Ila awilic te mach'a ma la sle canantayel yu'un te Diose, ja' te mach'a yich'oj ta muc' te bayal sc'ulejale, soc ja' la smulan spasel te bila amen ta pasele”, xiic.

1 Timoteo 6:17

Pasa me ta mandal te mach'atic ay sc'ulejalic ta balumilal te ma me stoy sbaic yu'un, soc te ma me ja'uc ya smuc'ulin yo'tanic te sc'ulejalique, melel ma staleluc ay. Ja' lec te ja' ya smuc'ulin yo'tanic te Diose te stalel cuxul stuquele, te ma p'isbiluc ya yac'botic spisil te bila ya xtuun cu'untic te ya xbujts'naj co'tantic yu'une.

Oseas 10:13

Ja'uc me to, te ja'ex ja' la awat'elinic sts'unel te bila amene, ja' yacalex ta sc'ajel te bila ma stojiluque, soc ja' yacalex ta swe'el sit te lote. “Ta scaj te la awich' aba ta muc' yu'un te bayal acarreta yu'un guerra soc te bayal te soldadoetic awu'une,

Jeremías 48:46

¡Obol aba ja'at Moab! ¡Lum yu'un Quemós, ch'ayematix! Te anich'nab queremetic ach'ixetic ya me x'ic'otic bael ta mosoil.

Jeremías 48:13

Jich yu'un te Moab ya me yaiy q'uexlal ta yo'tan ta swenta te Quemós te dios yu'une, jich bit'il Israel la yaiy q'uexlal ta swenta Betel, te tey yac'oj smuc'ul a te yo'tane.

1 Reyes 11:33

Melel te Salomón la yijq'uitayonix ta yo'tan, ochix ta xch'uunel Astarté, antsil-dios yu'un sidonetic; te Quemos, dios yu'un moabetic; soc Milcom te dios yu'un amonetique. Ma lecuc ta jsit te bitic spasoje. Ma ba la yac' c'otuc ta pasel yu'un te mandaliletic cu'un soc te c'op chapal cu'une. Ma jichuc la spas te bit'il la spas te David, ja' te state.

Apocalipsis 18:7

Te jich yipal la stoy sba soc te jich yipal la slajin sc'ulejal ta spasel te bila smulanej te sbaq'uetale, jich nix yipal ac'a c'axuc swocol ta uts'inel soc ta oq'uel. Melel jich ya yal ta yo'tan te muc'ul lume: ‘Jo'on muc' antsil-ajwalilon. Ma'yuc bi ora te ya xjilon ta me'ba antse. Ma xquil jwocol ta oq'uel jtuquel’, te xi' ta yo'tane.

Jeremías 43:12

Ya me xchic'bey jilel te temploetic yu'un te lotil diosetic ta Egipto, soc ya yich' chiq'uel jilel te lotil diosetique, o ya x'ich'ot bael jichuc jchuqueletic. Ya me sloq'uesbey sbiluc te sq'uinal Egipto, jich bit'il jtul jcanan-chij ya sloq'uesbey sac-uch'il te sc'u'e, soc jich me ya xbajt' ta ora, ma me ayuc mach'a ya xcomot yu'un.

Jeremías 13:25

Jich me ya xc'ot ta awenta, Israel, jich ya sc'an te ya jpasbate. Jo'on Ajwalilon, jich ya cal. Melel la ach'ayon ta awo'tan, ja' ba awac' smuc'ulin awo'tan te lotil diosetic awu'une.

Salmos 40:4

Bin nax me yutsil te mach'a ja' ya smuc'ulin yo'tan te Cajwaltique, te ma ja'uc ya sle sjoin te mach'atic toybae, ni ja'uc ya spajbey yo'tan soc te mach'atic xch'uunejic te lotil diosetique.

1 Reyes 11:7

Ja' nix ta yorail a, te Salomón la spas toyol ch'uunjibaletic ta wits te ay ta stojol sloq'uib c'aal yu'un Jerusalén te banti ya yich' ich'el ta muc' te loc'omba te mero ilaybil sba te yich'ojic ta muc' te moabetic, te Quemos sbiile, soc nix te yan loc'omba te mero ilaybil sba te Moloc sbiil, te ja' yich'ojic ta muc' te amonetique.

Jueces 11:24

Teme ja' te dios awu'unic, te Quemós sbiil, ya yac'beyex jtebuc q'uinal te ya awu'uninique, ja' awu'unic nix ya xc'ot a, ¿me jichuc? Jich te jo'otique, cu'untic nix c'ot a te bi la yac'botic te Cajwaltique.

2 Samuel 5:21

Te filisteoetic la yijq'uitay jilel te yajcananique. Te David soc te swinictaque la yich'beyic bael.

Jeremías 49:4

¿Bi yu'un cajal ya awac' aba yu'un te awipe? Te ja'at toyba lum, ya xlajix te awipe. Ja' smuc'ulinej awo'tan te ac'ulejal atsoboje, te jich ya awal: “¿Mach'a c'an yac'bon guerra?” te xaate.