Jeremías 48:10 - Bible in Tzeltal de Oxchuc y Tenejapa

¹⁰ (Ch'aybil me ya xc'ot te mach'a ma socuc yutsil yo'tan ya spas te at'el te ya x'ac'bot ta swenta yu'un te Cajwaltique. Ch'aybil me ya xjil te mach'a ma sc'an ya yac' sba ta milawe.)

Bible in Tzeltal Bachajón

¹⁰ ¡Ma me lecuc sc'oblal te mach'a ma ba jun yo'tan ya spasbe ya'tel te Jehová! ¡Ma me lecuc sc'oblal te mach'a ya scom ta smalel ch'ich' te espada yu'une!

Jeremías 48:10 Referans Kwoze

1 Reyes 20:42

Te j'alwanej jich la yal: —Jich ya yalbat te Cajwaltic: “Melel ja'at la acoltay bael te winic calojix te ya xlaje, ja'at me ya xlajatix ta swenta, soc nix te alumal ja' me ya xlajix ta swenta te slumale”, xi' te Cajwaltique —xi'.

1 Samuel 15:3

Ja' yu'un baan, ac'beya guerra, lajina ta jc'axel soc spisil sbiluc. Ma me ayuc mach'a x'ana'bey yo'bolil sba, milaic winiquetic, antsetic, alaletic soc mero ch'in alaletic te ayinelic to, soc nix te wacaxetic, chijetic, camelloetic, soc burroetic yu'unique”, xi' te Cajwaltic —xi' te Samuele.

Jueces 5:23

Te ch'ul abat yu'un Cajwalticjich ya yal: ‘Ac'a bolobuc sc'oplal te lum Meroz soc ants-winiquetic’, xi'; melel ma ba talic ta coltaywanej jich bit'il te mach'atic tulanique, ma ba tal scoltay te Cajwaltique.

2 Reyes 13:19

Te j'alwanej yu'un Dios ilin ta stojol, jich albot: —Te lajuc amaj jo'eb waquebuc buelta te lume, ju' awu'un stsalel te siriaetic te jichuque, ja' to chican ya xlaj. Yo'tic ja' nax oxeb buelta ya atsal te siriaetique —xi' sc'oplal.

1 Samuel 15:9

Pero te Saúl soc te soldadoetic yu'un ma ba la smilic te Agag, soc ma ba la smilic te t'ujbil chijetic, wacaxetic soc te bic'tal wacaxetic te buen jujp'enique, soc bic'tal chijetic. Ma ba la slajinbeyic te biluc yu'unic bayal stojole, ja' nax la slajinbeyic te banti amenic, soc te banti ma ba toyol stojole.

Jeremías 50:25

Te Cajwaltic la sjambey yawil te at'ejibaletic yu'un guerra, la sloq'ues tel te yat'ejibe, ja' te yilimbae; melel te Cajwaltic te Spisil ya xju' yu'une ay me jun starea te ya sju'tes ta pasele, ja' me te nación yu'un te caldeoetique.

Jeremías 47:6

¡Ja'at spuñal Cajwal! ¿bi ora ya acom aba? Cha'ochan ta ana, ch'aban, ma xatijix aba.

1 Reyes 20:39

Te c'alal yac ta c'axel a te muc' ajwalil, jich la yalbey ta tulan: —Te jo'on awabaton, muc' ajwalil cu'un, yacon ta beel bael ta banti yacal guerra, pero tey ta banti ay te guerra loc' tel jtul soldado la yic'bon tel jtul jchuquel. La yalbon te ya yac'bon ta jwenta, pero la yalbon ta jamal, teme col bael ta jc'ab, jo'on ya xlajon ta swenta, o ya jtojbey oxmil (3,000) ta jsejp plata.

1 Reyes 20:40

Pero te jo'on awabaton, muc' ajwalil, ch'ay co'tan ta swenta spasel yantic at'eliletic, jich ma ba la quil loc' ta anel te jchuquele —xi'. Te muc' ajwalil yu'un Israel jich la yal: —Ja'at nix ya awal amul, soc ja'at nix ya awal te bila ya xc'ot ta awenta —xi'.

Jeremías 11:3

albeya te jo'on Ajwalilon te Dioson yu'un Israel ya cal ta jamal: Ma me lecuc sc'oplal te mach'a ma xyich' ta muc' te trato.

Jeremías 47:7

Ja'uc me to, ¿bit'il ya xju' ya alaman aba, teme yaloj mandal ta atojol te Cajwaltique, teme yac'ojbat ta awenta te ya awac'bey guerra Ascalón soc ta spisil ti'ti'mar?

Jeremías 50:27

Milbeyaic spisilic te soldadoetic yu'une, ticunaic bael ta miljibal. ¡Ya me yil swocolic! ¡C'otix sc'aalelal, yorailix te castigo ta stojolique!

Josué 10:19

Yan te ja'exe ma me x'acom abaic li'to, baan nutsaic bael te jcontrotique, milaic bael ta be. Ma xawaq'uic sujt'el ta slumalic, melel te Cajwaltic te Dios cu'untic yac'ojbotiquix ta jc'abtic —xi'.