Jeremías 48:44 - Bible in Tzeltal de Oxchuc y Tenejapa

⁴⁴ Te mach'a ya xcol bael yu'un te jts'iwiletique, ya xch'ay coel ta xaab, soc teme ya xloc' tel ta xaabe, ya x'och ta pejts'. Melel ya sta sc'aalelal ya quich' tel castigo ta stojol Moab. Jo'on Ajwalilon, jich ya cal.

Bible in Tzeltal Bachajón

⁴⁴ Te mach'a ya x'ahn loq'uel yu'un xiwel, ya xyahl cohel ta hotbil ch'en, soc te mach'a ya xloc' tal ta hotbil ch'en, ya x'och ta yaquil. Como ya quich' tal ta stojol Moab te yorahil castigo, xchi te Jehová.

Jeremías 48:44 Referans Kwoze

Jeremías 11:23

Ma'yuc mach'a ya xcol jilel jtuluc, melel ya me sta sc'aalelal te ya quich'bey ta wenta yat'elic te yajwal Anatot, ya me cac' tel woclajel ta stojolic —xi' te Cajwaltique.

1 Reyes 19:17

Jich yu'un te mach'a ya xcol ta spuñal Hazael, ja' me ya smil te Jehú, soc te mach'a ya xcol ta spuñal te Jehú, ja' me ya smil te Eliseo.

Amós 5:19

Jich me ya xc'ot te bit'il mach'a ya x'an bael yu'un te león-choje; ja'uc me to, ora ya sta sba soc oso. O jich bit'il te mach'a ya x'och bael ta sna te ya xijc'an sba ta pajc', te tey ya sta ti'el ta chan a.

Jeremías 46:21

Te soldado tojbil sc'aalic yu'une, jichic yilel te bit'il jujp'en wacaxetic; ja'uc me to, jich nix ya xloq'uic ta animal ta anel. Ma xcujch' yu'unic, melel ya xc'otix sc'aalelal te swocolic, te yorail castigo yu'une.

Miqueas 7:4

Te mach'atic lec yilel jich c'oemic te bit'il ch'ix; te mach'a ich'bil ta muq'ue, jich nix c'oemic. Ja'uc me to, ya sta sc'aalelal te ya yich' ilel te at'elile, ja' te bi c'aalil la yalbat te j'il-q'uinale. Ja' yu'un jich ya xcajic ta soquetel.

Oseas 9:7

C'otix yorail te castigoe; c'otix yorail te ya x'ac'bot stoj te smulique. Israel ya me sna' te c'otix yorail castigo. Ya awalic ja'ex: —Te j'alwanej ma sna' q'uinal. Te winic te c'opoj ta yo'tan te Diose, soquem sjol —xaex me. Jich ya awalic, yu'un te nojel mulil ta awo'tanique, melel te slab awo'tanique c'ax muc' ta jyalel.

Jeremías 51:18

Ma'yuc sc'oplal stuquel, swenta tse'luyel ayic; ta yorail chajbanel yu'un Cajwaltic ya me sjin.

Jeremías 23:12

Jich yu'un, te sbe ijc'uben me, soc biluben me; ya me cac' te ya scotp'inic, jich me ya xyalic. C'alal ya quich'bey ta wenta yat'elic, ya me cac' tel tulan woclajel ta stojolic. Jo'on Ajwalilon, jich ya cal.

Jeremías 16:16

“Jo'on Ajwalilon, jich ya cal, ya me cac' xtal bayal jtsac-chayetic c'oem, swenta yu'un ya me stsaquic jichuc chay te israeletique. Soc ya cac' xtalic bayal jnutsmajeletic c'oem, swenta yu'un ya xnutsmajic soc ya sloq'uesic tel ta spisil witstiquil, ta ch'in witstiquil, soc asta ta bay jatemic te tontiquile.

Jeremías 10:15

Ma'yuc sc'oplal stuquel, swenta tse'luyel ayic; ta yorail chajbanel yu'un Cajwaltic ya me sjin.

Isaías 24:18

Te mach'a ma stsacot yu'un te jnutsojeletic, ya xch'ay coel ta ch'en; soc te mach'a ya xloc' tel ta ch'ene, ya x'och ta pejts'. Ay pulemal ya xco tel ta ch'ulchan, ya me syuc'bey yiptajib te balumilale.

Isaías 10:3

¿Bi ya apasic te c'alal ya x'och ta ich'el ta wenta te awat'elic, c'alal ya awilic c'ubul ayix a te castigoe? ¿Mach'a ya xba ac'anbey xan coltayel? ¿Banti ya awaq'uic jilel te ac'ulejalique?

1 Reyes 20:30

Te jteb xan soldadoetic jilic, bajt'ic ta anel ta lum Afec. Pero te juqueb xan xcha'winic ta jmil (27,000) soldadoetic colic loq'uel ta c'abale, tenotic yu'un te c'alal jin coel te sts'ajc'ul te lum Afec. Te Ben-adad loc' ta anel, c'ot c'alal ta lum, och snac' sba ta nanatic.

Jeremías 8:12

Ya me sc'an ya xq'uexawex yu'un te yacalex ta spasel te bila ma sts'ijq'uix cu'une; ja'uc me to, ma'yuc q'uexlal ta yo'tanic, maniwan ya sna'ic te bila a te q'uexlale. Jich yu'un te c'alal ya cac'bey castigo, ya me sc'ojch'in yacan, ya me xyalic jich bit'il te yantique. Jo'on Ajwalilon te ya cale”, uta me —xi' te Cajwaltique.

Jeremías 50:24

Ja'at nix atuquel, Babilonia, la ayac aba ta lazo, ma la ana' stojol te ja'at tey ya xyalat ae. Tey chujc'at jilel a, tsacotat, melel tulan la awac' aba ta scontroinel te Cajwaltique.

Jeremías 50:27

Milbeyaic spisilic te soldadoetic yu'une, ticunaic bael ta miljibal. ¡Ya me yil swocolic! ¡C'otix sc'aalelal, yorailix te castigo ta stojolique!

Lamentaciones 3:47

xiwtesel, yaquiletic, jinel soc lajinel, ja' c'oemic ta jwentatic.

Isaías 24:17

Te yajwalic te balumilale jich ya xc'otic te bit'il chambalametic te nutsbilic yu'un te jnutsojeletic. Jich nax ya xch'ayic coel ta joc'bil ch'en, o teme ya x'ochic bael ta pejts'.

Jeremías 49:8

Yajwal Dedán, loc'anic ta animal, baan, nac'a abaic. Melel ya jinbey te lum yu'un Esaú; c'otix yorail te ya cac'bey castigo.