Jeremías 48:11 - Bible in Tzeltal de Oxchuc y Tenejapa

¹¹ Moab lamal nax q'uinal la yaiy spisil ora, ma'yuc bay baem ta mosoil ta yan lum. Jich c'oem te bit'il vino te ya sts'ab sba ta yawil, te ma'yuc bay yich'oj aq'uel ta yan yawil, te jich ma xch'ay sbujts', ni ma xch'ay yic'.

Bible in Tzeltal Bachajón

¹¹ Te Moab lamal q'uinal la ya'iy c'alal ta squeremil, hich te bin ut'il vino te ya sts'aban sba ta yawil, ma ba yich'oj aq'uel ta yan yawil, mayuc bin ora te bahem ta chuquel. Ha yu'un stalel ay yutsil a, ma ba yanijem te sumet yiq'ue.

Jeremías 48:11 Referans Kwoze

Sofonías 1:12

“Ja' me yorail te ya jtsac yawil c'ajc', yu'un ya quil spamal a te Jerusalén. Jich me ya cac'bey castigo te ants-winiquetic te lamal q'uinal ya yaiyic ta sc'opique, jich bit'il vino te slamoj sbae, te ya yal ta yo'tanic: “Te Cajwaltic ma'yuc bila ya spas, ni lec ni amen”, te xiique.

Zacarías 1:15

Ja' swentail te til jajch'el sc'ajc'al co'tan yu'unic te nacionetic te ma'yuc sc'oplal ta yo'tanic te lum cu'une. Melel la yaq'uic xan puersa ta spasel te bila amene, manchuc me jteb to nax ilinemon a.

Nahúm 2:2

Melel te Cajwaltic ya sujt'esbey yutsilal Jacob, ja' te yutsilal Israel. Jich nix bit'il ta neelal, te la apojbey baele, t'anal la awijq'uitayic jilel jich bit'il ste'el ts'usub te ma'yuc sc'ab ya xjile.

Jeremías 48:29

Ya jna'beytic sba te smuc'ul toybail Moab, te sbol-c'op te cajal yac'oj sba soc stoybail.

Isaías 24:3

Te lumq'uinal jochol me ya xjil ta jyalel, jc'axel ma'yuc bi ya xjil, ya xpojbot bael spisil. Melel jich me yalojbey sc'oplal te Cajwaltique.

Isaías 16:6

Ya jna'tic te mero c'ax muc' yac'oj sbaic te Moab, yich'oj sba ta muc', cajal yac'oj sba, bayal stoyoj sba, soc tojol te bitic ya yale.

Salmos 123:4

Bayal c'axemix jwocoltic ta labanel yu'un jc'ulejetic, soc ta ilayel yu'un te mach'atic toyba-o'tanetique.

Salmos 55:19

Te Dios sbajt'el q'uinal ya xpasawan ta mandal, ya me yaiybon te jc'ope. Jich me ya spejc'an ta jc'axel te jcontrotaque; melel ma slecubtes yat'elic, ma sc'an ya yich'ic ta muc' te Diose.

Jeremías 51:34

Ya yal Jerusalén, te lum yu'un Sión: —Nabucodonosor, te muc' ajwalil yu'un Babilonia, wuyultic la yac'on, soc la sbic'on bael; jochol la yijq'uitayon jilel jichuc plato. Jich c'oem te bit'il muc'ul chan ta mar te la sbic'on baele; noj xch'ujt' yu'un a te bitic la smulanbone, te olil xane la xch'oj bael. Ac'a stoj Babilonia, te bayal la yuts'inone; ac'a stoj caldeoetic te ants-winiquetic la smilbonique —xi' me ta yalel.

Isaías 25:6

Ta wits Sión te Cajwaltic te Spisil ya xju' yu'un ya me xchajbanbey spisil te nacionetic, te buen muc' we'elil soc vinoetic te ayix c'aal pasbile, te buen bujts'anic te we'elile, soc te mero tsabilic te lequil vinoetique.

Proverbios 1:32

Te mach'atic ma'yuc bila sna'ojique, ja' nix ya xmilotic yu'un te ma'yuc bila sna'oje; ja' te mach'atic ma sna'ic q'uinale, ja' nix ya xlajinotic yu'un te bila ma ba la yich'ic ta wenta.

Nahúm 2:10

Lajinotix, jojch'ajix, t'analix jilel, jich ayix te lum Nínive. Ya xjinix yo'tanic yu'un te xiwele; ya xnijq'uic te sjol yacanique. Ta spisilic ma'yuquix yipic soc sacuben yelawic yu'un xiwel.

Jeremías 22:21

La jc'oponat jo'on ta yorail te yacat ta esmajel a; ja'uc me to, ma la awaiybon stojol jc'op.

Jeremías 48:12

Te Cajwaltic jich ya yal: —Ya xc'ot sc'aalelal te ay mach'atic ya jticun, te ya yac' ta yan yawil te vino c'oeme. Te yawil jochol ya xjile, ya me yich' wuyel ta jyalel.